ជីវិតកម្សាន្ដ

Angelina និង Brad Pitt អាចនឹងជួបមុខគ្នា ក្នុងកម្មវិធីមួយនៅអ៊ីតាលី ក្រោយបែកគ្នាជិត៨ឆ្នាំ

បានផុស

៨ ខែ មុន

នៅ

ថ្ងៃចន្ទ ៥ សីហា ២០២៤

ដោយ

Angelina Jolie និង Brad Pitt គ្រោងនឹងផ្សព្វផ្សាយភាពយន្តថ្មីនៅមហោស្រពភាពយន្ត Venice។ នេះជាលើកទីមួយហើយ ដែលអ្នកទាំងពីរត្រូវបានចូលរួមកម្មវិធីមួយជាមួយគ្នា ចាប់តាំងពីបែកគ្នាកាលពីឆ្នាំ២០២៦ និង លែងលះគ្នាដាច់ស្រេចកាលពីថ្ងៃទី១២ ខែមេសា ឆ្នាំ២០១៩។

នៅថ្ងៃទី ០២ ខែសីហា សារព័ត៌មាន Daily Mail បានរាយការណ៍ថា Angelina Jolie ត្រូវបានគេរំពឹងថានឹងមានវត្តមាននៅក្នុងមហោស្រពភាពយន្ត Venice ដែលប្រារព្ធឡើងនៅទីក្រុង Venice ប្រទេសអ៊ីតាលី ក្នុងខែកញ្ញា ដើម្បីផ្សព្វផ្សាយភាពយន្ត Maria របស់នាង។ នៅក្នុងខ្សែភាពយន្តនេះ តារាស្រីកើតក្នុងឆ្នាំ ១៩៧៥ ដើរតួជាតួអង្គល្ខោនអូប៉េរ៉ា Maria Callas ខណៈដែលខ្សែភាពយន្តដែលនាងសម្តែងស្ថិតក្នុងបញ្ជីប្រកួតប្រជែងសម្រាប់ពានរង្វាន់ Golden Lion ។

យ៉ាងណា ជាភាពចៃដន្យ Brad Pitt ក៏មានគម្រោងទៅចូលរួមមហោស្រពភាពយន្តនៅពេលដូចគ្នាដែរ។ គាត់បានផ្សព្វផ្សាយការងារអំពី assassin Wolfs ដែលសម្តែងជាមួយ George Clooney ។ មិនដូចអតីតភរិយាទេ ភាពយន្តរបស់ Brad មិនមានសម្ពាធក្នុងការប្រកួតប្រជែងទេ។

អ្វីដែលគួរឲ្យចាប់អារម្មណ៍ជាងនេះទៅទៀត គឺពួកគេបានស្នាក់នៅសណ្ឋាគារដដែលឈ្មោះ Cipriani អំឡុងពេលស្នាក់នៅទីក្រុង Venice ។

យ៉ាងណាក៏ដោយ ប្រភពមួយផ្សេងទៀតបានឲ្យដឹងថា ដោយសារស្ថានភាពទំនាក់ទំនងមិនប្រក្រតីរវាងតារាទាំងពីរដួង កាលវិភាគត្រូវបានរៀបចំឡើង ដើម្បីកុំឲ្យពួកគេបង្ហាញខ្លួនក្នុងពិធីបុណ្យក្នុងពេលតែមួយ។ ពួកគេក៏ត្រូវបានរៀបចំមិនឲ្យជួបមុខគ្នាក្នុងសណ្ឋាគារដែរ។

ទោះយ៉ាងណាក៏ដោយ វាពិបាកក្នុងការទស្សន៍ទាយគ្រប់ស្ថានភាពទាំងអស់។ គ្មាននរណាអាចធានាថាមិនបានជួបគ្នាដោយចៃដន្យក្នុងស្ថានភាពមិននឹកស្មានដល់នោះទេ។ ប្រសិនបើវាពិតជាបានកើតឡើងមែននោះ វានឹងក្លាយជាពេលវេលាដ៏ឆ្គាំឆ្គងបំផុតមួយនៅក្នុងហូលីវូដ ហើយក្លាយជាប្រធានបទក្តៅនៅក្នុងកាសែតជាក់េះជាមិនខានឡើយ។

អតីតគូស្នេហ៍មិនដែលបង្ហាញខ្លួនក្នុងព្រឹត្តិការណ៍តែមួយ ចាប់តាំងពីការបែកបាក់របស់ពួកគេក្នុងឆ្នាំ ២០១៦។ Angelina ស្ទើរតែមិនចូលរួមក្នុងព្រឹត្តិការណ៍កម្រាលព្រំក្រហមនៅទីក្រុង Los Angeles ទោះបីជានាងរស់នៅទីនោះជាមួយកូនៗទាំង៦នាក់ក៏ដោយ។ មហោស្រពភាពយន្តទីក្រុង Venice គឺជាលើកទីមួយដែលបានកើតឡើងក្នុងរយៈពេល៨ឆ្នាំ។ ព្រឹត្តិការណ៍នេះគ្រោងនឹងប្រព្រឹត្តទៅចាប់ពីថ្ងៃទី ២៨ ខែសីហាដល់ថ្ងៃទី ០៧ ខែកញ្ញា។

ពីមុនអ្នកទាំងពីរបានរួមគ្នានៅមហោស្រពភាពយន្តទីក្រុង Venice ឆ្នាំ ២០០៧ ដើម្បីគាំទ្រខ្សែភាពយន្តដែលសម្តែងដោយ Brad, The Assassination of Jessie James ដោយ Coward Robert Ford ។

ដោយឡែក កាលពិពេលថ្មីៗនេះទៀតសោត ព័ត៌មាននេះត្រូវបានចេញផ្សាយក្នុងបរិបទដែល Brad Pitt មានបំណងស្តីបន្ទោសអតីតភរិយាចំពោះគ្រោះថ្នាក់ចរាចរណ៍របស់ Pax Thien ដែលតម្រូវឲ្យកូនចិញ្ចឹមវៀតណាមសម្រាកនៅមន្ទីរពេទ្យជាច្រើនថ្ងៃ។ យោងតាមអ្នកជិតស្និទ្ធ លោកក៏ជឿជាក់ថា កូនប្រុសមិនគួរជិះកង់អគ្គិសនីដោយគ្មានមួកសុវត្ថិភាពទេ ហើយគួរតែអង្គុយក្នុងរថយន្តជំនួសវិញ។

បន្ថែមពីលើនេះ ប្រភពបាននិយាយថា Brad បានព្យាយាមទាក់ទង Pax Thien ដើម្បីសួរអំពីស្ថានភាពនេះ ប៉ុន្តែក្មេងជំទង់វ័យ ២១ ឆ្នាំរូបនេះបានបដិសេធមិនលើកទូរស័ព្ទ។ នេះបានធ្វើឲ្យតារាដែលឈ្នះពានអូស្ការសោកស្តាយ និងព្រួយបារម្ភ។

លើសពីនេះ Angelina និង Brad ក៏ស្ថិតក្នុងជម្លោះផ្លូវច្បាប់ដ៏តានតឹងទាក់ទងនឹងទ្រព្យសម្បត្តិរួមរបស់ពួកគេនៅក្នុងប្រទេសបារាំង គឺអចលនទ្រព្យ Château Miraval ។ នៅថ្ងៃទី ១៧ ខែកក្កដា មេធាវី Paul Murphy ក្នុងនាមតារាសម្តែង Maleficent បានចេញឱសានវាទដល់ Brad ដោយសុំឲ្យគាត់លុបចោលពាក្យបណ្តឹងដែលបានបន្តតាំងពីឆ្នាំ ២០២១ ដើម្បីឲ្យគ្រួសារអាចផ្តោតលើដំណើរការព្យាបាលបន្ទាប់ពីការលែងលះ។

លោក Murphy បានសង្កត់ធ្ងន់ថា “លុះត្រាតែលោក Pitt ដកពាក្យបណ្តឹងរបស់គាត់ Angelina គ្មានជម្រើសអ្វីក្រៅតែពីការប្រមូលភស្តុតាងចាំបាច់ ដើម្បីបង្ហាញថាការចោទប្រកាន់របស់គាត់គឺមិនពិត”។ យ៉ាងណា Brad Pitt មិនទាន់មានការឆ្លើយតបជាផ្លូវការចំពោះការព្រមានពីអតីតភរិយារបស់គាត់ទេ។ ប្រភពរបស់ Daily Mail បាននិយាយថា ទៀតថា តារាសម្តែងរូបនេះ ប្តេជ្ញាបន្តការប្តឹងផ្តល់ ហើយថែមទាំងបញ្ចេញមតិថា អតីតភរិយារបស់លោកធ្វើដូច្នេះដែរ ព្រោះលទ្ធភាពនៃការបរាជ័យរបស់នាងមានច្រើន៕