ជីវិតកម្សាន្ដ
ចេញមិនទាន់បាន៣ថ្ងៃផង អ្នករចនាម៉ូដចិន ចោទប្រកាន់ Lisa ថា ចម្លងអាវផ្កាយក្នុង MV “Rockstar”
គេហទំព័រ South China Morning Post រាយការណ៍អំពីបញ្ហាចម្រូងចម្រាសនៅលើប្រព័ន្ធផ្សព្វផ្សាយសង្គម ខណៈពេលដែលអ្នករចនាជនជាតិចិនម្នាក់បានអះអាងថា Lisa សមាជិកក្រុម Blackpink ចម្លងឈុតផ្កាយរបស់នាង។ អំណះអំណាងនេះទទួលបានការចាប់អារម្មណ៍យ៉ាងខ្លាំងនៅលើ Weibo រហូតគេមើលច្រើនជាង ១៣០លានដង។
Yang Yue សិល្បករតុបតែងមុខ និងជាអ្នកច្នៃម៉ូដមកពីទីក្រុងប៉េកាំង បានធ្វើការចោទប្រកាន់នៅលើវេទិកាប្រព័ន្ធផ្សព្វផ្សាយសង្គម Xiaohongshu ដ៏ល្បីល្បាញពីប្រទេសចិន ដោយអះអាងថា អាវស្បែកម៉ូដផ្កាយដែល Lisa ពាក់ក្នុងវីដេអូចម្រៀង ROCKSTAR គឺជាការចម្លងនៃការរចនារបស់នាង “ពួកគេមិនត្រឹមតែចម្លងទេ ការកាត់ដេរក៏គួរឲ្យខ្លាចដែរ សូមបញ្ឃប់ ហើយចេះខ្មាសខ្លួនឯងផង”។
![](https://www.kampucheathmey.com/wp-content/uploads/2024/07/image-27.png)
នៅក្នុងវីដេអូចម្រៀង MV Teaser សម្រាប់បទចម្រៀងថ្មីរបស់នាង Rockstar ដែលបានចេញផ្សាយកាលពីថ្ងៃទី ២៧ ខែមិថុនា Lisa ពាក់អាវស្បែក រចនារាងដូចផ្កាយ ដែលមើលទៅស្រដៀងទៅនឹងការបង្កើតរបស់ Yang ធ្លាប់រចនាក្នុងឆ្នាំ ២០២០។
ការរចនាបានបញ្ចប់ ខណៈពេលដែល Yang កំពុងសិក្សានៅក្នុងកម្មវិធីអនុបណ្ឌិតនៅសាកលវិទ្យាល័យសិល្បៈទីក្រុងឡុងដ៍ ត្រូវបានបំផុសគំនិតដោយរាជវង្សថាង ដែលជាក្រុមតន្រ្តីលោហៈធ្ងន់ដំបូងគេរបស់ប្រទេសចិនមកពីទីក្រុងប៉េកាំង ហើយដើម្បីបញ្ជាក់ថាការរចនាមួយនេះ នាងក៏បានបង្ហោះរូបថតនៃដំណើរការរចនារាប់តាំងពីលំដាប់ដំបូងមកម៉្លេះ។
ការរចនាតាមបែបផ្កាយរបស់នាងគឺពណ៌ក្រហមជាមួយនឹងលំនាំគូរដោយដៃ អមដោយស្បែកពណ៌បៃតង ស្បែកខ្មៅ និងកំណែពណ៌ខៀវលាយឡំគ្នា។ នៅក្នុងការរចនារបស់ Yang ផ្នែកខាងលើត្រូវបានភ្ជាប់ទៅនឹងសំពត់។
ទោះជាយ៉ាងណាក៏ដោយ វីដេអូពេញនៃបទចម្រៀងបានបង្ហាញថា តារាចម្រៀង K-pop ស្លៀកខោមិនមែនសំពត់ទេ។ ប៉ុន្តែ Yang បាននិយាយថា ម៉ូដសំពត់របស់នាង ត្រូវបានគេចម្លងឬខ្ចីតាមរយៈបណ្តាញដ៏ត្រឹមត្រូវដោយមនុស្សជាច្រើនផងដែរ។ សិល្បករដែលខ្ចីសំពត់តាមបណ្តាញផ្លូវការរួមមាន Ning Yizhuo ឬ Ningning ជាតារាចម្រៀងចិន មកពីក្រុម Aespa របស់កូរ៉េខាងត្បូង។
![](https://www.kampucheathmey.com/wp-content/uploads/2024/07/image-28-1024x733.png)
Yang បាននិយាយថា នាងបានព្យាយាមទាក់ទងទៅអ្នករចនាម៉ូដ Lisa ប៉ុន្តែមិនបានទទួលការឆ្លើយតបទេ។ កាលពីថ្ងៃទី ២៧ ខែមិថុនា ទើបនាងទទួលបាននៅអ៊ីមែលសុំទោសពីក្រុម PR ដែលនិយាយថា Lisa ស្លៀកសំលៀកបំពាក់ធម្មតាព្រោះរាងផ្កាយគឺជាចំណូលចិត្តរបស់នាង ។ ក្រោយមកនាងបានចែករំលែកសេចក្តីថ្លែងការណ៍នៅលើបណ្ដាញសង្គមចិន ប៉ុន្តែគេបានចង្អុលបង្ហាញថា អ្នកឆ្លើយតបគឺជាក្រុមអ្នកគាំទ្ររបស់ Lisa ហើយមិនមែនមកពីក្រុមហ៊ុន Lloud នោះទេ។
ទន្ទឹមនោះដែរ អ្នកគាំទ្រមួយចំនួនបានចោទប្រកាន់អ្នករចនាដើមថា បានកំណត់គោលដៅជាពិសេសចំពោះ Lisa ថានាងស្លៀកពាក់ស្រដៀងម៉ូដដែលខ្លួនបានចេញកន្លងមកក៏ព្រោះតែដើម្បីតែភាពល្បីល្បាញ។ ប៉ុន្តែក៏មានអ្នកផ្សេងទៀតសម្តែងការមិនពេញចិត្តចំពោះក្រុមហ៊ុនថ្មីរបស់ Lisa ដោយជឿថា វាទាបជាងក្រុមហ៊ុនមុនរបស់នាងទៅវិញ។
គួរបញ្ចាក់ដែរថា Rockstar គឺជាការចេញផ្សាយលើកដំបូងរបស់ Lisa នៅក្រោមផលិតកម្ម Lloud និង RCA Records ចាប់តាំងពីការចាកចេញរបស់នាងពីផលិតកម្មយក្យ YG និង Interscope Records កាលពីឆ្នាំមុន និងការចេញចម្រៀងទោលលើកដំបូងក្នុងរយៈពេល ៣ ឆ្នាំកន្លងមកនេះ៕
![](https://www.kampucheathmey.com/wp-content/uploads/2024/07/image-26.png)
អត្ថបទ៖ សាង ស្រីល័ក្ខ
ចុចអាន៖MV ថ្មី “Rockstar” របស់ Lisa ខំប្រម៉ូតប្រទេសថៃ បែរជាប់មម្រាមលើ Facebook ភ្លាមៗ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១៤ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សេដ្ឋកិច្ច៨ ម៉ោង ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១ សប្តាហ៍ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ