ជីវិតកម្សាន្ដ

ករុណា ពេជ្រ គាំទ្រគំនិតលើកឡើង ៦ ចំណុច របស់ ម៉ា ច័ន្ទបញ្ញា ពាក់ព័ន្ធវិស័យទេសចរណ៍ជាតិ

បានផុស

២ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

បន្ទាប់ពីឃើញការលើកឡើងរបស់តារាចម្រៀង Originol Song លោក ម៉ា ច័ន្ទបញ្ញា ដើម្បីចូលរួមជាយោបល់ចំនួន ៦ ចំណុច ពាក់ព័ន្ធវិស័យទេសចរណ៍ជាតិ ស្រាប់តែតារាចម្រៀងរៀមច្បងលោក ករុណា ពេជ្រ បានបង្ហាញការគាំទ្រចំពោះខ្លឹមសារលើកឡើងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ កាលពីថ្ងៃទី ២៥ ខែកក្កដា ឆ្នាំ ២០២៤ តារាចម្រៀងលោក ម៉ា ច័ន្ទបញ្ញា បានលើកឡើងជាយោបល់ចំនួន ៦ ចំណុច ពាក់ព័ន្ធរឿងទេសចរណ៍ ខណៈគេក៏សង្កេតឃើញមានមហាជន និងអ្នកដែលគាំទ្រនៅលើបណ្ដាញសង្គមមួយចំនួនបានចាប់អារម្មណ៍ ព្រមទាំងបញ្ចេញមតិយោបល់ដោយខ្លះយល់ឃើញដូចតារាចម្រៀងរូបនេះផងដែរ។

តារាចម្រៀងជើងចាស់លោក ករុណា ពេជ្រ ភ្លាមៗ នោះ ក៏បានបញ្ចេញទស្សនៈគាំទ្រចំពោះការលើកឡើង ៦ ចំណុច លោក ម៉ា ច័ន្ទបញ្ញា ដែរ។ លោក ករុណា ពេជ្រ បាននិយាយថា គំនិតល្អ សម័យនេះជាសម័យក្មេងមិនដល់ចាស់ ហើយក៏មិនមែនចាស់ត្រូវគ្រប់រឿងនោះដែរ ជាសម័យចេះពិភាក្សាយោគយល់អធ្យាស្រ័យកែច្នៃដើម្បីភាពរីកចម្រើន និងអភិវឌ្ឍន៍។

តារាចម្រៀងលោក ករុណា ពេជ្រ បានលើកឡើងបន្ថែមទៀតថា សម្រាប់មនុស្សចាស់នៅតែជាផ្លូវដ៏ល្អសម្រាប់ក្មេងៗ ជំនាន់ក្រោយ(រួមគ្នាដើម្បីកម្ពុជា)។

លោក ម៉ា ច័ន្ទបញ្ញា បានឲ្យដឹងថា សូមចូលរួមយោបល់មួយរឿងទេសចរណ៍ អាជ្ញាធរប្រកាសអនុញ្ញាតការថតនៅប្រាសាទគឺជាដំណឹងមួយល្អ។ លោកលើកឡើងទៀតថា រដ្ឋ គួរតែធ្វើសេចក្ដីប្រកាសមួយលើកមុខ លើកមាត់ ប៉ះប៉ូវបញ្ហាកើតមានកន្លងមក តែមុននឹងចាប់ផ្ដើមរដ្ឋគួរតែផ្ដល់ទំនុកចិត្តដល់អ្នកផ្សព្វផ្សាយជាមុន ជៀសវាងសេចក្ដីសម្រេចមិនស្របនឹងស្ថានភាពជាក់ស្ដែង៕

អត្ថបទ ៖ ចាន់រ៉ា