ជីវិតកម្សាន្ដ

Jennie ចេញលិខិតសុំទោស ក្រោយជក់បារីអេឡិចត្រូនិចផ្លុំផ្សែងលើបុគ្គលិក

បានផុស

៦ ខែ មុន

នៅ

ថ្ងៃអង្គារ ៩ កក្កដា ២០២៤

ដោយ

Jennie សមាជិកក្រុម BLACKPINK បានចេញលិខិតសុំទោសជាសាធារណៈមួយ បន្ទាប់ពីត្រូវបានទទួលគេប្រទះឃើញនាងជក់បារីក្នុងផ្ទះហើយបង្ហុយផ្សែងដាក់បុគ្គលិក នៅពេលកំពុងតុបតែងខ្លួន។ នេះបើយោងតាមការចុះផ្សាយពីសារព័ត៌មាន Allkpop នៅថ្ងៃទី ០៩ ខែកក្កដា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងារផ្ទាល់ខ្លួនរបស់ Jennie គឺ OA Entertainment បានចេញសេចក្តីថ្លែងការណ៍ផ្លូវការមួយនៅលើប៉ុស្តិ៍ផ្លូវការរបស់ពួកគេភ្លាមៗ បន្ទាប់ពីឧប្បត្តិហេតុបានកើតឡើង។

នៅក្នុងសេចក្តីថ្លែងការណ៍បានសរសេរថា “យើងសូមអភ័យទោសដោយស្មោះចំពោះអ្នកគ្រប់គ្នាដែលមានអារម្មណ៍មិនស្រួលចំពោះអាកប្បកិរិយារបស់ Jennie នៅក្នុងខ្លឹមសារដែលបានចេញផ្សាយនៅថ្ងៃទី0២ កន្លងទៅនេះ ។ Jennie បានជក់បារីនៅក្នុងផ្ទះ និងបង្កភាពរអាក់រអួលដល់បុគ្គលិក។ នាងបានទាក់ទងផ្ទាល់ទៅកាន់បុគ្គលិកដែលមានវត្តមាននៅពេលនោះ ដើម្បីសុំទោសផងដែរ។ “

ភ្នាក់ងារដដែលបានបន្ថែមថា “យើងក៏សូមអភ័យទោសចំពោះអ្នកគាំទ្រដែលមានអារម្មណ៍ខកចិត្ត និងសន្យាថា ថ្ងៃក្រោយ Jennie នឹងឆ្លើយតបជាមួយនឹងរូបភាពចាស់ទុំឲ្យកាន់តែប្រសើរឡើងនាពេលអនាគត” ។

សូមជម្រាបជូនដែរថា ឧបទ្ទវហេតុនេះបានកើតឡើងនៅថ្ងៃទី ០២ ខែកក្កដា នៅពេលដែល Jennie ត្រូវបានគេឃើញជក់បារី e-cigarette នៅក្នុងបន្ទប់រង់ចាំ មុនពេលការហាត់សមកម្មវិធីបង្ហាញម៉ូដអ៊ីតាលី ពេលនោះនាងស្រាប់តែផ្លុំផ្សែងមកលើបុគ្គលិក។ នេះបានជំរុញឲ្យមានប្រតិកម្មមិនស្រួល ហើយថែមទាំងឈានដល់ការដាក់ពាក្យបណ្តឹងតាមរយៈ National Sinmungo ថែមទៀតផង៕