ជីវិតកម្សាន្ដ
តារាចម្រៀង ស៊ូ ដាណេ សង្គ្រោះបន្ទាន់នៅមន្ទីរពេទ្យ ដោយសារបញ្ហាបេះដូងធ្ងន់ធ្ងរ
ដោយសារបញ្ហាបេះដូងធ្ងន់ធ្ងរ តារាចម្រៀង និងសិល្បការិនីផ្នែករបាំបុរាណខ្មែរ ឆោម ចន្ទនេត ហៅ ស៊ូ ដាណេ បានចូលសង្គ្រោះបន្ទាន់នៅមន្ទីរពេទ្យ បង្កការភ្ញាក់ផ្អើល និងចាប់អារម្មណ៍ដល់អ្នកគាំទ្រ ខណៈក៏មានការបង្ហាញពីក្តីព្រួយបារម្ភផងដែរ។
![](https://www.kampucheathmey.com/wp-content/uploads/2024/07/FB_IMG_1720139293409.jpg)
នៅលើទំព័រហ្វេសប៊ុករបស់តារាចម្រៀង ស៊ូ ដាណេ បានបង្ហោះភ្ជាប់រូបភាពថា «មីងញម ដាណេ សង្គ្រោះបន្ទាន់នៅពេទ្យលោកសង្ឃ បញ្ហាបេះដូងមិនប្រក្រតី។ បងប្អូនចង់ជួប ឬជួយគាត់ សូមខលមក,០៩៦ ៥៤ ៧០ ៤៣៩»។
ដោយឡែក លោក ម៉ា ដូណា ក៏បានបង្ហោះដែរថា «គាត់កើតអីក្មួយ ដោយក្តីគោរពពីប្អូន ម៉ាដូណា សូមសមាគមជួយសម្រួលថ្លៃចំណាយព្យាបាលគាត់ផង ពាក្យត្រង់ គាត់គ្មានលុយទេ គាត់ជាអ្នកចម្រៀងដែលមានសមត្ថភាពខ្ពស់ណាស់»។
![](https://www.kampucheathmey.com/wp-content/uploads/2024/07/IMG_20240705_074755-702x1024.jpg)
ចំណែកតារាចម្រៀងលោក ម៉ៃ សុគន្ធ បានលើកឡើងថា «សូមមេត្តាលោកប្រធានថ្មី លោកជំទាវអ្នកឧកញ៉ាម៉ៅ ចំណាន ជួយកញ្ញា ឆោម ចន្ទនេត ហៅ ដាណេ ផង នាងជាសិល្បការីមួយរូបដែលមានសមត្ថភាពខ្ពស់ ច្រៀងសម្តែងបានគ្រប់ទម្រង់ និងទទួលមេដាយថ្នាក់ធិបឌិន្ទ ពេលនេះគាត់មានបញ្ហាបេះដូងធ្ងន់ធ្ងរ គាត់ក៏មិនមានថវិកាគ្រប់គ្រាន់លើការចំណាយថ្នាំដើម្បីរស់បន្តលើវិថីសិល្បៈមួយនេះ(កំពុងសង្គ្រោះបន្ទាន់)»។
តាមរយៈដំណឹងនេះ បានធ្វើឲ្យមហាជនអ្នកគាំទ្រ និងមិត្តភ័ក្ដិក្នុងចង្កោមសិល្បៈមួយចំនួន បង្ហាញការព្រួយបារម្ភ និងផ្ញើសារសួរសុខទុក្ខ ព្រមទាំងជូនពរឲ្យនាងឆាប់ជាសះស្បើយពីជំងឺទៀតផង។
![](https://www.kampucheathmey.com/wp-content/uploads/2024/07/FB_IMG_1720139786014.jpg)
គួរឲ្យដឹងដែរថា ស៊ូ ដាណេ គឺជាអតីតសិល្បការិនីប្រចាំមន្ទីរវប្បធម៌ និងវិចិត្រសិល្បៈរាជធានីភ្នំពេញ។ ក្រៅពីជាតារាចម្រៀងសម័យមួយរូបដែលមានទឹកដមសំឡេងលំនាំតារាចម្រៀងជំនាន់ដើមអ្នកស្រី ប៉ែន រ៉ន ហើយនោះ អ្នកនាង ស៊ូ ដាណេ ក៏មានជំនាញសិល្បៈបុរាណជាច្រើនមុខទៀតផងដែរដូចជា, យីកេរបាំបុរាណ និង ស្មូតជាដើម៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2024/07/FB_IMG_1720139308705-679x1024.jpg)
![](https://www.kampucheathmey.com/wp-content/uploads/2024/07/FB_IMG_1720139313148-680x1024.jpg)
![](https://www.kampucheathmey.com/wp-content/uploads/2024/07/FB_IMG_1720139321194.jpg)
![](https://www.kampucheathmey.com/wp-content/uploads/2024/07/IMG_20240705_074734.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៧ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?