ជីវិតកម្សាន្ដ

វ៉ាន់ នីឡា ឆ្លើយថា នាងមិនយកគ្រួសារមកធ្វើជាប្រធានបទ ដើម្បីបាន Like ទេ

បានផុស

៨ ខែ មុន

នៅ

ថ្ងៃអង្គារ ៩ កក្កដា ២០២៤

ដោយ

តារាកំប្លែងវ័យក្មេងគឺអ្នកនាង វ៉ាន់ នីឡា បានចេញមកបញ្ជាក់ច្បាស់ៗឆ្លើយតបការសង្ស័យថា នាង និងស្វាមី ទំនងបែកបាក់គ្នា ទើបមិនដែលឃើញគូស្នេហ៍វ័យក្មេងរូបនេះបង្ហោះថតនូវភាពផ្អែមល្ហែមនៅលើបណ្តាញសង្គមដូចគ្រាផ្តើមស្នេហ៍ដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង វ៉ាន់ នីឡា បានបញ្ជាក់ថា ហេតុផលដែលនាងពុំសូវបញ្ចេញរូបភាពនៅលើបណ្តាញសង្គមដោយសារគិតថា មិនចង់យកគ្រួសារមកធ្វើជាប្រធានបទដើម្បីបាន Like នោះទេ។ នាងថា ភាពផ្អែមល្ហែមរបស់នាង និងស្វាមីគឺ ចូលចិត្តបង្ហាញនៅខាងក្រៅច្រើនជាង។

វ៉ាន់ នីឡា និយាយទៀតថា «កំពុងឆ្ងល់គ្រាន់តែមិនផុសរូបប្ដីក៏នាំគ្នាសួរប្ដីប្រពន្ធសម័យ២០២៤ ទាល់ផុសរូបជាមួយគ្នាបានថានៅជាប់គ្នាមែន? ពេលអត់ផុសគិតថាលែងគ្នាមែន? ពួកខ្ញុំមិនចូលចិត្តបង្ហាញក្នុងប្រព័ន្ធអស់ហ្នឹងពេកទេ ចូលចិត្តបង្ហាញនៅខាងក្រៅច្រើនជាង ខ្ញុំមិនយកគ្រួសារមកធ្វើជាប្រធានបទដើម្បីបាន like អីទេ»។

តារាស្រីវ័យក្មេងអ្នកនាង វ៉ាន់ នីឡា បាននិយាយបន្ថែមដែរថា នាងអត់ចូលចិត្តបែបfakeទេ គឺចូលចិត្តបែបពិតប្រាកដ ជាពិសេសអ្នកស្គាល់គ្នាហ្នឹងតែម្តងចូលចិត្តខាងសួរអារឿងអត់ប្រយោជន៍។ កន្លងមកមហាជននឹងអ្នកគ្រប់គ្នាធ្លាប់ឃើញថាអ្នកនាង វ៉ាន់ នីឡា និងលោក សក្ការៈ ដែលជាស្វាមីតែងបង្ហោះរូបភាពសម្ញែងភាពសប្បាយរីករាយជាមួយការចាយជីវិតយ៉ាងស្រណុកសុខស្រួល ក្រោយសាងសុភមង្គលគ្រួសារបង្កើតបានចំណងដៃកូនដ៏គួរឲ្យស្រលាញ់ម្នាក់ ។

គួររម្លឹកថា តារាកំប្លែងវ័យក្មេងកូនស្រីបណ្តូលចិត្តលោក សុវណ្ណ រិទ្ធី ហៅលោកតា វ៉ិចទ័រ គឺអ្នកនាងវ៉ាន់ នីឡា កាលពីថ្ងៃទី១៩ ខែមីនា ឆ្នាំ២០២២ កន្លងទៅក៏បានសម្រេចក្តីសុបិនដោយបានចូលរោងការជាផ្លូវការជាមួយស្វាមីវ័យប្រហែលគ្នាគឺលោក សក្ការៈ យ៉ាងកក្រើកសិល្បៈ៕

អត្ថបទ៖ ចាន់រ៉ា