ជីវិតកម្សាន្ដ

ស្រីចុប ចេញមុខបកស្រាយ ក្រោយផ្ទុះដំណឹងជិតរៀបការជាមួយបុរសសង្ហាម្នាក់

បានផុស

៦ ខែ មុន

នៅ

ថ្ងៃចន្ទ ១ កក្កដា ២០២៤

ដោយ

កាលពីថ្មីៗនេះមហាជន អ្នកគាំទ្រ និងប្រើប្រាស់បណ្តាញសង្គមហ្វេសប៊ុកមានការភ្ញាក់ផ្អើលបន្ទាប់ពីឃើញការចែករំលែករូបភាពតារាកំប្លែង ស្រីចុប ស្ថិតក្នុងសម្លៀកបំពាក់កូនក្រមុំដែលមានមតិមួយចំនួននិយាយថា ប្រហែលនាងជិតចូលរោងការជាមួយបុរសរូបសង្ហាម្នាក់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការចែករំលែករូបភាព និងវីដេអូនេះសាមីខ្លួន ស្រីចុប បាននិយាយថា «បងស្រីៗដែលស្អាតៗនោះចុះមានប្តីហើយ ឬនៅ?» តាមរយៈនេះដែរគេឃើញមានមវតិជាច្រើនបានផ្ទុះការវែកញែកថា ស្រីចុប ជិតចូលរោងការទើបនាងថតតុបតែងខ្លួនក្នុងឈុតកូនក្រមុំបែបនេះ។ ចំណែកខ្លះទៀតយល់ថា ទំនងនាងគ្រាន់តែថតស្លៀកបំពាក់សំអាងការប៉ុណ្ណោះ។

ដើម្បីស្រាយមន្ទិលសង្ស័យរបស់អ្នកគាំទ្រតារាកំប្លែងស្រីចុប បានញ្ជាក់ឲ្យដឹងថា នាងពិតជាបានគ្រងឈុតកូបក្រមុំថតជាមួយបុរសសង្ហានោះមែន ប៉ុន្តែមិនមែនន័យថា ជិតចូលរោងការទេ ពោលគឺត្រឹមតែការថតឲ្យសំអាងការមួយប៉ុណ្ណោះ ដូច្នេះគឺកុំមានការយល់ច្រឡំទៀតអី។

តារាកំប្លែង ស្រីចុប បាននិយាយទៀតថា «បញ្ចាក់បងប្អូនផងដែរ ប្អូនមិនបានរៀបការទេ ប្អូនមកថតសម្អាងឲ្យបងស្រីម្ចាស់សំអាងការបងៗ(យ៉ាងហោចណាស់ក៏បានស្គាល់រស់ជាតិពាក់ដែរ)។ អរគុណដល់បងស្រី ម្ចាស់សំអាងការដែលបានផ្តល់ការតុបតែងខ្លួនឲ្យប្អូនបានយ៉ាងស្រស់ស្អាត ហើយក៏អរគុណដល់បងៗចែៗដែរធ្វើសក់ផ្តាត់មុខឲ្យយ៉ាងស្អាតផងដែរ»។

ជាមួយគ្នានឹងការបកស្រាយខាងលើក៏មានអ្នកគាំទ្រនាងមួយចំនួនបានសរសើរថា ស្រីចុប ពេលតុបតែងខ្លួនអញ្ចឹងស្អាតស្ទើមើលមិនស្គាល់ក្នុងនោះក៏មានការលើកទឹកចិត្ត និងជូនពរឲ្យនាងឆាប់បានជួបស្នេហ៍សមតាមបំណងទៀតផង៕

អត្ថបទ៖ ចាន់រ៉ា