ជីវិតកម្សាន្ដ
សុគា គីមលាង បារម្ភខ្លាចបុគ្គលមួយចំនួនយកសម្បត្តិវប្បធម៌ជាតិទៅផ្សព្វផ្សាយដើម្បីប្រយោជន៍ខ្លួន
កាលពីថ្មីៗនេះ នាថការីរបាំបុរាណអប្សរាលើភ្នំទឹកកកកញ្ញា សុគា គីមលាង ហៅ កូន អាន់ បានថ្លែងសារអរគុណចំពោះអាជ្ញាធរអប្សរាក្រោយឮដំណឹងដ៏រីករាយថា បានសម្រេចបើកទូលាយជុំវិញការថតរូប ភាពនិងវីដេអូក្នុងសំលៀកបំពាក់បែបប្រពៃណីអាពាហ៍ពិពាហ៍នៅតំបន់អង្គរតែចៀសវាងការថតរូបអាសអាភាស។
ទន្ទឹមពេលជាមួយគ្នានេះដែរ សិល្បការិនីដ៏ឆ្នើម និងនាថការីរបាំបុរាណកញ្ញា សុគា គីមលាង ក៏បានបង្ហាញក្តីបារម្ភផងដែរព្រោះតែក្លាចបុគ្គលមួយចំនួនយកសម្បត្តិវប្បធម៌ជាតិទៅផ្សព្វផ្សាយដើម្បីប្រយោជន៍ខ្លួន។ នាងធ្លាប់លើកឡើងថា «នាងខ្ញុំក៏សូមអរគុណទៅដល់អជ្ញាធរអប្សរាដែលបានបន្ធូរបន្ថយ។ ប៉ុន្តែខ្ញុំសូមសំណូមពរត្រូវមានចំណាត់ការលើបុគ្គលណាដែលធ្វើដើម្បីប្រយោជន៍ខ្លួន ឬប្រយោជន៍រួម“។
កញ្ញា សុគា គីមលាង បានបញ្ជាក់បន្ថែមទៀតថា ល្មមហើយតែសូមពិនិត្យផងក្រែងអ្នកខ្លះយកសម្បត្តិជាតិទៅផ្សព្វផ្សាយដើម្បីប្រយោជន៍ខ្លួនមិនមែនប្រយោជន៍រួមដើម្បីជាតិ។ គីមលាង និយាយទៀតថា នាងសុខចិត្តមុខក្រាស់ មុខស្តើងទៅហើយសួរថាខំម្លេ ដើម្បីអី្វបើយើងមិនធ្វើបានអ្នកណាធ្វើអ្នកណាថែរក្សាអ្នកណាស្គាល់?
គេចាំបានថា កញ្ញាសុគា គីមលាង ហៅ កូន អាន់ បានទម្លាយថា កន្លងមកនាងធ្លាប់ឆ្លងកាត់នូវភាពជូរចត់ និងការលំបាកច្រើនសម្រាប់ពាក្យថា «អប្សារា» គឺដោយសារតែការផ្សព្វផ្សាយចង់ឲ្យគេស្គាល់នឹងដឹងថាខ្លួនមកពីកន្លែងណា ជនជាតិអ្វី សញ្ជាតិអ្វី។
គួរបញ្ជាក់ដែរថា កញ្ញា សុគា គីមលាង កាលពីកន្លងនាងក៏ធ្លាប់ត្រូវបានទស្សនិកជនដឹងថា នាងធ្លាប់បានតំណែងជាកញ្ញាឯកសង្ក្រាន្តដ៏ស្រស់ស្អាតនាអំឡុងឆ្នាំ២០១៨ ផងដែរ។
ការពិតនាដការីកញ្ញា សុគា គីមលាង កន្លងមកក៏ត្រូវបានទស្សនិកជនបានដឹងថា នាងតែងមានភាពលេចធ្លោលើសកម្មភាពផ្សព្វផ្សាយវប្បធម៌សិល្បៈខ្មែរ។ តួយ៉ាងកាលពីថ្មីៗកន្លងទៅ សុគា គីមលាង បានចេញមុខប្តេជ្ញាចូលរួមផ្សព្វផ្សាយវប្បធម៌ អរិយធម៌ កេរ្តិ៍មរតកដូនតាខ្មែរមិនអាចឲ្យស្លាប់ទេ។ ម្យ៉ាងទៀតនាងថា ខ្លួនពិតជាសំណាងណាស់ដែលបានកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ៕
អត្ថបទ៖ ចាន់រ៉ា
-
សន្តិសុខសង្គម២ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ២ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ៣ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ៣ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៣ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានអន្ដរជាតិ១ សប្តាហ៍ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
កីឡា៥ ថ្ងៃ ago
ចាប់អារម្មណ៍ទេ? កំហុសធំមួយកើតឡើង ពេលបង្ហូតទង់អូឡាំពិក ក្នុងពិធីបើក