ជីវិតកម្សាន្ដ

មិនកើតក្នុងត្រកូលអ្នកមាន តែ មាស នីតា ថា សំណាងខ្លាំងបំផុត កើតចេញពីគ្រួសារអ្នកបោសសំរាមតាមផ្លូវ

បានផុស

២ ខែ មុន

នៅ

ថ្ងៃពុធ ១៧ កក្កដា ២០២៤

ដោយ

អតីតបេក្ខភាពកម្មវិធីប្រឡងចម្រៀងលំដាប់ថ្នាក់ពិភពលោក និងជាតារាចម្រៀងកញ្ញា មាស នីតា ដែលកន្លងមកនាងតែងទទួលបានការគាំទ្រ និងបានស្គាល់នាងតាមរយៈការ Cover (ច្រៀងឡើងវិញ) ជាពិសេសគឺបទ”ផ្លូវណាទៅផ្ទះម៉ែក្មេក” កត់សម្គាល់ឃើញថា បច្ចុប្បន្នទីផ្សារសិល្បៈរបស់នាងហាក់កំពុងទទួលបានការគាំទ្រ និងហក់ឡើងក្នុងស្រទាប់មិត្តៗយុវវ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះអាចចាត់ទុកថា ជាជោគជ័យមួយកម្រិតថែមទៀតសម្រាប់អាជីពសិល្បៈសព្វថ្ងៃរបស់ស្រីស្អាត មាស នីតា ខណៈកន្លងមកថ្វីត្បិតនាងមិនអាចក្ដាប់បានឱកាសក្លាយជាម្ចាស់ពានក៏ពិតមែនតែ នីតា រក្សាបានទីផ្សារការងារច្រើនគួរសមពិសេសការចេញច្រៀងតាមបណ្តាខេត្តនានាជាដើម។

កាន់តែចាប់អារម្មណ៍លើខ្សែជីវិតរបស់តារាស្រីរូបនេះគឺ នាងបានអះអាងថា ទោះបីខ្លួនមិនកើតក្នុងត្រកូលគ្រួសារអ្នកមាន ប៉ុន្តែនាងមានសំណាងខ្លាំងបំផុតដែលបានកើតចេញពីគ្រួសារអ្នកបោសសំរាមតាមផ្លូវ មានតែម្តាយ និងបងប្រុសចាំផ្តល់កម្លាំងចិត្តរហូតឆ្លងកាត់ឧបសគ្គលំបាកជាច្រើនទើបមានពន្លឺដល់ថ្ងៃនេះ។

មាស នីតា បាននិយាយថា “ខ្ញុំគ្មានសំណាងមានក្រុមគ្រួសារដែលចាំជួយ Support ពីក្រោយទេ តែខ្ញុំមានសំណាងធំបំផុតដែលខ្ញុំកើតចេញពីគ្រួសាអ្នកបោសសំរាមតាមផ្លូវ ហើយមានតែម៉ែ និងបងប្រុស ខ្ញុំប្រាប់ឲ្យតស៊ូ នឹងរឹងមាំបំផុតក្នុងជីវិតនេះដោយខ្លួនឯងព្រោះយើងក្រ”។

កញ្ញា មាស នីតា ធ្លាប់បានផ្តល់សម្ភាសន៍ប្រាប់ «កម្ពុជាថ្មី» ថា មុនពេលដែលជីវិតនាងឈានដល់ចំណុចនេះ គឺបានឆ្លងកាត់ការលំបាកជាច្រើនដោយនាងកំព្រាឪពុកតាំងពីក្មេងពោល គឺនាងរស់នៅជាមួយម្តាយជាស្រ្តីមេម៉ាយ និងបងប្រុសដែលពួកគាត់ប្រកបរបរដើរបោសសំរាមយ៉ាងលំបាកកាលពេលនាងនៅតូច។ ប៉ុន្តែអ្វីដែលបានមកពេលនេះ គឺកើតចេញពីការខិតខំដើម្បីបើកផ្លូវសម្រាប់ខ្លួនឯង និងគ្រួសារ៕

អត្ថបទ៖ ចាន់រ៉ា