ជីវិតកម្សាន្ដ

ស្ថិតក្នុងវ័យ ៦៥ ឆ្នាំ ម្ដាយ Liu Yifei ត្រូវគេសរសើរសម្រស់ស្អាតខ្លាំង

បានផុស

២ ថ្ងៃ មុន

នៅ

ថ្ងៃចន្ទ ១ កក្កដា ២០២៤

ដោយ

ក្នុងវ័យ ៦៥ឆ្នាំ Liu Xiaoli ម្តាយរបស់តារាសម្ដែងចិន Liu Yifei បានទាក់ទាញអ្នកគាំទ្រជាមួយនឹងសម្រស់ និងរូបរាងមិនចាញ់អាយុរបស់គាត់ឡើយ ខណៈពេលដែលកំពុងផឹកកាហ្វេជាមួយមិត្តម្នាក់ នៅហាងកាហ្វេខាងក្រៅក្នុងប្រទេសអ៊ីតាលី។

រាយការណ៍ដោយ 163 និងថតដោយ paparazzi បានបង្ហាញឲ្យឃើញម្ដាយរបស់ Liu Yifei តុបតែងខ្លួនបែបស្រាល ក្នុងឈុតអាវយឺតពណ៌ខៀវ និងកន្សែងសូត្រធម្មតាតែប៉ុណ្ណោះ។ ប៉ុន្តែគាត់បែរជាទាក់ទាញសម្រស់លេចធ្លោខ្លាំង ទោះបីជាស្ថិតក្នុងអាយុជ្រេហើយក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកប្រើប្រាស់ Weibo ជាច្រើនបានសម្តែងការកោតសរសើរចំពោះវត្តមានដ៏យូរអង្វែងរបស់គាត់។ ក្នុងនោះផងដែរ អ្នកបម្រើលើយន្តហោះម្នាក់ដែលធ្លាប់ជួបគាត់នៅលើយន្តហោះបានចែករំលែកថា “នាងមានអាកប្បកិរិយាទន់ភ្លន់ និងស្ទីលបែបប្រពៃណី ហើយមើលទៅក្មេងជាងអាយុច្រើន” ។

ដោយឡែក សារព័ត៌មាន Sohu រាយការណ៍ថា Liu Xiaoli អតីតអ្នករាំជាតិដ៏ល្បីមួយរូប មិនបានចូលប្រឡូកក្នុងវិស័យកម្សាន្តនោះទេ ផ្ទុយទៅវិញគាត់បានលះបង់ការខិតខំប្រឹងប្រែងផ្ទាល់ខ្លួនដើម្បីគាំទ្រអាជីពសម្តែងរបស់កូនស្រី និងរក្សាជីវិតឯកជនដ៏កម្រ។

ទន្ទឹមនោះដែរ Liu Yifei ក៏ធ្លាប់បាននិយាយនៅក្នុងបទសម្ភាសន៍មួយដោយថ្លែងអំណរគុណដល់ម្ដាយថា “អរគុណអ្នកម៉ាក់ ដែលបានមើលថែខ្ញុំអស់រយៈពេល ១៨ ឆ្នាំ និងសម្រាប់បទពិសោធន៍ និងមេរៀនដ៏មានតម្លៃទាំងអស់។ “ខ្ញុំសង្ឃឹមថាយើងនៅតែជាដៃគូដ៏ល្អបំផុត”។

ទោះយ៉ាងណាក៏ដោយ នេះក៏មិនមែនជារឿងចម្លែកនោះទេ នៅពេលដែលមហាជនលើកពីសម្រស់ម្ដាយ Liu Yifei មកជជែកជាសធារណៈនោះ។ កន្លងមកគ្រួសារត្រកូល Liu ធ្លាប់ត្រូវពិភពអ៉ិនធើណេតបានធ្វើការចែករំលែក និងបញ្ជូនបន្តរូបភាពគ្រួសាររួមទាំងជីដូន មីង និងម្តាយរបស់នាង ហើយអ្វីដែលអាចបញ្ជាក់បានយ៉ាងច្បាស់នោះគឺភាពស្រស់ស្អាតមួយគ្រួសារ ដែលត្រូវបានបន្សល់ពីជំនាន់មួយទៅជំនាន់មួយ ពិសេស DNA នៃសម្រស់តែម្ដង៕