ជីវិតកម្សាន្ដ

ពែកមី ហួសចិត្ត ខណៈបុគ្គលម្នាក់ចោទថា ពិធីកាត់សក់ និងបុកល័ក្សក្នុងមង្គលការជារឿងចង្រៃ

បានផុស

៦ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

តារាកំប្លែងលោក ចែម ចាន់រ៉ា ហៅ ពែកមី បានបញ្ចេញប្រតិកម្មដោយសម្ដែងការហួសចិត្តខ្លាំងស្របពេលមានការចែករំលែកវីដេអូខ្លីមួយដែលបុគ្គលម្នាក់បាននិយាយខ្វះការគិតពិចារណាចោទថា ពិធីកាត់សក់ និងបុកល័ក្សក្នុងពិធីមង្គលការជារឿងចង្រៃមិនគួរធ្វើ ឬចង់ឱ្យលុបបំបាត់ចោលតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ឃើញបន្ទាប់ពីមានការចែករំលែកវីដេអូនោះក្រៅតែពីការបង្ហាញអារម្មណ៍មិនសប្បាយចិត្តពីសំណាក់មហាជន និងតារាកំប្លែងនាយ ពែកមី ក៏មានមតិជាច្រើនបានរិះគន់យ៉ាងចាស់ដៃចំពោះទង្វើនិយាយលើកឡើងរបស់បុគ្គលម្នាក់នោះផងដែរ។

ប្រតិកម្មជុំវិញរឿងនេះ នាយ ពែកមី បានឲ្យដឹងថា ពិធីកាត់សក់ បបុកល័ក្សចង្រៃមែនទែន? មិនគាំទ្រសម្តីម្នាក់នេះទេ ប្រពៃណីខ្មែរដូនតាយើងអ្នកបន្សល់ទុកមកពិធីទំនៀមទម្លាប់សំលៀកបំពាក់..លោកឯងមិនចង់ធ្វើជាសិទ្ធិរបស់លោកឯង តែកុំនិយាយឱ្យប៉ះពាល់ប្រពៃណីខ្មែរ។

តាមរយៈវីដេអូដែលមានរយៈពេលជិត ២នាទីត្រូវបានចែកចាយនៅលើបណ្តាញសង្គមកាលពីថ្មីៗនេះគឺ គេឃើញបុគ្គលម្នាក់នេះ បានកាន់ក្បាលមេក្រូដោយនិយាយថា“ពិធីមង្គលការបើមែនទែនទៅកុំឲ្យមានពីធីកាត់សក់ ឬពិធីបុកល័ក្សវាចង្រៃមែនទេ ព្រោះអត់ប្រយោជន៍ហើយខាត់លុយច្រើន ដូច្នេះគួរនិមន្តព្រះសង្ឃឆាន់ទៅល្អជាង“។

គួរបញ្ជាក់ថា អាពាហ៍ពិពាហ៍របស់ប្រជាជនកម្ពុជាគឺមានតាំងពីយូរលង់ណាស់មកហើយ ដែលប្រជាជនតែងតែធ្វើតគ្នាមកនោះមានពិធី ជាច្រើនដែលសុទ្ធតែមានអត្ថន័យដោយឡែកៗពីគ្នា។ ក្នុងនោះដែរ យើងសង្កេតឃើញពិធីមួយគឺ ពិធីបុកល័ក្សដែលពិធីនេះធ្វើឡើងដើម្បីឱ្យកូនប្រុសស្រីយល់ពីបញ្ហាជីវិតគ្រួសារក្រោយពេលរៀបការរួច៕

អត្ថបទ៖ ចាន់រ៉ា