ផលិតករចាត់ទុកការឆ្លើយតបដោយស្លៀកហូលផាមួងហាត់ប្រាណ ជាការឌឺដងជម្លោះដុតឲ្យខ្លោចរោចឲ្យ​ឆៅ

ប្រធានបទនៃការយកហូលខ្មែរទៅស្លៀកហាត់ប្រាណហាក់មិនផ្តល់តម្លៃ​អតត្តសញ្ញាណ និងតម្លៃ​វប្បធម៌​ជាតិ​ខ្លួនឯងកំពុងតែងរងការរិះគន់យ៉ាងចាស់ ដៃពីសំណាក់មជ្ឈដ្ឋានមហាជនខ្មែរទូទៅ។

តាមរយៈទង្វើនេះត្រូវបានគេចាត់ទុកថា ជាការមើលងាយជាន់ឈ្លីបន្ថោកតម្លៃប្រពៃណី វប្បធម៌ដ៏ល្អផូរផងរបស់ជាតិខ្មែរខ្លួនឯងដែលនាំឲ្យជាតិសាសន៍ដទៃ ឬបរទេសមើលងាយមកលើប្រទេស ខណៈលោក ហ៊ុយ យ៉ាឡេង ដែលជាផលិតករ​ខ្មែរល្បីឈ្មោះបានចាត់ទុកទង្វើរនេះគឺជាការឌឺដងជម្លោះដុតឲ្យខ្លោចរោចឲ្យឆៅ។

លោក ហ៊ុយ យ៉ាងឡេង បានលើកឡើងថា៖ «ខ្ញុំធ្លាប់ឆ្លើយសំណួរនេះនៅទូរទស្សន៍ដែរការស្លៀកប៊ីគីនីនៅសមុទ្រ ឬស្លៀកសិចស៊ីហួសហេតុបើគាត់ស្លៀកលក្ខណៈឯកជនថតទុកមើលខ្លួនឯងមិនជាខុសទេជាសិទ្ធរបស់គាត់តែបើគាត់ស្លៀកហើយផុសជាសាធារណៈគាត់ត្រូវទទួលរងនៅការរិះគន់ពីអ្នកវប្បធម៌និយម»។

លោកបន្តថា ចំពោះការតបឌឺដងឲ្យទៅអ្នកវប្បធម៌ដោយស្លៀកហូលផាមួងជាការឌឺដងជម្លោះគឺ ជាការដុតឲ្យខ្លោចរោចឲ្យឆៅ លោកឲ្យយោបល់ថា ប្រទេសយើងកាន់ព្រះពុទ្ធសាសនាហើយប្រពៃណីបុរាណនៅល្អផូរផង់ការស្លៀកពាក់យើងប្រកាន់ខ្ជាប់ទៅតាមកាល និងពេលវេលាថ្ងៃសីលទៅវត្តស្លៀកពាក់សថ្ងៃបុណ្យទានប្រពៃណីស្លៀកហូលផាមួងទៅហែលទឹកត្រូវស្លៀក ខោអាវហែលទឹក ទៅហាត់ប្រាណស្លៀកខោអាវហាត់ប្រាណតែអ្វីដែលត្រូវជ្រើសយកគឺសម្លៀកបំពាក់សម រម្យបើចង់ផុសជាសារធារណៈ។

ផលិតករ ហ៊ុយ យ៉ាឡេង បាននិយាយទៀតថាបើចង់លើសដូចអឺរ៉ុបថតទុកមើលខ្លួនឯងគឺមិនអី្វទេតែបើផុសជាសារ​ធារណៈនៅលើហ្វេសប៊ុក ពិតណាស់ត្រូវទទួលយកការរិះគន់ពីអ្នកមិនពេញចិត្ត បើនៅតែចង់ផុសគួររកបណ្ដាញសង្គណា ដែលទំនើបនិយមសម្បូរបរទេសលេងដូចជា Instagram វិញទើបមិនសូវមានអ្នករិះគន់៕

អត្ថបទ៖ ចាន់រ៉ា