ជីវិតកម្សាន្ដ
តារាសម្តែងតៃវ៉ាន់ Ryan Tang ធ្លាក់ខ្លួនដើរវង្វេងតាមផ្លូវ និងជាប់បំណុលជាច្រើន
សារព័ត៌មាន China Press រាយការណ៍កាលពីថ្ងៃទី២៨ ខែមិថុនា ថា ក្នុងរយៈពេលមួយខែកន្លងមកនេះ គេឃើញ Ryan Tang ដែលជាតារាសម្តែងតៃវ៉ាន់ដ៏ល្បីល្បាញមួយរូប ពេលនេះគ្មានផ្ទះសម្បែង និងប្រឈមមុខនឹងបំណុលសំខាន់ៗ រួមទាំងការជួលផ្ទះដែលមិនបានបង់។
តារាប្រុសរូបនេះត្រូវគេប្រទះឃើញ ដើរវង្វេង និយាយគ្មានដឹងទិសតំបន់ និងបង្ហាញការភិតភ័យនៅពេលមានមនុស្សចូលទៅជិត។ គាត់ត្រូវបានគេសង្កេតឃើញថា មិនបានពាក់អាវ បង្ហាញកាយវិការស្រើបស្រាល និងច្រងេងច្រងាង អំឡុងពេលមានទំនាក់ទំនងជាមួយអ្នកដំណើរឆ្លងកាត់។
បុគ្គលដែលបាននិយាយជាមួយគាត់បានរាយការណ៍ថា គាត់បានបង្ហាញពីបំណងចង់ត្រឡប់ទៅប្រទេសកំណើតនៅក្នុងប្រទេសថៃ ហើយបានបដិសេធម្តងហើយម្តងទៀតចំពោះការស្លាប់របស់ម្តាយកាលពីពេលថ្មីៗនេះ។ អ្នកគាំទ្រម្នាក់បានផ្តល់ឲ្យគាត់នូវការងារ លំនៅដ្ឋាន និងការពិនិត្យសុខភាព ដែលទាំងអស់នេះគាត់បានបដិសេធ។
កន្លងមក Ryan Tang បង្កការរំខានក្នុងហាង បុកជាមួយរថយន្តផ្សេងៗ ហើយបានជួបប៉ូលិស គាត់ថែមទាំងលុតជង្គង់នៅមុខស្ថានីយទូរទស្សន៍មួយ ដោយសុំតួសម្តែងក្នុងរឿងមួយ។
យោងតាម Sinchew ម្តាយរបស់ Tang បានស្លាប់នៅថ្ងៃទី ០៣ ខែមិថុនាក្នុងអាយុ ៧៣ ឆ្នាំនៅក្នុងផ្ទះជួលមួយកន្លែង។ យ៉ាងណាក៏ដោយ Tang បានប្រាប់ប៉ូលិសថា អ្នកស្លាប់មិនមែនជាម្តាយរបស់គាត់ទេ ហើយក៏មិនបានទាមទារយកសពទៅបញ្ចុះដែរ។ ក្នុងពេលសាកសួរ គាត់ហាក់មានស្មារតីមិននឹងនរ ប៉ុន្តែបានបដិសេធថាមិនមានការញៀនស្រា ឬធ្លាក់ទឹកចិត្តឡើយ។
ដោយឡែក Zaobao ក៏បានរាយការណ៍ថា ក្រុមហ៊ុនគ្រប់គ្រងរបស់គាត់បានព្យាយាមទាក់ទងគាត់ជារៀងរាល់ថ្ងៃ។ តែ Tang បដិសេធការផ្តល់ជំនួយផ្នែកវេជ្ជសាស្រ្តពីក្រុមហ៊ុន ដោយជឿថាគាត់មិនមានបញ្ហាសុខភាពទេ។ ក្រុមហ៊ុនបាននិយាយថា ខ្លួនបានទាក់ទងទៅមន្ទីរសុខាភិបាល អាជ្ញាធរផ្លូវច្បាប់ សមាគមសិល្បៈសម្តែង និងអង្គការពាក់ព័ន្ធផ្សេងទៀត ដើម្បីសុំជំនួយ។ ក្រុមហ៊ុនក៏បានដំឡើងប្រាក់ឲ្យគាត់សម្រាប់តួនាទីជាភ្ញៀវចំនួនពីរដែលគាត់បានថត ហើយទទួលស្គាល់ថាមានអ្នកគាំទ្រជាច្រើនបានបង្ហាញពីបំណងចង់បរិច្ចាគថវិកាដើម្បីជួយគាត់ ទោះបីជាមិនទាន់សម្រេចចិត្តទទួលយកការបរិច្ចាគក៏ដោយ។
គយរបញ្ចាក់ដែរថា Ryan Tang អាយុ ៤៦ឆ្នាំ បានចាប់ផ្តើមអាជីពរបស់គាត់ជាតារាម៉ូដែល មុនពេលផ្លាស់ប្តូរទៅសម្តែង។ គាត់បានបង្ហាញខ្លួននៅក្នុងខ្សែភាពយន្ត និងរឿងភាគទូរទស្សន៍ជាង ២០ រួមទាំងតួនាទីលេចធ្លោនៅក្នុង”The Hospital,” “Hana Kimi,” and “Tokyo Juliet.”។ គាត់បានតស៊ូជាមួយនឹងការសេពគ្រឿងស្រវឹងអស់ជាច្រើនឆ្នាំមកហើយ មិនមានទ្រព្យសម្បត្តិអ្វីសំខាន់ ហើយបច្ចុប្បន្នជំពាក់ថ្លៃឈ្នួលផ្ទះបីខែ និងបំណុលមិត្តភ័ក្ដិ។ គម្រោងថ្មីបំផុតរបស់គាត់គឺជាតួនាទីជាភ្ញៀវនៅក្នុងរឿងភាគនៅលើប៉ុស្តិ៍ទូរទស្សន៍ Da Ai របស់តៃវ៉ាន់ ប៉ុន្តែគាត់ត្រូវបានជំនួស ដូច្នេះគាត់អាចផ្តោតលើការដោះស្រាយបញ្ហាផ្ទាល់ខ្លួនរបស់គាត់៕
អត្ថបទ៖ សាង ស្រីល័ក្ខ
ចុចអាន៖អតីតស្វាមីសាន់ឆាយ សម្រេចចិត្តរៀបការជាមួយនារីអាយុប្អូនដល់ទៅ ១៨ ឆ្នាំ
-
ព័ត៌មានជាតិ៤ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច២១ ម៉ោង ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ១ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៧ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៦ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៣ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ