ជីវិតកម្សាន្ដ

លោក ចា រិទ្ធី គោរពអរគុណ សម្តេចតេជោ ហ៊ុន សែន ឧបត្ថម្ភរថយន្តក្រុង ១ គ្រឿង ដល់ក្រុមបាល់ទាត់តារាកម្ពុជា

បានផុស

៦ ខែ មុន

នៅ

ថ្ងៃអង្គារ ៩ កក្កដា ២០២៤

ដោយ

ដើម្បីជាការលើកទឹកចិត្តនៅក្នុងសកម្មភាពសប្បុរសធម៌ សម្ដេចតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភាកម្ពុជា នីតិកាលទី៧ បានឧបត្ថម្ភរថយន្តក្រុង ១ គ្រឿង ដល់ក្រុមបាល់ទាត់ «តារាកម្ពុជា»។ នេះបើតាមការបញ្ជាក់ និងថ្លែងអំណរគុណពីលោក ចា រិទ្ធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចា រិទ្ធី ដែលជាតារាសម្តែងជើងចាស់ និងជាអ្នកផលិតកម្មវិធីកម្សាន្តបានលើកឡើងថា នេះជារថយន្តដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន សម្រាប់ក្រុមបាល់ទាត់ «តារាកម្ពុជា» ដើម្បីធ្វើដំណើរទៅប្រកួតមិត្តភាពសប្បុរសធម៌ និងជួយការងារសង្គមតាមបណ្ដាខេត្តនានាទូទាំងប្រទេសកម្ពុជា។

លោក ចា រិទ្ធី បានបន្ថែមទៀតថា “ខ្ញុំបាទតំណាងឱ្យក្រុមបាល់ទាត់ តារាកម្ពុជា ទាំងអស់គ្នា សូមគោរពអរគុណសម្តេចពុកខ្លាំងបំផុត សូមគោរពជូនពរសម្តេចមានសុខភាពល្អ និងជោគជ័យគ្រប់ភារកិច្ចទាំងអស់ដើម្បីជាម្លប់ដល់កូនចៅទូទាំងប្រទេស”។

ចំណែកតារាចម្រៀងលោក ខេម បានលើកឡើងដែរថា រថយន្តសម្រាប់ដឹកកីឡាករបាល់ទាត់ «តារាកម្ពុជា» ក្នុងការងារសង្គម និងការងារសប្បុរសធម៌ ដែលជាអំណោយដ៏ថ្លៃថ្លាឧបត្ថម្ភដោយសម្ដេចអគ្គមហាសេនាបតីតេជោ ហ៊ុន សែន គោរពជូនពរសម្ដេចពុក សម្ដេចម៉ែ និងក្រុមគ្រួសារទទួលបាននូវសេចក្តីសុខសាន្ត សុខភាពល្អបរិបូរណ៍ ព្រះជន្មាយុយឺនយូរជាម្លប់សម្រាប់កូនចៅរហូតតទៅ។

លោក ខេម និយាយទៀតថា ពួកយើងនឹងនៅតែបន្តគ្រប់ការងារសកម្មភាពសង្គម និងការងារសប្បុរសធម៌ ដើម្បីសង្គមជាតិ និងដើម្បីប្រទេសកម្ពុជាចូលរួមលេងកីឡាដើម្បីជៀសឆ្ងាយពីគ្រឿងញៀនដើម្បីសុខភាពកីឡារស់ក្នុងសន្តិភាព៕

អត្ថបទ៖ ចាន់រ៉ា