ជីវិតកម្សាន្ដ

ម៉ា ដូណា លើកជាចម្ងល់រឿងអាជ្ញាធរហាម You Tubers បរទេសល្បីៗមិនឲ្យថតវីដេអូនៅប្រាសាទអង្គរវត្ត

បានផុស

៧ ខែ មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

បន្ទាប់មានការបង្ហោះវែកញែកនៅលើបណ្តាញសង្គមពាក់ព័ន្ធរឿងរ៉ាវដែលអាជ្ញាធរហាម You Tubers បរទេសល្បីៗមិនឲ្យថតវីដេអូផ្សព្វផ្សាយពីតំបន់ទេសចរណ៍ដ៏អស្ចារ្យនៅប្រាសាទអង្គរវត្ត នាទឹកដីខេត្តសៀមរាបនោះ ស្រាប់តែតារាសម្តែងលោក ម៉ា ដូណា បានចេញមុខលើកជាចម្ងល់ជុំវិញរឿងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង នៅលើគណនីហ្វេសប៊ុកមានឈ្មោះ Lay Chhat បានបង្ហោះខ្លឹមសារភ្ជាប់វីដេអូមួយដោយលើកឡើងដូច្នេះថា ម្ចាស់ផ្ទះមានសមត្ថភាពគ្រប់គ្រាន់ក្នុងកាផ្សព្វផ្សាយទេសចរណ៍ក្នុងស្រុកទៅកាន់ពិភពលោកដែរ ឬទេ? សូម្បីតែ You Tubers បរទេសល្បីៗក៏ត្រូវបានម្ចាស់ផ្ទះហាមប្រាមមិនឲ្យថតវីដេអូផ្សព្វផ្សាយពីតំបន់ទេសចរណ៍ដ៏សំខាន់មួយនេះដែរ។

ស្របពេលឃើញមានការបង្ហោះចែករំលែកបែបនេះ តារាកំប្លែង និងសម្តែងលោក ម៉ា ដូណា បានបញ្ចេញមតិដោយលើកជាចម្ងល់ថា “គេមកជួយផ្សព្វផ្សាយតំបន់ទេសចរណ៍ហើយគេមិនមែនមកថតស្រាតទេ ហេតុអ្វីហាមមិនឲ្យថត សូមឲ្យអាជ្ញាធរអាចជួយបកស្រាយបានទេ ព្រោះមូលហេតុអ្វី ពិតជាចង់ដឹងមែន ដោយក្តីគោរពពីខ្ញុំ ម៉ា ដូណា” ឱសៀមរាបខ្ញុំអើយ“។

ដោយឡែក ក៏មានការលើកឡើងពីសំណាក់អ្នកប្រើប្រាស់បណ្តាញសង្គមម្នាក់ទៀតទៅកាន់លោក ម៉ា ដូណា ដែរថា «មានចាំអត់កាលមុនវៀតណាមកាត់តរូបនៅទីនោះឡើងវ៉ល់ ខ្មែរយើងបន្ទោសអាជ្ញាធរអប្សរាថាមិនមើល មិនហាម? គេហាម គឺដើម្បីទប់ស្កាត់ទង្វើជនអាក្រក់បែបនេះហើយបង។ ហើយតាមដែលខ្ញុំដឹងគឺគេហាមតែ Camera 360, 180, Camera ដែលមានបំពាក់ម៉ៃស្រូបសម្លេង និង Camera ធំៗប្រភេទផលិតភាពយន្តថតផ្សព្វផ្សាយពាណិជ្ជកម្ម ឬមាតិការផ្សេងៗទេ» ។

ប្រភពបាននិយាយទៀតថា «បើថតធម្មតាតាមទូរស័ព្ទហើយស្លៀកពាក់សមរម្យធម្មតាដូចជាគេមិនហាមទេ។ រឿងការថតស្រាតដូចបងនិយាយក៏ធ្លាប់មានព័ត៌មានខាងអាជ្ញាធរអប្សរាចាប់បានភ្ញៀវថតកន្លងមកជាហូរហែរមកដែរតើបង។ បងនៅខ្មែរដែរតើ បើខាងអាជ្ញាធរអប្សរាគាត់ធ្វើទង្វើមិនគប្បីបងគួរតែបញ្ចេញមតិធម្មតាក្នុងន័យស្ថាបនាបាន តែខ្ញុំមិនមែនជាមន្រ្តីអាជ្ញាធរអប្សរាទេតែនេះគឺជាការយល់ឃើញរបស់ខ្ញុំ»៕

អត្ថបទ៖ ចាន់រ៉ា