ជីវិតកម្សាន្ដ

ភឹម ស្រីនោ បំផុសការផ្សព្វផ្សាយ “ហូលពិតានខ្មែរ” ដើម្បីឲ្យពលរដ្ឋខ្មែរបានស្គាល់ច្បាស់

បានផុស

៧ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

តារាសម្តែង និងជាម្ចាស់មកុដ Miss Grand Cambodia ២០២៣ កញ្ញា ភឹម ស្រីនោ ថ្វីត្បិតពេលនេះនាងត្រូវបានផ្ទេរតំណែង និងមកុដហើយក៏ពិតមែនតែសម្រាប់ការគាំទ្របូករួមនឹងប្រជាប្រិយភាពគឺនាងនៅតែទទួលបានការចាប់អារម្មណ៍ និងទីផ្សារការងារធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាងនេះថែមទៀតអ្វីដែលធ្វើឲ្យអ្នកគាំទ្រសរសើរ និងចាប់អារម្មណ៍លើ ស្រីនោ ពេលនេះខណៈដែលឃើញនាងគ្រងឈុតបុរាណ “ហូលពិតានខ្មែរ” ភ្ជាប់ដោយខ្លឹមសារបំផុសរួមគ្នាក្នុងការផ្សព្វផ្សាយ “ហូលពិតានខ្មែរ” ដើម្បីឲ្យប្រជាពលរដ្ឋ និងយុវជនខ្មែរបានស្គាល់ច្បាស់។

ស្ថិតក្នុងសម្លៀកបំពាក់ប្រពៃណីបុរាណខ្មែរកញ្ញា ភឹម ស្រីនោ បានឲ្យដឹងពីគោលបំណងថា ហូលពិតានខ្មែរ ប្រជាជនខ្មែរមួយចំនួនគឺមិនបានស្គាល់ ដូច្នេះយើងជាអ្នកស្គាល់ជួយផ្សព្វផ្សាយឲ្យអ្នកដែលមិនស្គាល់បានដឹងផង។ នាងថា “ហូលពិតាន” ជាសិល្បៈមួយប្រភេទមានភាពប្រណីតល្អឯក និងឆ្លងកាត់ការផលិតច្រើនដំណាក់កាលរួមមាន, ការផលិតសរសៃអំបោះ ,ការជ្រលក់ពណ៌ធម្មជាតិ(លក្ខណៈពិសេសជាងគេនៃតម្បាញខ្មែរ) ,ការតម្លើងគោមក្បាច់ជាដើម។

បវរកញ្ញារូបនេះក៏បានបញ្ជាក់ទៀតថា «ចំពោះការប្រើប្រាស់ក៏មានក្បួនខ្នាតដោយសារ ហូលពិតាន ខុសពីហូល ធម្មតាដែលខ្មែរនិយមស្លៀក ប៉ុន្តែហូលពិតានគឺ ប្រើសម្រាប់ការដាក់តាំងលម្អរ គោរពបូជា នៅតាមទីសក្ការៈក្នុងអត្ថន័យសាសនាដោយសិល្បៈប្រភេទនេះត្បាញចេញអំពីរឿងទេវកថា ឬពុទ្ធប្រវត្ថិ ឬក៏ទសជាតក ឬក៏រឿងរ៉ាវជំនឿផ្សេងៗក្នុងសង្គមខ្មែរ»។

សូមបញ្ជាក់ដែរថា មកដល់ពេលនេះ កញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា ខណៈដែលកន្លងទៅនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ របស់ប្រទេសកម្ពុជា៕

អត្ថបទ៖ ចាន់រ៉ា