ជីវិតកម្សាន្ដ
មើលជ្រុងណាក៏ស្អាត ! សុគន្ធ នីសា ក្នុងឈុតបុរាណរំលេចអត្តសញ្ញាណរបស់ជាតិខ្មែរ
ជាការលើកឡើងរបស់អ្នកស្នេហា និងគាំទ្រវិស័យសិល្បៈរបស់ខ្មែរ បានមើលឃើញថា តារាចម្រៀងសំឡេងស្រទន់អ្នកនាង សុគន្ធ នីសា ថ្វីត្បិតបច្ចុប្បន្ននាងមានវ័យច្រើនបន្តិចក៏ពិតមែន ប៉ុន្តែបើកត់សម្គាល់នូវប្រជាប្រិយភាព និងការគាំទ្រ នៅតែរក្សាបានដូចដើម។
សុគន្ធ នីសា គិតមកទល់ពេលនេះនាងមានអាយុខ្ទង់ ៤០ ឆ្នាំ ហើយ។ ក្នុងនោះដែរ អ្នកនាង សុគន្ធ នីសា ក៏ត្រូវបានគេចាត់ទុកជាតារាចម្រៀងម្នាក់ដ៏មានប្រជាប្រិយភាព និងមានសម្រស់ស្រស់ស្អាតពីធម្មជាតិ។ លើសពីនេះ នាងក៏ទទួលបានការសរសើរថាជាតារាស្រីដែលមានអត្តចរិតស្លូតបូត និងសុភាពរាបសារទៀតផង។
រឿងដែលធ្វើឲ្យអ្នកគាំទ្រនាងកាន់តែចាប់អារម្មណ៍ថែមទៀត ថ្មីៗ នេះ តារាស្រីសំឡេងមនោសញ្ចេតនា សុគន្ធ នីសា បានរំលេចខ្លួនយ៉ាងស្រស់ស្អាតក្នុងឈុតបុរាណបង្ហាញពីអត្តសញ្ញាណរបស់ជាតិខ្មែរគួរឲ្យទាក់ទាញ។ ចំណុចនេះបានធ្វើឲ្យអ្នកគាំទ្រមួយចំនួនសរសើរពីការតុបតែងខ្លួនក្នុងឈុតដ៏ប្រណិត ពិសេសការថែរក្សាសម្រស់ និងរាងស្រស់ស្អាតរបស់ នីសា មើលទៅលេចធ្លោខ្លាំង។
អ្នកនាង សុគន្ធ នីសា និយាយឲ្យដឹងថា សម្លៀកបំពាក់ដ៏ស្រស់ស្អាតប្រពៃមួយនេះគឺនាងសែនស្រឡាញ់ខ្លាំង ជាអត្តសញ្ញាណរបស់ខ្មែរពិតៗ។ នាងក៏អរគុណណាស់ដែលតែងតែមានគំនិតច្នៃប្រឌិតថែរក្សា ការពារ ស្រឡាញ់ដោយបេះដូងស្មោះ។ ជាការពិត នីសា ទោះបីពេលនេះនាងមានវ័យច្រើន តែនាងនៅតែរក្សាបានភាពស្រស់ស្អាតមិនចាញ់ក្រមុំឡើយ។
សុគន្ធ នីសា ជាតារាចម្រៀងខ្មែរមួយរូបដែលមានសមត្ថភាពច្រៀងដាក់សំឡេងមនោសញ្ចេតនាបានល្អ បូករួមនឹងទេពកោសល្យសិល្បៈខ្ពស់ផងដែរ។ ម្យ៉ាងទៀតគេកត់សម្គាល់ថា សម្រាប់ទីផ្សារចម្រៀងបច្ចុប្បន្ន នាងហាក់នៅឈរលំដាប់ជួរមុខក្នុងចំណោមតារាស្រីល្បីៗ ជាច្រើននាក់ទៀត៕
អត្ថបទ ៖ ចាន់រ៉ា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា