ជីវិតកម្សាន្ដ

តារាស្រី ២ ដួង ចង់ជួបអតីតអ្នកចម្រៀងទសវត្សរ៍ ៨០ ឡឹម វណ្ណារី ធ្លាក់ខ្លួនយ៉ាងកម្សត់នៅខេត្តបាត់ដំបង

បានផុស

៨ ខែ មុន

នៅ

ថ្ងៃព្រហស្បតិ៍ ១ សីហា ២០២៤

ដោយ

ក្រោយបាត់ដំណឹងពីវិថីសិល្បៈយូឆ្នាំមកនោះ អតីតអ្នកចម្រៀងជើងចាស់អំឡុងទសវត្សរ៍ ៨០ និង ៩០ លោកស្រី ឡឹម វណ្ណារី បាននឹងកំពុងធ្លាក់ខ្លួនយ៉ាងកម្សត់រស់នៅឯខេត្តបាត់ដំបង ខណៈជីវភាពជួបការខ្វះខាតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចម្រៀងជើងចាស់ ឡឹម វណ្ណារី កាលពីថ្មីៗកន្លងមកនេះមានការបង្ហើបដំណឹងថា បច្ចុប្បន្នលោកស្រីគឺមានវ័យកាន់តែចាស់ហើយ ខណៈលោកស្រីកំពុងរស់នៅយ៉ាងកម្សត់ក្នុងផ្ទះតូចមួយនាទឹកដីខេត្តបាត់ដំបង។ ជាមួយគ្នានេះដែរ ក៏មានការអំពាវនាវដើម្បីសូមឲ្យសប្បុរសជនមេត្តាជួយដល់អ្នកចម្រៀងទសវត្សរ៍ ៨០និង ៩០រូបនេះ។

បើយោងការបង្ហោះចែករំលែកនៅលើគណនីឈ្មោះ Heang Chamnith បានបញ្ជាក់ថា លោកស្រី ឡឹម វណ្ណារី អ្នកចម្រៀងទសវត្សរ៍ ៨០និង ៩០ ដ៏ល្បីល្បាញ ជាម្ចាស់បទ “លក់ស្រូវជូនរដ្ឋ” បទ “កន្សែងអូនប៉ាក់ជូនបងយោធា” និង បទពិរោះៗជាច្រើនបទទៀត ដែលលមហាជននៅចង់ចាំមិនភ្លេចបច្ចុប្បន្ននេះលោក ស្រី ឡឹម វណ្ណារី កំពុងរស់នៅក្នុងជីវភាពដ៏សែនលំបាកក្នុងខេត្តបាត់ដំបង។

ប្រភពបានបន្ថែមថា «សូមមហាជនឧបត្ថម្ភ ឬផ្តល់ឱកាសការងារជូនលោកស្រីបានបំពេញ ដើម្បីទទួលបានប្រាក់ចំណូល សម្រាប់ដោះស្រាយក្នុងជីវភាពផង។ បន្ទាប់ពីទទួលដឹងនេះភ្លាមៗ គេឃើញតារាស្រីពហុជំនាញ ពីររូបបានប្រកាសស្វែងរក និងចង់ជួបលោកស្រី ឡឹម វណ្ណារី ផងដែរ។

តារាល្បីឈ្មោះអ្នកនាង ខាត់ សុឃីម បានឲ្យដឹងថា ខ្ញុំចង់បានលេខគាត់តើមានបងប្អូនណាដឹងទេ។ ចំណែកឯតារាចម្រៀងអ្នកនាង ទូច ស្រីល័ក្ខ ក៏បានលើកឡើងដែរថា រូបខ្ញុំពិតជាចង់បានលេខទូរស័ព្ទរបស់អ្នកមីង បងប្អូនណាដឹងជួយប្រាប់ផង៕

អត្ថបទ៖ ចាន់រ៉ា