ជីវិតកម្សាន្ដ
លោក គួច ខេវិន លើកទឹកចិត្តតា ចេក ក្រោយឃើញធ្លាក់ខ្លួនដើរសំលៀងកាំបិត
បន្ទាប់ពីឃើញព័ត៌មាន និងការចែកចាយនៅលើបណ្តាញសង្គមពាក់ព័ន្ធតារាកំប្លែងជើងចាស់ តាចេក ធ្លាក់ខ្លួនដើរសំលៀងកាំបិតយ៉ាងកម្សត់បង្កការភ្ញាក់ផ្អើលដល់អ្នកគាំទ្រ និងមហាជននោះ លោក គួច ខេវិន បានចេញមកលើកទឹកចិត្តថា មិនមានអ្វីខ្មាសអៀន ឬថោកទាបនោះទេ ជាមួយនឹងមុខរបរសំលៀងកាំបិត កន្ត្រៃ ដើម្បីប្រាក់កម្រៃតាមអំពើ និងលទ្ធភាពសុច្ចរិត។
![](https://www.kampucheathmey.com/wp-content/uploads/2024/07/IMG_20240701_170259_469.jpg)
ទន្ទឹមគ្នានេះដែរ ផលិតករកម្មវិធីកម្សាន្តលោក គួច ខេវិន ក៏បានឧបត្ថម្ភថវិកាចំនួន១០ម៉ឺនរៀលព្រមទាំងអំពាវនាវដល់មហាជនមេត្តាជូយតារាកំប្លែង តាចេក ដែលកំពុងជួបកាខ្វះខាតសម្រាប់ជីវភាពប្រចាំថ្ងៃផងដែរ។ លោក ខេវិន បានលើកឡើងថា គ្រប់ពេលគ្រប់វេលាពេលខ្លះធ្វើឆ្កួត ពេលខ្លះធ្វើជា ពេលខ្លះក្រត្រដាបត្រដួសពេលខ្លះមានហួសស្ទើរតែអត់អីស៊ី “ដើម្បីតែសំណើចកំដរអារម្មណ៍ជូនលោកអ្នក”។
លោក គួច ខេវិន បានបន្តថា ដោយសេចក្តីគោរពរាប់អាន និងក្តីស្រឡាញ់ចំពោះអ្នកសិល្បៈលោកសូមជូននូវថវិការ១០០០០០រៀលចំពោះលោកតា ចេក ជាមួយនឹងការលើកទឹកចិត្តដើម្បីបន្តដំណើរជីវិតជាមួយនឹងមុខរបរអាជីពអ្វីក៏ដោយឲ្យតែសុច្ចរិតតទៅទៀត។ ទោះជាថវិកានេះបន្តិចបន្តួច តែបើយើងជាអ្នកសិល្បៈដែលធ្លាប់រួមការងាររួមសុខរួមទុក្ខចេះជួយគ្នាបន្តិចម្នាក់ៗនោះការលំបាករបស់គាត់នឹងបានធូរស្រាល។
![](https://www.kampucheathmey.com/wp-content/uploads/2024/07/IMG_20240701_170255_903.jpg)
លោកសង្កត់ធ្ងន់ថា “មិនមានអ្វីខ្មាសអៀនឬថោកទាបនោះទេ ជាមួយនឹងមុខរបរសំលៀងកាំបិត កន្ត្រៃ ដើម្បីប្រាក់កម្រៃតាមអំពើ និងលទ្ធភាពសុច្ចរិត ឯការលើកដៃប្រណម្យអង្វរសុំលុយសុំក្តីអាណិតពីគេដោយមិនប្តូរនឹងពលកម្មរបស់ខ្លួនទើបជារបរមិនថ្លៃថ្នូរមានមនុស្សជាច្រើនមិនចេះសំលៀងកាំបិត កន្ត្រៃ ពូថៅឲ្យមុតល្អនោះឡើយតួយ៉ាងដូចជារូបខ្ញុំក៏សំលៀងមិនមុតដែរ ដូច្នេះខ្ញុំសូមកោតសរសើរព្រមទាំងលើទឹកចិត្តលោកពូ ចេក បន្តអាជីពសុច្ចរិតទាំងឡាយដែលខ្លួនមានរួមទាំងការសំលៀងកាំបិតតទៅទៀត”។
![](https://www.kampucheathmey.com/wp-content/uploads/2024/07/IMG_20240701_170414_933.jpg)
លោក គួច ខេវិន និយាយទៀតថា កុំប្រាថ្នាធំពេក កុំសម្លឹងខ្ពស់ពេក កុំច្រណែន កុំឃើញដំរីជុះជុះតាមដំរី តែគប្បីធ្វើអ្វីតាមកម្លាំងតាមវ័យដែលខ្លួនអាចធ្វើទៅបាន រកបានប៉ុន្មានទទួលទានប៉ុណ្ណោះគឺ កុំខ្លាចពាក្យពេបជ្រាយមាក់ងាយពីអ្នកដ៏ទៃចំពោះខ្សែជីវិតអតីតកាលរបស់ខ្លួនមនុស្សម្នាក់ៗមានជម្រើសមានភ័ព្វសំណាងផ្សេងៗគ្នាដើម្បីល្ហែរល្ហើយចិត្តសូមលោកពូចេក រំពឹងថា “មនុស្សជាអ្នកគិតតែទេវតាជាអ្នកសម្រេច” គ្មានភ្លៀងឯណាដែលមិនរាំងគ្មានយប់ឯណាដែលគ្មានថ្ងៃនោះទេត្រូវតែមានសង្ឃឹមជានិច្ច។
![](https://www.kampucheathmey.com/wp-content/uploads/2024/07/FB_IMG_1719828111786.jpg)
សូមជម្រាបដែរថា ដោយសាតែបញ្ហានៃជីវភាពគ្រួសារទើបរុញច្រានឲ្យតារាកំប្លែងវ័យចំណាស់តាចេកខំប្រឹងពុសពាររាល់ឧបសគ្គដើម្បីរកប្រាក់ចំណូលបន្ថែមជួយផ្គត់ផ្គង់ដល់ជីវរស់នៅប្រចាំថ្ងៃ។ តា ចេក ធ្លាប់ជាតារាកំប្លែងស្ងួតដែលផ្តល់ភាពសើចសប្បាយរីករាយជួនទស្សនិកជននាពេលកន្លងមក។
យ៉ាងណាថ្មីៗនេះ បង្ហោះភ្ជាប់វីដេអូនោះបានរៀបរាប់ថា សូមជួយស៊ែរអោយបានដល់ថ្នាក់ដឹកនាំផងដែលជាម្លប់ដល់កូនចៅ ខ្ញុំបានជួបលោកអ៊ុំកាលពី៣ឆ្នាំមុន លោកអ៊ុំលក់ផ្លែឈើនៅភ្នំគីរម្យ!ហ៊ឹម…ឥឡូវគាត់ដើរសំលៀងកាំបិតតាមផ្ទះគេគួរតែបងៗខាងសិល្ប:គិតគូ រគាត់ផងគាត់ក៏ជាសិល្ប:ជើងចាស់មួយរូបដែរទឹក មុខបង្ហាញពីទុក្ខសូមជួយគាត់ផងគាត់អាយុច្រើនហើ យពេលវេលានៅមានតិចណាស់៕
អត្ថបទ៖ ចាន់រ៉ា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២២ ម៉ោង ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា