ជីវិតកម្សាន្ដ

លោក លៀក លីដា អំពាវនាវគាំទ្រស្នាដៃភាពយន្តជាតិ ដើម្បីរួមចំណែកផ្សព្វផ្សាយវប្បធម៌ខ្មែរ

បានផុស

៨ ខែ មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

ផលិតករភាពយន្ត និងជាអ្នកដឹកនាំសម្ដែងរឿងលោក លៀក លីដា កន្លងមកបានចាត់ទុកថា វិស័យសិល្បៈ និងភាពយន្ត គឺជាផ្លូវយ៉ាងសំខាន់ដើម្បី Promote ប្រទេសកម្ពុជាយើងទៅកាន់ឆាកអន្តរជាតិ។ ក្នុងនោះលោក លៀក លីដា បានទទូចឲ្យមានការចូលរួមគាំទ្រ និងលើកកម្ពស់វិស័យភាពយន្តជាតិកាន់តែផុសផុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីលើកស្ទួយវិស័យភាពយន្តជាតិឲ្យកាន់តែល្បី រន្ទឺទៅកាន់ពិភពលោកផលិតកររឿង ” ប្រវត្តិស្នេហ៍នាង នាថ” លោក លៀក លីដា បានចេញមុខមកអំពាវនាវជាថ្មីម្តងទៀតដល់មហាជន និងយុវជនត្រូវរួមគ្នាគាំទ្រស្នាដៃភាពយន្តជាតិក្នុងការរួមចំណែកផ្សព្វផ្សាយវប្បធម៌ខ្មែរបន្ថែមទៀត។

លោក លៀក លីដា បានស្នើទៅកាន់អ្នកគាំទ្រថា “វាមិនពិបាកទេ បើប្រជាពលរដ្ឋខ្មែរចង់ចូលរួមក្នុងការជួយផ្សព្វផ្សាយវប្បធម៌របស់យើងពួក ខ្ញុំបានចូលរួមចំណែករៀបចំចងក្រងរួចហើយ បងប្អូនគ្រាន់តែជួយ ចែកចាយបន្តជាការស្រេច“។ លោកលើកឡើងដែរថា តួអ្នកភូមិក្នុងរឿង ប្រវត្តិស្នេហ៍នាងនាថ បានមកដល់ទីក្រុងភ្នំពេញ។ បងប្អូនណាខ្លះបានជួបពួកគាត់?

អ្នកដឹកនាំសម្តែងលោក លៀក លីដា បានបញ្ជាក់បន្ថែមថា “ខ្ញុំបាទ និងក្រុមការងារ ld បានចូលរួមចំណែកផ្សព្វផ្សាយវប្បធម៌របស់ប្រជាជនខ្មែរយើង តាមរយៈភាពយន្តរបស់យើងខ្ញុំ“។

គួរឲ្យដឹងដែរថា លោក លៀក លីដា ដែលជាផលិតករខ្មែរ និងជាអ្នកដឹកនាំសម្តែងល្បីឈ្មោះ ខណៈដែលភាពយន្តខ្នាតធំរឿង” ប្រវត្តិស្នេហ៍នាងនាថ” កំពុងទទួលបានការចាប់អារម្មណ៍គាំទ្រពីទស្សនិកជន លោកអំពាវនាវដល់មហាជនខ្មែរចូលរួមថែរក្សា ស្រលាញ់វប្បធម៌ និងគាំទ្រអ្នកផលិតផងដែរ៕

អត្ថបទ៖ ចាន់រ៉ា