ជីវិតកម្សាន្ដ

លេចមុខក្នុងវីដេអូមួយ Lee Min Ho លែងក្លាយជាតារាប្រុសសង្ហាបំផុតប្រចាំប្រទេសកូរ៉េទៀត

បានផុស

៦ ខែ មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

លេចមុខក្នុងវីដេអូផ្សព្វផ្សាយផលិតផលមួយកាលពីប៉ុន្មានថ្ងៃមុន Lee Min Ho បានធ្វើឲ្យសាធារណជនភ្ញាក់ផ្អើលជាមួយនឹងរូបរាងដ៏លេចធ្លោរបស់គាត់។ មុខមាត់ពិតរបស់តារាសម្ដែងប្រុសរូបនេះកាន់តែមានរាងមូលគួរឲ្យកត់សម្គាល់ ដែលធ្វើឲ្យលោកមើលទៅមិនសូវសង្ហាដូចពីមុន រហូតធ្វើឲ្យមហាជនជាច្រើនលែងស្គាល់ថាលោកធ្លាប់ជាបុរសសង្ហាដ៏ល្បីប្រចាំប្រទេសកូរ៉េទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជោគជ័យនៃខ្សែភាពយន្តដូចជា Meteor Garden និង City Hunter ប្រជាប្រិយភាពរបស់ Lee Min Ho មិនត្រឹមតែកើនឡើងប៉ុណ្ណោះទេ ប៉ុន្តែគាត់ក៏បានក្លាយជាបុរសដ៏ល្អក្នុងក្រសែភ្នែករបស់ស្ត្រីផងដែរ។ រាងខ្ពស់ដូចតារាបង្ហាញម៉ូដ និងទម្រង់មុខស្រស់សង្ហារបស់លោក បានក្លាយជាស្តង់ដារសម្រាប់សម្រស់នៅប្រទេសកូរ៉េ រាល់ពេលដែល លោកត្រូវបានគេលើកឡើងធ្វើឲ្យមហាជនសរសើរមិនដាច់ពីមាត់។

មិនត្រឹមតែប៉ុណ្ណោះ ប្រព័ន្ធផ្សព្វផ្សាយកូរ៉េ និងអន្តរជាតិ ក៏បានទទួលស្គាល់តារារូបនេះ កើតក្នុងឆ្នាំ ១៩៨៧ ជាបុរសសង្ហាជាងគេនៅក្នុងប្រទេសកូរ៉េផងដែរ។ ប៉ុន្តែក្នុងប៉ុន្មានឆ្នាំថ្មីៗនេះ Lee Min Ho មិនអាចរក្សារូបរាងដ៏ល្អឥតខ្ចោះរបស់គាត់បានទៀតទេ។ ច្រើនលើកច្រើនសារ ពេលបង្ហាញមុខជាសាធារណៈ តារាប្រុសរូបនេះ ធ្វើឲ្យមានការភ្ញាក់ផ្អើលជាខ្លាំង ដោយសារតែលោកឡើងទម្ងន់យ៉ាងលឿន មុខមូលៗ បាត់បង់រូបរាងចាស់ សង្ហា និងឆើតឆាយ។

លើសពីនេះ អាជីពរបស់អតីតតួឯកប្រុសក្នុងរឿង Boys Over Flowers ក៏ធ្លាក់ចុះទៅតាមពេលវេលាផងដែរ ចាប់តាំងពីរឿង Legend of the Blue Sea កាលពីឆ្នាំ២០១៦ គាត់លែងមានការងារអ្វីប្លែកទៀតហើយ។ នៅអាយុ ៣៧ ឆ្នាំ ជាមួយនឹងអាជីពមិនស្ថិតស្ថេរ និងរូបរាងធ្លាក់ចុះ វាច្បាស់ណាស់ថា Lee Min Ho កាន់តែធ្លាក់ចុះខ្លាំង បើធៀបនឹងមិត្តរួមការងារផ្សេងទៀតដែលកំពុងតែមានកេរ្តិ៍ឈ្មោះល្បីល្បាញ។

មែនទែនទៅ នេះមិនមែនជាលើកទីមួយទេ ដែល Lee Min Ho ក្លាយជាប្រធានបទនៃការពិភាក្សា ដោយសារតែមុខហើមរបស់លោក ដែលបណ្តាលមកពីការឡើងទម្ងន់ខ្លាំង។ កន្លងមក ក្នុងព្រឹត្តិការណ៍មួយនៅប្រទេសថៃ តារាប្រុសរូបនេះ បានបង្កភាពចលាចលក្នុងចំណោមអ្នកគាំទ្រ ដោយសារតែមុខរាងមូល និងមិនសូវទាក់ទាញដូចពីមុន។ មតិមួយចំនួនបានលើកឡើងថា រូបរាងបច្ចុប្បន្នរបស់លោកហាក់ដូចជាចាស់ជាងមុន បើប្រៀបធៀបទៅនឹងមនុស្សប្រុសដែលមានវ័យស្រកលោកដូចជា Hyun Bin ឬ Won Bin ជាដើម។ ទស្សនិកជនមួយចំនួនទៀតបានបញ្ចេញមតិអវិជ្ជមានថាលោកមិនចេះថែខ្លួន ពិតជាមិនសក្តិសមជាកំពូលតារាលំដាប់ A នោះទេ។

ដ្បិតថាទទួលរងពាក្យរិះគន់មិនល្អមួយចំនួនក្ដី ប៉ុន្តែអ្នកគាំទ្ររបស់តារាប្រុសវ័យ៣៧ បានចេញមុខការពារតួឯក F4 រូបនេះ ដោយពួកគេលើកឡើងថាឲ្យតែ Idol របស់ខ្លួនសប្បាយចិត្ត និងមានសុខភាពល្អ រូបរាងរបស់គាត់បែបណា ក៏ពួកគេនៅតែគាំទ្រ មិនប្ដួរឡើយ៕