ជីវិតកម្សាន្ដ

Sandara Park បង្ហាញអារម្មណ៍រំភើប ក្រោយ 2NE1 កៀកថ្ងៃជួបជុំគ្នាម្ដងទៀតលើឆាកតន្រ្តី

បានផុស

៦ ខែ មុន

នៅ

ថ្ងៃពុធ ៣១ កក្កដា ២០២៤

ដោយ

កាលពីថ្ងៃទី ៣០ ខែកក្កដា Sandara Park បានចែករំលែកគំនិតផ្ទាល់ខ្លួនចំពោះការជួបជុំគ្នាពេញលេញរបស់សមាជិកក្រុម 2NE1 ដោយរៀបរាប់ពីអារម្មណ៍ពិត ដែលរូបនាងខកខានជួបផ្ទាល់ជាមួយទស្សនិកជន។ ជាពិសេសសមាជិករូបនេះក៏បានលះបង់ខ្លួនឯងទាំងស្រុង ដើម្បីហ្វឹកហាត់ ត្រៀមសម្រាប់ការជួបជុំគ្នានាងពេលខាងមុខលើឆាកដ៏ធំផងដែរ។

ក្នុងនោះផងដែរ តារាចម្រៀងវ័យ ៣៩ឆ្នាំ ក៏បានរៀបរាប់ដោយបង្ហាញការដឹងគុណចំពោះសមាជិកម្នាក់ៗថា «ទោះបីជាខ្ញុំបានសម្រេចចិត្តទុកកាលវិភាគផ្ទាល់ខ្លួនរបស់ខ្ញុំ ដើម្បីទៅជួបជុំគ្នាពេញលេញក៏ដោយ ក៏ខ្ញុំនឹងនៅតែបំពេញការសម្ដែងដែលបានគ្រោងទុកមុន ហើយឆាប់ៗនេះ ខ្ញុំមានថត និងការសម្តែងរបស់ Acer ចេញមក។ ខ្ញុំត្រូវទៅទីក្រុងម៉ានីល ហើយខ្ញុំពិតជាព្រួយបារម្ភអំពីការខកខានការហ្វឹកហាត់ ជាសំណាងល្អដែលសមាជិកមានការយោគយល់ និងគាំទ្រយ៉ាងខ្លាំង ដូច្នេះខ្ញុំគិតថាខ្ញុំអាចគ្រប់គ្រងវាបានល្អសម្រាប់ឆាកតន្រ្តីខាងមុខ»។

សមាជិកក្រុមរូបនេះបានឆ្លុះបញ្ចាំងពីអារម្មណ៍រំភើបថា «ក្នុងជីវិតមានពេលខ្លះចង់សម្រាក ប៉ុន្តែត្រូវធ្វើការ ហើយពេលខ្លះចង់ធ្វើការតែត្រូវសម្រាកពេលនេះ ខ្ញុំពិតជាចង់ធ្វើការណាស់ ហើយហាក់ដូចជាដល់ពេលដែលខ្ញុំអាចធ្វើកិច្ចការដែលខ្ញុំតែងតែចង់ធ្វើ តែងតែទន្ទឹងមករហូត ពេលវេលាបែបនេះមិនបានមកជាញឹកញាប់ទេ ទោះបីជាហត់នឿយក៏ដោយ ក៏ខ្ញុំនឹងរីករាយ និងធ្វើឲ្យបានច្រើនបំផុតក្នុងរយៈពេលនេះដែរ។ ខ្ញុំបានរត់មិនឈប់ជិត២០ឆ្នាំមកហើយ ប៉ុន្តែខ្ញុំចង់បន្តប៉ុន្មានឆ្នាំទៀតជាមួយក្រុម អរគុណច្រើនដែលតែងតែនៅជាមួយខ្ញុំ ជាពិសេសអ្នកគាំទ្រ»។

យ៉ាងណា ជាការឆ្លើយតបទៅនឹងការអត្ថាធិប្បាយរបស់អ្នកគាំទ្រដែលស្នើសុំការប្រគំតន្ត្រី encore នាងបាននិយាយថា ខ្លួនតែងតែមានផ្នត់គំនិតវិជ្ជមាន រស់នៅជាមួយនឹងចិត្តគំនិតក្នុងការធ្វើអ្វីគ្រប់យ៉ាង។ សមាជិកផ្សេងទៀតក៏មានអារម្មណ៍ដូចគ្នាដែរ ហើយធ្វើការប្រគំតន្ត្រី encore នៅទីក្រុងសេអ៊ូលនឹងបង្កើតការសម្តែងដ៏អស្ចារ្យរបស់ Blackjack ដោយនាងស្នើឲ្យគ្រប់គ្នាជួយគាំទ្រយ៉ាងពេញទំហឹង។

សូមរម្លឹកដែរថា ដំណឹងនៃការវិលមកកាន់ឆាកតន្រ្តីរបស់ក្រុម 2NE1 បានប្រកាសដោយផលិតកម្ម YG Entertainment កាលពីថ្ងៃព្រហស្បតិ៍សប្ដាហ៍មុនដោយបញ្ចាក់ពីការប្រគំតន្រ្តីថា ‘2024 2NE1 Concert [Welcome Back] in Seoul’ ដើម្បីអបអរសាទរខួបលើកទី ១៥ នៃការបង្ហាញខ្លួនលើកដំបូងចាប់តាំងពីបំបែកក្រុម៕