ជីវិតកម្សាន្ដ

តារាពហុជំនាញ ខាត់ សុឃីម ចាត់ទុកសិល្បៈ ជាជីវិតរបស់ខ្លួន

បានផុស

៨ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

តារាស្រីពហុជំនាញអ្នកនាង ខាត់ សុឃីម បានចេញមុខអះអាងថា អាជីពសិល្បៈគឺជាជីវិតរបស់ខ្លួន។ ទន្ទឹមនឹងនេះ អ្នកនាង ខាត់ សុឃីម ក៏បានបកស្រាយបន្ថែមផងដែរ បន្ទាប់ពីមានផេកមួយចំនួនបានយកវីដេអូរបស់នាងទៅបង្ហោះ ដែលបង្កការយល់ច្រឡំដល់មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងគ្រប់ទម្រង់ទាំងសម័យ និងបុរាណអ្នកនាង ខាត់ សុឃីម បានលើកឡើងថា “សិល្បៈជាជីវិតរបស់ខ្ញុំ”។ដោយឡែក រឿងរ៉ាវដែលគេចាប់អារម្មណ៍ថែមទៀតអ្នកនាង ខាត់ សុឃីម បានចេញមកច្រានចោលនូវការចោទប្រកាន់មួយចំនួនបន្ទាប់ពីមានការចែកចាយវីដេអូឃ្លីបមួយដែលកំពុងល្បីលើបណ្ដាញសង្គម ខណៈមានអ្នកខ្លះយល់ច្រឡំថានាង អាចនិយាយសំដៅលើបញ្ហាតំបន់អភិវឌ្ឍន៍ត្រីកោន(CLV)។

ពាក់ព័ន្ធនឹងការចែករំលែកវីដេអូដោយភ្ជាប់ការលាបព័ណ៌ផ្ទុយពីការពិតនោះអ្នកនាង ខាត់ សុឃីម បានបញ្ជាក់ថា”នាងខ្ញុំ ខាត់ សុឃីម ជាសិល្បការិនីសូមជម្រាបជូនសាធារណៈជនទាំងក្នុង និងក្រៅប្រទេសព្រមទាំងពុកម៉ែបងប្អូនប្រិយមិត្តរបស់នាងខ្ញុំទាំងអស់មេត្តាជ្រាបថា ក្នុងវីដេអូដែលកំពុងចែកចាយនេះគឺនាងខ្ញុំបានបង្ហោះតាំងពីថ្ងៃទី១២ ខែកក្កដា ឆ្នាំ២០២០»។

តារាស្រីពហុជំនាញរូបនេះបានបន្ថែមទៀតថា «នាងបង្ហោះក្នុងន័យរឿងសិល្បៈ អរិយធម៌ វប្បធម៌ បុរាណខ្មែរមិនដូចនឹងអ្វីដែល Page មួយចំនួនក៏ដូចជាអ្នកនយោបាយខ្លះទៀតបានលាបព័ណ៌វីដេអូរបស់នាងខ្ញុំនោះទេ។ ដូច្នេះ សូមបងប្អូនទាំងអស់មេត្តាបញ្ឈប់ការ Shareឬចុះផ្សាយបន្តទៀតទៅ ព្រោះវាមិនមែនជាការពិតទេ»។

សូមជម្រាបដែរថា អ្នកនាង ខាត់ សុឃីម កន្លងមកបានដាក់ក្តីរំពឹងថា ថ្ងៃណាមួយនាងនឹងអាចមានសមត្ថភាពបើកសាលាបណ្តុះបណ្តាលសាលាបង្រៀននូវឧបករណ៍ភ្លេងបុរាណខ្មែរដល់ក្មេងជំនាន់ក្រោយៗ ដែលជាអ្នកបន្តវេនអ្នកជំនាន់មុន។

អ្នកនាង ខាត់ សុឃីម ក៏បានដាស់តឿនដល់យុវជនដែរថា ប្អូនៗជំនាន់ក្រោយគួរតែហាត់ភ្លេងចម្រៀងបុរាណយ៉ាងហោចណាស់បាន ១ ឧបករណ៍ បណ្ដុះចិត្ដឲ្យស្រឡាញ់ រនាត គង ស្រឡៃ ខ្លុយ ស្គរ ទ្រ តាខេ ឃឹម ស្រឡាញ់ច្រៀង អាយ៉ៃ យីកេ ល្ខោន ចាប៉ី ឆៃយ៉ាំ កន្ត្រឹមជាដើម៕

អត្ថបទ៖ ចាន់រ៉ា