ជីវិតកម្សាន្ដ

IU នៅតែធ្វើសប្បុរសធម៌ មិនខ្វល់ពាក្យចចាមអារ៉ាមបែកគ្នាជាមួយ Lee Jong Suk

បានផុស

៦ ខែ មុន

នៅ

ថ្ងៃសៅរ៍ ៣ សីហា ២០២៤

ដោយ

កាលពីថ្ងៃទី០១ ខែសីហា ការបង្ហោះចោទប្រកាន់គូស្នេហ៍តារារូបនេះបានចែកផ្លូវគ្នាទៅលើបណ្ដាញសង្គម Pann របស់ Nate ដោយអ្នកកាសែតម្នាក់ធ្លាប់បានអះអាងនៅក្នុងអត្ថបទមួយថា IU និង Lee Jong Suk បានចំណាយពេលសម្រាកដោយឡែកពីគ្នា ហើយអ្នកបង្ហោះរូបនេះបានអះអាងថា “អ្នកកាសែតកំពុងនិយាយថា ពួកគេបានបែកគ្នាក្នុងផ្លូវត្រឡប់មកវិញ” ។

ទោះបីជាមានដំណឹងប្រេះឆាយ៉ាងណា តារាចម្រៀងកូរ៉េ IU នៅតែបន្តយកចិត្តទុកដាក់ចំពោះចិត្តសប្បុរសចំពោះអ្នកដែលនៅជុំវិញខ្លួន រួមទាំងបុគ្គលិករបស់នាង។ កាលពីថ្ងៃទី ០២ ខែសីហា បុគ្គលិកមួយចំនួនរបស់តារាចម្រៀងរូបនេះបានចែករំលែកព័ត៌មានថ្មីៗរបស់ SNS ពី Universal Studios Hollywood ដោយសរសេរថា “Yo-ah-jung ជាឈ្មោះដែលអ្នកគាំទ្រដាក់ឲ្យ IU ដែលមានន័យត្រង់ថាពួកគេចូលចិត្តនិងចាត់ទុក IU ជាទេពអប្សរ។

អ្នកគាំទ្រជាច្រើនជឿថា សមាជិកក្រុម រួមទាំងបុគ្គលិកបានថ្លែងអំណរគុណដល់ IU សម្រាប់ការចេញថ្លៃសំបុត្រចូលទស្សនា Universal Studios អំឡុងពេលដំណើរទេសចរណ៍នៅអាមេរិកខាងជើងរបស់នាង។ ដែលជារឿយៗនាងតែងតែមានទម្លាប់ចាយលុយរបស់ខ្លួនលើមនុស្សជុំវិញ ដើម្បីជាការសងគុណដល់ពួកគេដែលបានខិតខំធ្វើការងារជាមួយគ្នាកន្លងមក។

អ្នកលេងអ៊ីនធឺណិតបានបញ្ចេញមតិថា ជាទម្លាប់ IU តែងតែធ្វើបែបនេះដាក់បុគ្គលិកខ្លួនឯងរួមទាំងសមាជិកក្រុមរបស់នាង។ ពេលនេះនាងពិតជាសក្តិសមជាតារាល្បីលំដាប់ទី១ ដែលមានចិត្តសប្បុរសចំពោះមនុស្សជុំវិញខ្លួន។ ប៉ុន្តែនេះក៏បង្ហាញថា ទោះបីជាឥលូវនាងកំពុងលេចឮនូវពាក្យចចាមអារ៉ាមថាបែកគ្នាជាមួយមិត្តប្រុស តារាចម្រៀងកូរ៉េនៅតែធ្វើល្អដោយមិនខ្វល់ឡើយ។

យ៉ាងណាមិញ ងាកទៅកាន់អ្នកលេងអ៊ីនធឺណិតមួយចំនួនទៀតក្រោយបានឮដំណឹងបែកបាករបស់អ្នកទាំងពីរពួកគេបានចូលមកបញ្ចេញមតិថា គូនេះមើលទៅល្អជាមួយគ្នាណាស់ IU ក៏មិនគិតថា Lee Jong Suk នឹងបែកគ្នាជាមួយនាងដែរ។ យ៉ាងណាអ្នកគាំទ្រ មានក្ដីសង្ឃឹមថាពួកគេនឹងឈានដល់ថ្ងៃមង្គលការជាកជាមិនខានឡើយ៕