Mint និងគូស្នេហ៍ណាត់គ្នាញុំាអាហារពេលល្ងាចយ៉ាងរ៉ូមែនទិក អាចទេថាជិតមានដំណឹងល្អ?

ផ្អែមល្ហែមមិនចេះចប់ទេចំពោះគូតារាសម្ដែងថៃជួរមុខនាង Mint Chalida និងមិត្តប្រុសសេដ្ឋីហៃសូលោក Pupaa ព្រោះកាល​ពី​ប៉ុ​ន្មា​ន​ថ្ងៃកន្លងទៅ អ្នកទាំងពីរទើបបានដើរលេងសាងភាពស្អិតរមួតជាមួយគ្នា អបអរខួបស្នេហារយៈពេល៩ឆ្នាំ។

ដោយឡែកកន្លងទៅមិនបានប៉ុន្មានផង ថ្មីៗនេះ Mint និង Pupaa បានធ្វើឲ្យគេចាប់អារម្មណ៍ខ្លាំងជាថ្មីម្ដងទៀត បន្ទាប់ពីគូនេះបាន​នាំ​គ្នាទៅញុំាអាហារពេលល្ងាចសាងភាពផ្អែមល្ហែមតែពីរនាក់នៅទីទំនើបមួយកន្លែងយ៉ាងរ៉ូមែនទិកបំផុត នឹងបានថត​រូបគូជាច្រើ​ន​ស្លឹក​បង្ហោះអួតអ្នកគាំទ្រ ថែមទាំងមានបាច់ផ្កាមួយបាច់យ៉ាងស្រស់ស្អាតនៅក្នុងដៃទៀតផង។

នៅក្នុងពេលនោះ Mint និងគូស្នេហ៍សុទ្ធតែបានរៀបចំខ្លួនស្រស់ស្អាតមិនចាញ់គ្នាទេ ហើយទិដ្ឋភាពនាពេលនោះក៏​បានធ្វើឲ្យ​ម​នុ​ស្ស​ជាច្រើនគិតថា តើរវាងអ្នកទាំងពីរអាចនឹងជិតមានដំណឹងល្អដែរឬទេ? បើពិតគេក៏ត្រេកអរខ្លាំង ព្រោះ Mint និងមិត្តប្រុស​ក៏ស្រ​លា​ញ់គ្នា​យូរឆ្នាំគួរសមដែរ ហើយនៅក្នុងខួបស្នេហា៩ឆ្នាំកាលពីពេលកន្លងទៅ គេចាប់អារម្មណ៍ឃើញមានចិញ្ចៀនគូ​នៅលើដៃរ​ប​ស់​ពួកគេ ហាក់ដូចជាអ្នកទើបភ្ជាប់ពាក្យរួចថ្មីៗយ៉ាងអញ្ចឹង៕

អត្ថបទផ្ដល់ដោយ៖ Porman

ចុចអាន៖គិតត្រឹមចុងខែ២! តារាថៃទាំង ១០រូបនេះ មានសន្ទុះគាំទ្រខ្លាំងពីអ្នកគាំទ្រ ទាំងក្នុងនិងក្រៅប្រទេស

ចុចអាន៖កូវីដមិនជាបញ្ហា Piyawadee និង MaWin ទើបទិញវីឡាស្កឹមស្កៃជាមួយគ្