ហ្វេន​ៗប្រជែងគ្នាទិញសំបុត្រប្រគំ​តន្ត្រី​​​យ៉ាងខ្លាំងក្លា ក្រោយ 2NE1 បើកលក់​​មិនកំណត់ឡើយ​

ផលិតកម្ម YG Entertainment បានប្រកាសព័ត៌មាន និងបង្ហាញពីផ្ទាំងរូបភាពសំខាន់សម្រាប់ “2024 2NE1 CONCERT [WELCOME BACK] IN SEOUL” ដែលនឹងប្រព្រឹត្តទៅនៅថ្ងៃទី ០៥ និង ០៦ ខែតុលា នៅសាលអូឡាំពិក ក្នុងឧទ្យានអូឡាំពិក ទីក្រុងសេអ៊ូល។ ស្របពេលដែលផ្ទាំងរូបភាព​ បានបង្ហាញពីអារម្មណ៍អាឡោះអាល័យក្នុងក្រុមនាកំឡុងសម័យកាលរបស់ពួកគេ ជាពិសេសនោះគឺបទចម្រៀងល្បីមួយរបស់ 2NE1 ក្រោមចំណងជើងថា UGLY ធ្លាប់ធ្វើឲ្យអ្នកគាំទ្ររំភើបចិត្តយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ ខុសពីការប្រគំតន្ត្រីមុនៗ ព្រឹត្តិការណ៍នេះមិនមានការលក់ជាមុនទេ ដែលអនុញ្ញាតអ្នកណាម្នាក់អាចទិញសំបុត្របានដោយសេរី ដែលរំពឹងថា នឹងមានការប្រកួតប្រជែងខ្លាំងជាងមុនទ្វេរដងទៀត។ ទីលានអូឡាំពិក មានទំហំប្រហែល៣,០០០កៅអី ដែលនាំឲ្យមានការបញ្ចេញមតិដ៏គួរឲ្យអស់សំណើចក្នុងចំណោមអ្នកគាំទ្រអំពី ការមើលស្រាល នៃទំហំសម្រាប់ក្រុមចម្រៀងនារី K-pop ដ៏ល្បីល្បាញ 2NE1 ដែលកំពុងជួបជុំគ្នាឡើងវិញសម្រាប់ការប្រគំតន្ត្រីពេញមួយបន្ទាប់ពីប្រហែល ១០ ឆ្នាំ ៦ ខែ។

ផលិតកម្ម YG Entertainment បាននិយាយថា «​ដើម្បីបង្កើតពិធីដ៏អស្ចារ្យសម្រាប់អ្នករាល់គ្នា ទាំង 2NE1 និងបុគ្គលិក កំពុងខិតខំប្រឹងប្រែងអស់ពីសមត្ថភាព។ យើងបានដាក់ឈ្មោះផ្នែកឈរ BLACK និង JACK ដែលបំផុសគំនិតដោយឈ្មោះផ្លូវការរបស់ 2NE1 គឺ Blackjack ។ យើងសង្ឃឹមថារឿងនេះ ការ​ប្រគំ​តន្ត្រី​នឹង​ក្លាយ​ជា​អនុស្សាវរីយ៍​ពិសេស​សម្រាប់​អ្នក​គាំទ្រ»។

ទន្ទឹមនឹងនេះ បន្ទាប់ពីការសម្តែងនៅទីក្រុងសេអ៊ូលនៅថ្ងៃទី ០៥ និងទី ០៦ ខែតុលា ក្រុម 2NE1 នឹងបន្តដំណើរទេសចរណ៍របស់ពួកគេនៅ Kobe World Hall ក្នុងប្រទេសជប៉ុន នៅចុងខែវិច្ឆិកា និងនៅ Ariake Arena ទីក្រុងតូក្យូនៅដើមខែធ្នូទៀតផង។

លើសពីនេះត ពួកគេមានគម្រោងពង្រីកដំណើរទេសចរណ៍ជាសាកលរបស់ពួកគេបន្ថែមទៀតនៅឆ្នាំក្រោយ ដោយផ្តល់ឱកាសកាន់តែច្រើន​ ដើម្បីភ្ជាប់ទំនាក់ទំនងជាមួយអ្នកគាំទ្រជុំវិញពិភពលោក៕

អត្ថបទ៖ សាង ស្រីល័ក្ខ

ចុចអាន៖IU នៅតែធ្វើសប្បុរសធម៌ មិនខ្វល់ពាក្យចចាមអារ៉ាមបែកគ្នាជាមួយ Lee Jong Suk