ជីវិតកម្សាន្ដ

ម្ដាយ Kris Wu ដាច់ចិត្តលក់រថយន្តសំណព្វរបស់កូនប្រុស ក្នុងតម្លៃ ៨២០ ម៉ឺនដុល្លារ

បានផុស

៣ ខែ មុន

នៅ

ថ្ងៃអង្គារ ៩ កក្កដា ២០២៤

ដោយ

ម្តាយរបស់ Kris Wu អតីតសមាជិកក្រុម EXO បានចុះបញ្ជីរថយន្តស៊េរីពិសេសរបស់គាត់ដោយស្ងាត់ស្ងៀម សម្រាប់លក់នៅយានដ្ឋានមួយក្នុងតម្លៃប្រហែល ៦.៤៤ លានដុល្លារហុងកុង (៨២០,០០០ដុល្លារអាមេរិក) នេះបើយោងតាម ON បានចុះផ្សាយកាលពីប៉ុន្មានថ្ងៃមុន។

ទន្ទឹមនោះទៀតសោត រូបថតរថយន្តត្រូវបានគេចែកចាយពេញបណ្ដាញសង្គមអ៉ិនធើណេត រហូតទទួលបានការចាប់អារម្មណ៍យ៉ាងភ្លូកទឹកភ្លូកដី។ ប្រភពដដែលបានណែនាំថា Kris Wu បានបញ្ជាទិញរថយន្តនេះ ដែលធ្លាប់ត្រូវបានគេសរសើរថាជារថយន្តលេខមួយក្នុងពិភពលោក សម្រាប់លក្ខណៈពិសេសលំដាប់កំពូលរបស់វា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ យោងតាមការស្ទង់មតិបានបញ្ចាក់ឲ្យដឹងការលក់រថយន្តស៊េរីទំនើរបស់តារាចម្រៀងចិន Kris Wu វាហាក់ដូចជាថាទ្រព្យសម្បត្តិទាំងអស់របស់លោក កំពុងត្រូវបានរំលាយជាបណ្តើរៗ។ យោងតាម Qichacha ដែលជាកម្មវិធីតាមដានព័ត៌មានសាជីវកម្ម Wu ត្រូវបានផ្សារភ្ជាប់ជាមួយនឹងក្រុមហ៊ុនចំនួន៤ ដែលក្រុមហ៊ុនចំនួន ៣ ត្រូវបានរំលាយនៅឆ្នាំ ២០២០ ។

បច្ចុប្បន្ននេះ មានតែ Xiamen Yihe Yunqi Culture Media Partnership (ភាពជាដៃគូមានកំណត់) ដែល Kris Wu និងបងប្អូនជីដូនមួយរបស់គាត់បានកាន់កាប់ភាគហ៊ុន នៅតែចុះបញ្ជី ប៉ុន្តែអសកម្ម។

សូមជម្រាបជូនថា តារាសម្តែងរូបនេះត្រូវបានឃុំខ្លួនក្នុងខែកក្កដា ឆ្នាំ ២០២១ ក្រោមការចោទប្រកាន់ពីបទរំលោភផ្លូវភេទ និងប្រមូលផ្តុំហ្វូងមនុស្សដើម្បីចូលរួមក្នុងការប្រព្រឹត្តិផ្លូវភេទ។ នៅឆ្នាំ 2២០២២ គាត់ត្រូវបានកាត់ទោសឲ្យជាប់គុក ១៣ ឆ្នាំហើយបច្ចុប្បន្នកំពុងជាប់ពន្ធនាគារនូវឡើយទេ។

ត្រូវបានគេស្គាល់ថាជា Kris, Wu គឺជាតារាចម្រៀង និងជាតារាសម្តែងជនជាតិចិន-កាណាដា និងជាអតីតសមាជិកនៃក្រុម K-pop EXO ។ គាត់ត្រូវបានគេស្គាល់ដោយសារតួនាទីរបស់គាត់នៅក្នុង “Journey to the West: The Demons Strike Back” “Sweet Sixteen” “The Mermaid” និង “Europe Raiders” ជាដើម៕