ជីវិតកម្សាន្ដ
ប្រព័ន្ធផ្សព្វផ្សាយកូរ៉េថា បទចម្រៀង ROCKSTAR របស់ Lisa ល្បីត្រឹមប្រទេសថៃប៉ុណ្ណោះ
នៅថ្ងៃទី ៣០ ខែមិថុនា ឆ្នាំ ២០២៤ ប្រព័ន្ធផ្សព្វផ្សាយកូរ៉េខាងត្បូង OSEN បានរាយការណ៍អំពីតារាស្រី Lisa សមាជិកក្រុម Blackpink ដែលបានចេញបទចម្រៀង Rockstar ជាស្នាដៃទោលដំបូងរបស់នាង ក្រោមការដឹកនាំរបស់ LLOUD កាលពីថ្ងៃទី២៨ ខែមិថុនា។
![](https://www.kampucheathmey.com/wp-content/uploads/2024/07/image-91.png)
សារព័ត៌មានបានរៀបរាប់លម្អិតយ៉ាងម៉ត់ចត់ និងរិះគន់គុណភាព នៃវីដេអូចម្រៀង និងការច្រៀង ហើយបានសរសើរថា វាមានគុណភាពខ្ពស់ និងបង្ហាញយ៉ាងច្បាស់ពីភាពពិសេសរបស់ Lisa។ ប៉ុន្តែបទចម្រៀង Rockstar ត្រូវបានចាត់ទុកថាជាការសម្តែងដ៏ខកចិត្តមួយសម្រាប់អ្នកគាំំទ្រ។
ទន្ទឹមនោះដែរ សារព័ត៌មានដដែលបានគូសបញ្ចាក់ទៀតថា Rockstar បានធ្វើឲ្យមានការខកចិត្តយ៉ាងខ្លាំង នេះគឺដោយសារតែបទចម្រៀងនេះបានបង្ហាញខ្លួននៅលេខរៀង៨ នៅលើតារាង Spotify Daily Top Songs Global កាលពីថ្ងៃទី ២៨ ខែមិថុនា ហើយបានកើនឡើងដល់លេខ១ នៅលើតារាងប្រទេសថៃ។ ផ្ទុយទៅវិញ វាជាប់ចំណាត់ថ្នាក់លេខ ២៩ នៅកូរ៉េខាងត្បូង លេខ ១៤ នៅហ្វីលីពីន និងហុងកុង លេខ ១០ នៅតៃវ៉ាន់ លេខ ៩ នៅម៉ាឡេស៊ី និងសិង្ហបុរី និងលេខ ៧៩ នៅឥណ្ឌូនេស៊ី។
ទោះបីជាយ៉ាងណា ងាកទៅកាន់អ្នកគាំទ្រ Lisa ឯណោះវិញបានចូលមកបញ្ចេញមតិហាក់មិនយល់ស្របនឹងការរិះគន់ពីភាពសមរម្យនៃការរាយការណ៍ព័ត៌មាន។ ក្នុងនោះម្នាក់ៗបាននិយាយថា ពួកគេពិតជាចង់ឃើញមុខអ្នកដែលចំអកឲ្យម្ចាស់បទ Rockstar ណាស់។ ជាពិសេសព័ត៌មានមួយនេះ មិនបានធ្វើឲ្យនាងមានចិត្តរង្គោះរង្គើឡើយ។ ស្របពេលជាមួយគ្នានោះដែរ អ្នកផ្សេងទៀតបានបញ្ចេញមតិថា កូរ៉េជាប្រទេសដែលស្អប់មនុស្សខ្លាំងបំផុត ជាពិសេសបរទេសតែម្ដង។
គួរបញ្ចាក់ដែរថា MV ថ្មីក្រោមចំណងជើងថា ROCKSTAR បានចេញផ្សាយកាលពីថ្ងៃទី ២៨ ខែមិថុនា ឆ្នាំ២០២៤ខណៈដែលទីតាំងថតគឺជាអាគារផ្សារទំនេីបដែលគេបោះបង់ចោលដ៏ធំនៅប្រទេសថៃ New World Department Store ហើយគ្រប់គ្នាល្បីថាអាគារខ្មោចលងប្រចាំប្រទេស។ ជាពិសេស វាក៏ជាការចេញផ្សាយលើកដំបូងរបស់ Lisa នៅក្រោមផលិតកម្ម Lloud និង RCA Records ចាប់តាំងពីការចាកចេញរបស់នាងពីផលិតកម្មយក្យ YG និង Interscope Records កាលពីឆ្នាំមុន និងការចេញចម្រៀងទោលលើកដំបូងក្នុងរយៈពេល ៣ ឆ្នាំកន្លងមកនេះ៕
![](https://www.kampucheathmey.com/wp-content/uploads/2024/07/image-90-1024x576.png)
អត្ថបទ៖ សាង ស្រីល័ក្ខ
ចុចអាន៖ចេញមិនទាន់បាន៣ថ្ងៃផង អ្នករចនាម៉ូដចិន ចោទប្រកាន់ Lisa ថា ចម្លងអាវផ្កាយក្នុង MV “Rockstar”
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា