ជីវិតកម្សាន្ដ

លោក សុះ ម៉ាច សរសើរកម្មវិធីទូរទស្សន៍ជាតិកម្ពុជាគាស់កកាយអ្នកសិល្បៈចាស់ថ្មីគ្រប់ទម្រង់

បានផុស

៦ ខែ មុន

នៅ

ថ្ងៃចន្ទ ២៩ កក្កដា ២០២៤

ដោយ

តារាចម្រៀងជើងចាស់លោក សុះ ម៉ាច បានចេញមុខសរសើរចំពោះកម្មវិធីចម្រៀងស្បៃរាត្រីរបស់ទូរទស្សន៍ជាតិកម្ពុជាដែលគាស់កកាយអ្នកសិល្បៈចាស់ថ្មីគ្រប់ទម្រង់បញ្ចេញទេពកោសល្យ និងសមត្ថភាពឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងមានប្រជាប្រិយភាពលោក សុះ ម៉ាច បានលើកឡើងដោយខ្លឹមសារបែបនេះថា «កម្មវិធីចម្រៀងស្បៃរាត្រីរបស់ទូរទស្សន៍ជាតិកម្ពុជាពិតជាបានគាស់កកាយអ្នកសិល្បៈចាស់ថ្មីគ្រប់ទម្រង់មកបង្ហាញវត្តមានជាថ្មី រួមទាំងវាចាកំប្លុកកំប្លែងផ្តល់ភាពសប្បាយរីករាយសម្រាប់ទស្សនិកជន»។

លោក សុះ ម៉ាច និយាយទៀតថា «មិនតែប៉ុណ្ណោះ អ្នកមិនមែនជាអាជីពសិល្បៈ ប៉ុន្តែមានសមត្ថភាពផ្នែកសិល្បៈ ក៏អាចមកបង្ហាញសមត្ថភាពលើឆាកនេះបានដែរ នេះបើតាមការបញ្ជាក់ពីនាយ ចាប ចៀន ដែលជាតារាកំប្លែងជើងចាស់ដ៏ល្បីល្បាញប្រចាំប្រទេសកម្ពុជា»។ តាមរយៈការលើកឡើងពីសំណាក់លោក សុះ ម៉ាច ខាងលើនេះ មានមហាជនជាច្រើនបានបង្ហាញការគាំទ្រកម្មវិធីនេះផងដែរ។

គួរបញ្ជាក់ថា លោក សុះ ម៉ាច គឺជាអតីតប្រធានសមាគមសិល្បករខ្មែរ ២ អាណត្តិ និងជាតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្បៈ ព្រោះលោកត្រូវជាកូនប្រុសបង្កើតរបស់លោកតា សុះ ម៉ាត់ តារាចម្រៀងល្បី និងសម្បូរស្នេហ៍ក្នុងទសវត្សរ៍ឆ្នាំ ៦០-៧០៕

អត្ថបទ ៖ ចាន់រ៉ា