ជីវិតកម្សាន្ដ

ស្ថានភាព Ahn Jae Hyun កានតែព្រួយបារម្ភ ក្រោយលែងលះជាមួយ Goo Hye Sun មក ៥ ឆ្នាំ

បានផុស

៦ ខែ មុន

នៅ

ថ្ងៃចន្ទ ១៥ កក្កដា ២០២៤

ដោយ

កាលពីព្រឹកថ្ងៃទី ១៣ ខែកក្កដា កាសែត Newsen បានរាយការណ៍ថា Ahn Jae Hyun បានបង្ហាញខ្លួននៅក្នុងវគ្គចុងក្រោយនៃកម្មវិធី I Live Alone ហើយបណ្តាលឲ្យមានការព្រួយបាម្ភយ៉ាងខ្លាំង ជាមួយនឹងស្ថានភាពសុខភាពបច្ចុប្បន្នរបស់គាត់។

ក្នុងកម្មវិធីនោះ តារាសម្ដែងប្រុសរូបនេះ បានពិនិត្យកម្ពស់ និងទម្ងន់នៅគ្លីនិក Oriental Medicine ដោយបង្ហាញនូវកំពស់ ១ម៉ែត្រ៨៦សង់ទីម៉ែត្រ និង ៦៩គីឡូក្រាម ដែលនេះបានធ្វើឲ្យអ្នកទស្សនារួមទាំងអ្នកគាំទ្រមានក្ដីបារម្ភយ៉ាងខ្លាំង។ ទម្ងន់ខ្លួនរបស់ Ahn Jae Hyun មានទម្ងន់ស្រាលខ្លាំង ហើយត្រូវអនុវត្តតាមរបបអាហារូបត្ថម្ភសមស្រប ដើម្បីធានាសុខភាពរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះផងដែរ Ahn Jae Hyun បាននិយាយថាគាត់បានស្រក ៦គីឡូក្រាមបន្ទាប់ពីប្រហែល ២ ឆ្នាំ។ ដោយឃើញកាយវិការបច្ចុប្បន្នរបស់តារាសម្តែង Ahn ពិធីករដ៏ល្បីល្បាញ Jun Hyun Moo យាយមួយឃ្លាថា ភ្លៅរបស់គាត់គឺស្មើនឹងតារាកំប្លែង Park Na Rae ។

ក្នុងកម្មវិធី I Live Alone ថ្មីៗនេះផងដែរ Ahn Jae Hyun បានធ្វើការព្យាបាលដើម្បីស្តារសុខភាពដូចជា ចាក់ម្ជុលវិទ្យាសាស្ត្រ ម៉ាស្សា បន្ទាប់មក សិល្បករប្រុសត្រូវបានណែនាំឲ្យជ្រើសរើសអាហារដែលមានជីវជាតិ។ នៅមុននេះ អតីតស្វាមី Goo Hye Sun បានទៅគ្លីនិកដើម្បីពិនិត្យសុខភាព បន្ទាប់ពីបានកត់សម្គាល់ឃើញសញ្ញាមិនធម្មតាជាច្រើននៅក្នុងខ្លួនរបស់គាត់ដូចជា អស់កម្លាំងញឹកញាប់ ងងុយដេក បែកញើសច្រើន. ខ្សោយកម្លាំងជាដើម។

អតីតតួក្នុងរឿង My Love from the Star ក៏ត្រូវពិនិត្យស៊ីជម្រៅនៅគ្លីនិកផងដែរ។ ពេលទទួលបានលទ្ធផល គាត់ទប់ចិត្តមិនរួច ថែមទាំងលាន់មាត់សឹងមិនជឿថារូបរាងរបស់លោកស្គមខ្លាំងសឹងមិនគួរឲ្យជោះនោះទេ។

នៅក្នុងវគ្គចាក់ផ្សាយនៃកម្មវិធី I Live Alone ក្នុងខែមេសា Ahn Jae Hyun បានបង្ហាញថាគាត់ទទួលរងពីការញៀនស្រា ស្រេកឃ្លាន និងបញ្ហាផ្លូវចិត្តបន្ទាប់ពីការលែងលះរបស់គាត់កាលពី៥ឆ្នាំមុន។ ក្នុងរយៈពេល ៤-៥ ឆ្នាំកន្លងមកនេះ សុខភាពរបស់លោកបានធ្លាក់ចុះយ៉ាងខ្លាំង ហើយគាត់ត្រូវពឹងផ្អែកលើអាហារដើម្បីរស់។ ជារៀងរាល់ខែ គាត់ចំណាយ ៥០០ ពាន់វ៉ុន ដើម្បីទិញវីតាមីន និងអាហារមានជីវជាតិ។

សូមបញ្ចាក់ដែរថា Ahn Jae Hyun កើតក្នុងឆ្នាំ ១៩៨៧ ជាតារាសម្ដែង និងជាតារាបង្ហាញម៉ូដដែលធ្វើការនៅប្រទេសកូរ៉េ។ គាត់ត្រូវបានទស្សនិកជនអាស៊ីជាច្រើនស្គាល់តាមរយៈស្នាដៃជាច្រើនដូចជា My Love from the Star, You’re All Surrounded, Cinderella with Four Knights ជាដើម។

នៅក្នុងខែឧសភា ឆ្នាំ២០១៦ Ahn Jae Hyun បានរៀបការជាមួយតារា Goo Hye Sun បន្ទាប់ពីបានណាត់ជួបគ្នាជាសាធារណៈបានត្រឹមតែ ២ ខែ។ នៅក្នុងខែសីហា ឆ្នាំ ២០១៩ Goo Hye Sun ស្រាប់តែបានប្រកាសលែងលះរបស់នាងនៅក្នុងការភ្ញាក់ផ្អើលជាសាធារណៈ។ តារាស្រីដ៏ល្បីរូបនេះបានចោទប្រកាន់ Ahn Jae Hyun ថាគ្មានបេះដូង មានទំនាក់ទំនងស្នេហាជាមួយតារារួមការងារ និងបានឃុបឃិតជាមួយក្រុមហ៊ុនគ្រប់គ្រងដើម្បីគាបសង្កត់នាង។ Ahn Jae Hyun បានឆ្លើយតបដោយបញ្ចេញភស្តុតាងដែលចោទ Goo Hye Sun ថាកុហកនិងបង្កាច់បង្ខូចគាត់។ អ្នកសិល្បៈទាំងពីរបានឈ្លោះប្រកែកគ្នាយូរហើយ ចំណាយពេលប្រហែលមួយឆ្នាំ ទើបឈានដល់ការព្រមព្រៀងលែងលះដាច់ស្រច៕