ការពិតនៅពីក្រោយរូបភាព Hu Ge មិនអើពើ Liu Yifei នៅពានរង្វាន់ Shanghai Television Festival

ពានរង្វាន់ Shanghai Television Festival ត្រូវបានបញ្ចប់មួយរយៈហើយ ប៉ុន្តែរឿងរ៉ាវមួយចំនួននៅតែត្រូវបានលើកឡើងជាបន្តបន្ទាប់។ ដូច​ក្នុង​វីដេអូ​មួយ​ដែល​បាន​ចែក​រំលែក​មិន​យូរ​ប៉ុន្មាន​នោះ​ ពេល​នោះ​ត្រូវ​​ថត​បាន​ពេល​ដែល Liu Yifei, Hu Ge និង Wan Qian​ អង្គុយ​ក្បែរ​គ្នា។

តាមរយៈឃ្លិបបានបង្ហាញឲ្យឃើញពីសកម្មភាពរបស់តារាប្រុសស្រីទាំង៣ដួង ជជែកគ្នា នាពេលនោះតួឯកស្រីក្នុងរឿង Mulan ងាកមកនិយាយជាមួយតារាសម្ដែងប្រុស​ Hu Ge បានមួយសន្ទុះ តែអ្នកនៅក្បែរមិនឆ្លើយតបទេ អាកប្បកិរិយាគេនៅតែព្រងើយកន្តើយដូចមិនរវីរវល់ជាមួយនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីវីដេអូឃ្លិបនោះបានចែកចាយពាសពេញបណ្ដាញសង្គមចិន អ្នកលេងអ៊ីនធឺណេតមានអារម្មណ៍ងឿងឆ្ងល់ថា Hu Ge និង Liu Yifei ធ្វើការជាមួយគ្នាក្នុងរឿងភាគចិន Chinese paladin កាលវគ្គ១ ប្រហែលជាពួកគេមិនស្និទ្ធស្នាលពេកទេ ប៉ុន្តែពេលនេះជួបគ្នាហើយបែរ ព្រងើយ​កន្តើយ​នឹង​អតីត​តារា​រួម​អាជីពកើតដែរ។

ទោះជាយ៉ាងណាក៏ដោយ នៅក្នុងវីដេអូមួយទៀត Ho Ge នៅតែទាក់ទងជាធម្មតាជាមួយ Liu Yifei គ្រាន់តែថា ខណៈពួកគេកំពុងជជែកគ្នាលេងយ៉ាងសប្បាយរីករាយ ស្រាប់តែមានអ្នកថតរូបម្នាក់បានលេចមុខ តារាសម្ដែងរូបនេះស្រាប់តែឈប់និយាយ ហើយរក្សាភាពស្ងប់ស្ងៀម។ ដូច្នេះហើយ Liu Yifei ក៏អង្គុយត្រង់ដូចសិស្សដែលអ្នកចូលរួមកំពុងថត ចំណែក Wan Qian ដែលកំពុងកាន់ទូរស័ព្ទរបស់នាង ត្រូវបោះវាចោលយ៉ាងលឿន ព្រោះខ្លាចបង្ហាញពីសកម្មភាពមិនល្អទៅមហាជន។

យ៉ាអណាមិញ ក្រោយ​ហេតុការណ៍​នេះ​ធ្វើ​ឲ្យមហាជន​ជាច្រើន​ដក​ដង្ហើម​ធូរស្រាលមកវិញ ​ព្រោះ​វា​គ្រាន់តែ​ជា​ការ​យល់​ខុស​មួយពេលប៉ុណ្ណោះ ។ ទោះបីជា Ho Ca មិនសូវជិតស្និទ្ធនឹង Liu Yifei ដូចគាត់ជាមួយ Tiffany Tang  ក៏ដោយ ប៉ុន្តែពួកគេមិនមានបញ្ហាពាក់ព័ន្ធនឹងទំនាក់ទំនងរបស់ពួកគេ​នោះទេ។ ជាពិសេស អ្នកទាំងពីរតែងតែបង្ហាញសកម្មភាពព្រងើយកន្តើយនឹងគ្នារាល់ពេលដែលពួកគេជួបគ្នាក្នុងព្រឹត្តិការណ៍នានាកន្លងមក៕

អត្ថបទ៖ សាង ស្រីល័ក្ខ

ចុចអាន៖Angelababy ផ្សាយផ្ទាល់ប្រឹងរកលុយបន្ថែម តែត្រូវគេដេញឲ្យចាកចេញពីកម្មវិធី