ជីវិតកម្សាន្ដ

Nadech ជួបឧប្បត្តិហេតុ របួសបាក់ឆ្អឹងម្រាមដៃ ពេលកំពុងហាត់ប្រាណ

បានផុស

៧ ខែ មុន

នៅ

ថ្ងៃពុធ ១០ កក្កដា ២០២៤

ដោយ

អ្នកគាំទ្រជាច្រើនបានបង្ហាញការព្រួយបារម្ភជាខ្លាំង ក្នុងពេលដែលតារាសម្តែង Nadech Kugimiya បានជួបឧប្បត្តិហេតុអំឡុងពេលកំពុងហាត់ប្រាណ។ យ៉ាងណា ក្រោយទៅដល់ដៃពេទ្យ ជាលទ្ធផលបញ្ចាក់ថា ឆ្អឹងម្រាមដៃស្តាំបានបាក់ រហូតត្រូវពន្យារពេលសម្តែងរឿង Fah Jarod Sai The Musical ឆ្នាំ២០២៤ ដោយសារឈុតឆាកគ្រោះថ្នាក់ច្រើនគួរសម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងប្រុសវ័យ៣២ឆ្នាំរូបនេះបានបង្ហោះឃ្លិបតាមរយៈ IG ផ្ទាល់ខ្លួន ដោយបញ្ចាក់ថា “ជំរាបសួរ ខ្ញុំឈ្មោះ Nadech Kugimiya ខ្ញុំចង់ផ្តល់ការបំភ្លឺខ្លះៗតាមរយៈ Channel នេះ ព្រោះកាលពីព្រឹកថ្ងៃច័ន្ទ ទី៨ ខែកក្កដា កន្លងទៅនេះ ខ្ញុំបានជួបឧបទ្ទវហេតុពេលកំពុងហាត់ប្រាណនៅក្នុងគេហដ្ឋានរបស់ខ្ញុំ។ នេះបណ្តាលឲ្យបាក់ឆ្អឹងម្រាមដៃនៃដៃស្តាំ ហើយត្រូវបានបញ្ជូនទៅមន្ទីរពេទ្យភ្លាមៗដើម្បីព្យាបាលនៅថ្ងៃបន្ទាប់។ លទ្ធផលនៃការព្យាបាល គឺមិនមានអ្វីដែលត្រូវព្រួយបារម្ភនោះទេ។ ប៉ុន្តែត្រូវផ្អាកការសម្ដែងមួយរយៈសិន ដោយសារតែមានឈុតឆាកខ្លះគ្រោះថ្នាក់ពេក ដែលអាចប៉ះពាល់ដល់សុខភាពរាងកាយ”។

ក្នុងនោះផងដែរ Nadech ក៏បានឆ្លៀតសុំទោសទៅដល់ទស្សនិកជនទាំងអស់ រាល់បញ្ហារអាក់រអួលដែលនាំឲ្យភាពយន្តខ្លួនកំពុងសម្ដែងជាតួឯកប្រុសត្រូវពន្យារពេល។ ជាពិសេសសមាជិកក្រុមទាំងអស់ ដែលមិនបានមើលថែខ្លួនឯងឲ្យបានល្អ រហូតដល់គ្រោះថ្នាក់។ ប៉ុន្តែលោកក៏បានបញ្ចាក់ថា សម្រាប់ការថតរូប និងការបង្ហាញខ្លួនផ្សេងទៀត គឺនៅតែអាចធ្វើបានជាធម្មតា។ លើកលែងតែការសម្ដែងប៉ុណ្ណោះ ដែលត្រូវផ្អាកសិនហើយពង្រឹងខ្លួនបន្ថែមមុនពេលរបួសជាសះស្បើយ។

ដោយឡែក ងាកទៅកាន់អ្នកគាំទ្រឯណោះ បន្ទាប់ពីទទួលបានដំណឹងនៃឧប្បត្តិរបួសបាក់ឆ្អឹងម្រាមដៃ ភ្លាមៗពួកគេបានចូលទៅបញ្ចេញមតិ និងផ្ញើការលើកទឹកចិត្តដល់តារាសម្ដែងវ័យក្មេងរូបនេះ សូមឲ្យជាសះស្បើយពីរបួស ហើយត្រឡប់ទៅធ្វើការធម្មតាដូចដើមវិញ៕