ជីវិតកម្សាន្ដ

មិត្តជិតស្និទ្ធ Baifern ទម្លាយស្ថានភាពផ្លូវចិត្ត ក្រោយផ្ទុះពាក្យចចាមអារ៉ាមបែកគ្នាផ្អើលប្រទេស

បានផុស

២ ថ្ងៃ មុន

នៅ

ថ្ងៃអង្គារ ២ កក្កដា ២០២៤

ដោយ

បន្ទាប់ពីមានពាក្យចចាមអារ៉ាមស្នេហាប្រេះឆាជាមួយមិត្តប្រុស Naphat ជីវិតគូរបស់អ្នកទាំងពីរកំពុងក្លាយជារឿងរ៉ាវដែលមានអ្នកតាមដានយ៉ាងច្រើនក្នុងប្រទេសថៃ។ ជាពិសេសស្ថានភាពផ្លូវចិត្តរបស់ Baifern ត្រូវបានមិត្តជិតស្និទ្ធបើកទម្លាយឲ្យអ្នកគាំទ្របានដឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងព្រឹត្តិការណ៍មួយអ្នកសារព័ត៌មានបានជួបជាមួយ Mind Lapatsalal ដែលជាមិត្តជិតស្និទ្ធរបស់ Baifern ទើបប្រើឱកាសនេះសាកសួរពីស្ថានភាពរបស់តារាសម្ដែងស្រីថៃថា តើមានស្ថានភាពផ្លូវចិត្តយ៉ាងណាទៅហើយ ក្រោយជួបពាក្យចចាមអារ៉ាមរឿងស្នេហាបែកបាក់។ ជាពិសេស ចាប់តាំងពីថ្ងៃដែលនាងឆ្លើយសំណួរអ្នកសារព័ត៌មានក្រោយព្រឹត្តិការណ៍មក គ្រប់គ្នានៅតែមិនឃើញនាងធ្វើសកម្មភាពអ្វីទៀតឡើយ។

មិត្តជិតស្និទ្ធរបស់ Baifern បានឆ្លើយគ្មានទាក់ថា “Baifern កម្រយករឿងតានតឹងមកប្រាប់មិត្តភ័ក្តិណាស់។ ប៉ុន្តែតាមដែលបាននិយាយមក ស្ថានភាពផ្លូវចិត្តរបស់នាងបច្ចុប្បន្នគឺល្អ ហើយខ្ញុំជឿថាមិត្តខ្ញុំជាមនុស្សឆ្លាត មានចិត្តរឹងប៉ឹង។នៅពេលនេះ ខ្ញុំអាចត្រឹមផ្តល់ការលើកទឹកចិត្តដល់នាងក្នុងនាមជាមិត្តតែប៉ុណ្ណោះ។ ចំណែកឯពាក្យចចាមអារ៉ាមនេះ មិនថាខ្ញុំឬអ្នករាល់គ្នាសុទ្ធតែដឹងហើយនៅពេលនេះ។ ព័ត៌មានលម្អិតទាំងអស់នៃរបៀបដែលវាកើតឡើងនឹងត្រូវរង់ចាំរហូតដល់ពួកគេទាំងពីរបានត្រៀមខ្លួនបកស្រាយលម្អិត ហើយជាការប្រសើរបំផុតដែលមហាជនទាំងអស់ស្តាប់ចេញពីមាត់របស់ពួកគេផ្ទាល់”។

ទោះបីជាយ៉ាងណាក៏ដោយ កន្លងមកខាង Naphat ធ្លាប់ចេញមុខបកស្រាយថា នាពេលនេះលោកសុំពេលវេលាដោះស្រាយគ្រួសារ និងមិត្តស្រី ដោយរូបគេបានស្នើលសសុំឲ្យមហាជនទុកពេលឲ្យគេតែប៉ុណ្ណោះ។ បន្ទាប់មកតារាសម្ដែងប្រុសរូបនេះនឹងចេញមុខបកស្រាយម្តងទៀតអំពីការពិតថាតើអ្នកទាំងពីរពិតជាកបែកគ្នាពិតមែន។

គួរបញ្ចាក់ដែរថា រឿងរ៉ាវដ៏រសើបរវាងគូស្នេហ៍ Baifern និង Naphat បែកគ្នា គឺជាពាក្យចចាមអារ៉ាមមួយកំពុងតែត្រូវបានទស្សនិកជនជាច្រើនតាមដានយ៉ាងដិតដល់បំផុត។ ជាពិសេសអ្នកទាំងពីរគឺជាគូស្នេហ៍ដែលស័ក្តិសមបំផុត ហើយនៅតែរង់ចាំពេលវេលាឲ្យគូស្នេហ៍នេះចេញមកបើកចំហឲ្យបានច្បាស់ដោយខ្លួនឯងថា ពិតឬមិនតែប៉ុណ្ណោះ៕