ជីវិតកម្សាន្ដ

ជា វណ្ណារិទ្ធ រំភើបជំនួសពលរដ្ឋខេត្តកណ្ដាល ខណៈ លោក គួច ចំរើន មកកាន់តំណែងជាអភិបាលខេត្ត

បានផុស

៦ ខែ មុន

នៅ

ថ្ងៃអង្គារ ២ កក្កដា ២០២៤

ដោយ

ពិធីករសម្បូរវោហារស័ព្ទមិនចេះរឹងស្ងួត លោក ជា វណ្ណារិទ្ធ បានបង្ហាញក្តីរំភើបជាមួយប្រជាពលរដ្ឋរស់នៅក្នុងខេត្តកណ្តាល ខណៈដែលលោក គួច ចំរើន ត្រូវបានប្រកាសផ្ទេរមកកាន់តំណែងជាអភិបាលខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត លោក គួច ចំរើន ត្រូវបានប្រកាសចូលកាន់មុខតំណែងអភិបាលខេត្តកណ្តាល កាលពីព្រឹកថ្ងៃទី ០១ ខែកក្កដា ឆ្នាំ ២០២៤ ក្រោមអធិបតីភាព លោក ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ខណៈប្រជាពលរដ្ឋបានរំពឹងថា អភិបាលខេត្តថ្មី រូបនេះ នឹងផ្តល់ភាពសុខសាន្តដល់ពួកគាត់តាមរយៈការបង្ក្រាបបទល្មើសផ្សេងៗ ផងដែរ។

ដោយឡែកសម្រាប់ពិធីករ លោក ជា វណ្ណារិទ្ធ បានលើកឡើងពីចំណាប់អារម្មណ៍បែបនេះថា «អ្នកខេត្តកណ្តាល មានអារម្មណ៍បែបណា នៅពេលដែលបានឃើញវត្តមានរបស់ ឯកឧត្ដម? សម្រាប់ខ្ញុំ រីករាយជំនួស ព្រោះការដឹកនាំរបស់ ឯកឧត្ដម ប្រកបដោយគុណតម្លៃ និងភាពស្និទ្ធស្នាលជាមួយប្រជាពលរដ្ឋ»។

ចំណែកនៅលើទំព័រហ្វេសប៊ុករបស់ លោក គួច ចំរើន បានមានប្រសាសន៍ថា «អ្នកកណ្តាល សុំផ្ញើខ្លួន និងការងារជោគជ័យផង។ ក្នុងរយៈពេល ១០ ឆ្នាំ ខ្ញុំបានប្ដូរការងារ ៦ កន្លែង ខណ្ឌមានជ័យ-ខណ្ឌដូនពេញ-អគ្គរដ្ឋបាល-ខេត្តកំពង់ចាម-ខេត្តព្រះសីហនុ-ខេត្តកណ្តាល»។

លោកបន្ថែមទៀតថា «ការងារច្រើនកន្លែង ថ្មីរហូត ហត់បន្តិចមែន តែបទពិសោធច្រើន មិត្តភ័ក្ដិក៏ច្រើន ទំនាក់ទំនងក៏ច្រើន ស្គាល់សង្គម និងមនុស្ស ក៏ច្រើន។ រីករាយចំពោះការងារទាំងអស់ដែលបានបន្សល់ស្នាមញញឹម និងក្តីនឹករលឹក»៕

អត្ថបទ ៖ ចាន់រ៉ា