ជីវិតកម្សាន្ដ

ខាត់ សុឃីម ៖ ចង់ឲ្យគេស្គាល់ជាតិ តែកុំមើល Account Facebook សុទ្ធតែអក្សរបែកស្លុយ

បានផុស

៦ ខែ មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

ដូចប្រិយមិត្តបានដឹងហើយថាថ្មីៗនេះ បានផ្ទុះការវែកញែកនៅលើបណ្ដាញសង្គមហ្វេសប៊ុកជាបន្តបន្ទាប់ ពីតារាស្រីពហុជំនាញអ្នកនាង ខាត់ សុឃីម បានលើកជាចម្ងល់សម្រាប់កម្មវិធីប្រឡងបវរកញ្ញាក្នុងស្រុកមួយដែលត្រូវបានពិធីករម្នាក់និយាយភាសាបរទេសពុំសូវនិយាយភាសាជាតិខ្លួនឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឆ្ងល់ពេក កាលនោះតារាស្រីល្បីឈ្មោះអ្នកនាង ខាត់ សុឃីម បានសួរថា “កម្មវិធីខ្មែរយើងសោះ ហេតុអីមិនព្រមនិយាយខ្មែរផង កុំខឹងខ្ញុំឆ្ងល់? អត់អាណិតខ្ញុំអ្នកអត់ចេះ English” ។ បន្ទាប់ពីឃើញការលើកឡើងរបស់អ្នកនាង ខាត់ សុឃីម ភ្លាមៗនោះក៏មានការវែកញែក និងបញ្ចេញមតិផ្សេងគ្នាពីសំណាក់មហាជន និងអ្នកប្រើប្រាស់បណ្តាញសង្គម ខណៈខ្លះទៀតបែរជារិះគន់ប្រមាថមកលើតារារូបនេះផងដែរ។

ទោះបីយ៉ាងណាអ្នកនាង ខាត់ សុឃីម ក៏បានចេញមុខបកស្រាយរួចមកហើយដែរពាក់ព័ន្ធរឿងរ៉ាវនេះ ប៉ុន្តែក៏នៅមានបុគ្គលមួយចំនួនមិនយល់ចេតនារបស់នាងបែរនៅតែរិះគន់ដោយទទឹងទិស។ ព្រោះតែបែបនេះ តារាសិល្បៈជើងចាស់ ខាត់ សុឃីម បានបញ្ចេញខ្លឹមសារថា “ម្នាក់ៗថាចង់ឲ្យគេស្គាល់ជាតិ? តែកុំមើល Acc សុទ្ធតែអក្សរបែកស្លុយ ប្តូរ Acc ចាំនិយាយជាមួយមីងកូនមិនកំសាកទេពុក “។

នៅមុននេះអ្នកនាង ខាត់ សុឃីម បាននិយាយដែរថា «ខ្ញុំមិនល្អឥតខ្ចោះទេ តែក្មួយប្អូន នឹងដឹងនៅថ្ងៃណាមួយនៅពេលដែលគេលាបពណ៌ប្អូន ក្មួយបែប អវិជ្ជមានមកលើខ្លួនហើយថែមទាំងជាតិដទៃក៏មើលងាយខ្លួនឯងនឹងឈឺលើសបង មីង ម៉ឺនសែនលានដង»៕

អត្ថបទ៖ ចាន់រ៉ា