ជីវិតកម្សាន្ដ

G-Devith ប្រកាសឧបត្ថម្ភមួយខែ ២០០ ដុល្លារ ពេញមួយឆ្នាំ ដល់ក្មេងប្រុសកម្សត់ម្នាក់

បានផុស

៣ ខែ មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

បន្ទាប់ពីមានការបង្ហោះចែករំលែកវីដេអូក្មេងប្រុសកម្សត់ម្នាក់ ដែលបានរៀបរាប់នូវទុក្ខលំបាកគ្រួសារ ខណៈដែលឪពុករត់ចោលតាំងពីតូច, ចំណែកឯលោកយាយគាត់ដើរសុំទាន និងម្តាយដើរលាងចានឲ្យគេនោះ តារាចម្រៀងរ៉េបលោក G-Devithប្រកាសឧបត្ថម្ភមួយខែ ២០០ដុល្លាររហូតពេញ ១ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈដំណឹងនេះ បានធ្វើឲ្យមហាជន អ្នកគាំទ្រ និងអ្នកប្រើប្រាស់បណ្ដាញសង្គមហ្វេសប៊ុកមានការរំភើបព្រមជាមួយការសរសើរចំពោះទឹកចិត្តដ៏ប្រពៃពីសំណាក់តារាចម្រៀងរ៉េបល្បីឈ្មោះលោក ងួន ចាន់ដេវីដ ឬ
G-Devith ដែលបានចែករំលែកនូវក្តីស្រលាញ់មួយនេះដល់គ្រួសារក្មេងប្រុសរូបនេះ។

លោក G-Devith បានប្រកាសថា “ដោយឧបនិស្ស័យតាមរយៈការឃើញVideoនេះខ្ញុំ ក្រោយទទួលបានព័ត៌មានច្បាស់លាស់ដោយខ្ញុំសម្រេចថា នឹងឧបត្ថមជួយសម្រួលជីវភាពលោកយាយ និង ការសិក្សារបស់ប្អូនប្រុសចំនួន ២០០ដុល្លារ រាល់ខែរហូតដល់គ្រប់មួយឆ្នាំពេញ”។

លោក ងួន ចាន់ដេវីដ ឬG-Devithបាននិយាយបន្ថែមថា «សូមបងប្អូនអ្នកគាំទ្ររីករាយនឹងអ្វីដែលខ្ញុំកំពុងធ្វើ និងសូមចែករំលែកការស្រលាញ់ទៅកាន់ប្អូនៗដ៏ទៃទៀតដែរ ត្រូវការតាមសទ្ធា និងតាមកាលគួរ»។

ជាមួ យគ្នានេះក៏មានការលើកឡើងថា ការចែករំលែកនូវទុក្ខលំបាករបស់អ្នកដ៏ទៃ ទោះមិនបានច្រើនតែជាក្តីអាណិតស្រលាញ់ធ្វើឲ្យសុខភាពផ្លូវចិត្តបានធូរស្រាល ទោះបីវាមិនច្រើនមែនតែពិតជាមានន័យ ខ្ញុំគាំទ្រពិតជាមិនខុសនោះទេ៕

អត្ថបទ៖ ចាន់រ៉ា