ជីវិតកម្សាន្ដ

ពេជ្រ ចរណៃ ស្នើអាជ្ញាធរអប្សរា ពន្យល់ចំពោះគោលបំណង នៃការកាប់ដើមឈើនៅតំបន់អង្គរ

បានផុស

៦ ខែ មុន

នៅ

ថ្ងៃពុធ ៣១ កក្កដា ២០២៤

ដោយ

តារាសម្តែង និងជាគ្រូបង្ហាត់គុនល្បុក្កតោខ្មែរ កញ្ញា ពេជ្រ ចរណៃ បានចេញមុខស្នើសុំដល់អាជ្ញាធរជាតិអប្សរាពន្យល់ចំពោះគោលបំណង នៃការកាប់ដើមឈើនៅតំបន់អង្គរក្នុងទឹកដីខេត្តសៀមរាប បន្ទាប់ពីមានការចែករំលែករូបភាពមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការបង្ហោះរបស់តារាសម្តែងស្រីរូបស្រស់ កញ្ញា ពេជ្រ ចរណៃ បានភ្ជាប់រូបភាព និងខ្លឹមសារថា «ខ្ញុំស្នើសុំទៅកាន់អាជ្ញាធរអប្សរា មេត្តាជូនជាដំណឹងជាមុន និងពន្យល់ឲ្យក្បោះក្បាយទៅកាន់សាធារណជនឲ្យយល់អំពីគោលបំណង នៃការកាប់ដើមឈើទាំងអស់នេះ ជាពិសេសត្រូវភ្ជាប់ជាមួយតឹកតាងឲ្យច្បាស់លាស់បង្ហាញឲ្យឃើញអំពីស្ថានភាពដើមឈើដែលនឹងអាចបង្កជាគ្រោះហានិភ័យទាំងអស់នេះផង»។

តារាសម្តែងស្រី កញ្ញា ពេជ្រ ចរណៃ និយាយបន្ថែមទៀតថា «បើកាប់ដើមឈើទាំងអស់នេះក្រោមហេតុផលរក្សាសុវត្ថិភាពជូនភ្ញៀវទេសចរ និងប្រាសាទនោះ ខ្ញុំមិនប្រតិកម្មទេ»។ ជាមួយគ្នានេះដែរ ក៏មានការបញ្ចេញមតិវែកញែកមួយចំនួន ក្រោយ ពេជ្រ ចរណៃ បានលើកជាចម្ងល់ខាងលើនេះ។

តារាសម្តែង ពេជ្រ ចរណៃ លើកឡើងដែរថា «ខ្ញុំពិតជាមិនចង់ឃើញមហាជនបង្ហាញការមិន ពេញចិត្តចំពោះរូបភាពទាំងអស់នេះ និងឈានឆ្ពោះទៅការចោទប្រកាន់អាជ្ញាធរកាប់ដើមឈើទាំងអស់នេះទេ»។

គួរបញ្ជាក់ថា កាលពីថ្មីៗ នេះ នៅលើទំព័រហ្វេសប៊ុក អាជ្ញាធរអប្សរា បានជូនដំណឹងពីសកម្មភាពកាត់ក្រី និងដកហូតដើមឈើមានហានិភ័យនៅរមណីយដ្ឋានអង្គរ។

អាជ្ញាធរអប្សរា បញ្ជាក់ថា ក្រុមការងារនាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា ចុះពិនិត្យ និងអនុវត្តន៍វិធានការបន្ទាន់ចំពោះដើមឈើមួយចំនួនដែលមានហានិភ័យនៅរមណីយដ្ឋានអង្គរ ដើម្បីធានាសុវត្ថិភាពជូនភ្ញៀវទេសចរ ចៀសវាងគ្រោះថ្នាក់ផ្សេងៗ ជាដើម៕

អត្ថបទ ៖ ចាន់រ៉ា