ជីវិតកម្សាន្ដ

លីម តិចម៉េង បដិសេធសំណើធានាចេញទៅរស់នៅក្រៅប្រទេសឆ្ងាយពីមាតុភូមិកំណើត

បានផុស

២ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

តារាចម្រៀងវ័យក្មេងលោក លីម តិចម៉េង បានចេញមុខបដិសេធនសំណើដែលត្រូវបានបងប្អូនខ្មែររស់នៅឯក្រៅប្រទេសដើម្បីធានាលោកចេញទៅរស់ឯស្រុកគេ។ ខណៈ តិច ម៉េង អះអាងថា ខ្លួនមិនចង់វិចដីខ្មែរមួយក្តាប់យកទៅដេកអោបនៅស្រុកគេទាំងទឹកភ្នែកឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក លីម តិចម៉េង បន្ទាប់ពីក្លាយជាម្ចាស់ពានបច្ចុប្បន្នត្រូវបានគេកត់សម្គាល់ឃើញថា ទាំងប្រជាប្រិយភាព និងសន្ទុះនៃការគាំទ្រទស្សនិកជន មានការកើនឡើងជាបន្តបន្ទាប់ពិសេសតាមរយៈការឡើងច្រៀងលើឆាកម្តងៗគឺមានអ្នកទៅច្រើនគួរសមផងដែរ។

យ៉ាងណាមិញឆ្លើយតបនឹងការស្នើរបស់អ្នកគាំទ្រដែលចង់ធានាទៅរស់នៅក្រៅប្រទេសលោក លីម តិចម៉េង បានលើកឡើងថា «អរគុណបងប្អូននៅឯនាយសមុទ្រមួយចំនួនដែលបានផ្តល់ឱកាសហើយធានាឲ្យខ្ញុំទៅនៅទីនោះ តែខ្ញុំបាទសូមបញ្ចាក់ថា ខ្ញុំគ្មានបំណងទៅណាចោលជាតិមាតុភូមិមួយនេះទេ។

លីម តិចម៉េង បន្តទៀតថា “ខ្ញុំមិនចង់វិចដីខ្មែរមួយក្តាប់យកទៅដេកអោបនៅស្រុកគេទាំងទឹកភ្នែកឡើយ ខ្ញុំសុខចិត្តតស៊ូរ លូនក្រាប ប្រឹងប្រែង ដោយខ្លួនឯងនៅទីនេះអស់មួយជីវិតសូមអរគុណ ,បញ្ចាក់បើទៅដើរលេងទៅណា ក៏បានដែរឲ្យតែមានលុយមានពេល “។

គួររម្លឹកដែរថា តារាចម្រៀងវ័យក្មេងលោក លីម តិចម៉េង កាលពីកន្លងទៅធ្លាប់បានមុខបញ្ជាក់ពីគោលជំហររបស់ខ្លួនថា លោកកើតនៅលើផែនដីនេះ មិនក្បត់ផែនដីមួយនេះជាដាច់ខាត ខណៈមានអ្នកគាំទ្រមួយចំនួនសម្តែងការព្រួយបារម្ភខ្លាចលោកធ្លាក់ប្រជាប្រិយភាពជុំវិញការស៊ែរព័ត៌មាននៃការសាងសង់ប្រាសាទថ្មរបស់ថៃដែលមានភាពស្រដៀងនឹងប្រាសាទអង្គរវត្តរបស់ខ្មែរ៕

អត្ថបទ៖ ចាន់រ៉ា