ជីវិតកម្សាន្ដ
Rain ត្រូវបង្ខំចិត្តហាត់ប្រាណខ្លាំងៗរាល់ថ្ងៃដើម្បីចៀសឆ្ងាយពីជំងឺតំណពូជធ្លាប់ឆក់ជីវិតម្ដាយ
តារាសម្តែងកូរ៉េខាងត្បូង Rain ឬទស្សនិកជនកម្ពុជាស្គាល់ថា លី យុងជេ តាមការឲ្យដឹងពីប្រភពជិតស្និតបានទម្លាយថា តាមពិតទៅលោកបានប្តេជ្ញាចិត្តជាង២០ ឆ្នាំមកហើយ ក្នុងការធ្វើលំហាត់ប្រាណខ្លាំងៗដើម្បីទទួលបានជោគជ័យក្នុងអាជីព ហើយជាពិសេសទៀតនោះគឺដើម្បីការពារជំងឺទឹកនោមផ្អែម ដែលជាឃាតកឆក់យកជីវិតម្តាយរបស់លោកតាំងពីនៅតូច។
ថ្លែងនៅថ្ងៃទី ០២ ខែសីហា ក្នុងបទសម្ភាសន៍ជាមួយ Spotv News អំពីការវិលត្រឡប់របស់ខ្លួនទៅទូរទស្សន៍ក្នុងរឿង “Red Swan” តារាប្រុសពេញដោយសាច់ដុំពេញខ្លួនបានសង្កត់ធ្ងន់លើការប្តេជ្ញាចិត្តរបស់គាត់ចំពោះកាយសម្បទា។
![](https://www.kampucheathmey.com/wp-content/uploads/2024/08/image-366.png)
តារាសម្ដែវ័យ៤២ឆ្នាំរូបនេះបាននិយាយថា «ខ្ញុំហាត់ប្រាណប្រហែលមួយម៉ោងជារៀងរាល់ថ្ងៃ ដោយមិនសម្រាក។ ឆ្អឹងខ្ចីជង្គង់ខាងឆ្វេងរបស់ខ្ញុំស្ទើរតែអស់ទៅហើយ ប៉ុន្តែបន្ទាប់ពីស្វែងរកជំនួយពីគ្រូពេទ្យដំបូង ខ្ញុំបានកសាងសាច់ដុំដើម្បីយកឈ្នះលើបញ្ហានេះ ដែលធ្វើឲ្យវាកាន់តែមានផាសុកភាព។ ឥឡូវនេះខ្ញុំមានអារម្មណ៍ស្រួលជាងទាំងនៅលើឆាក និងពេលសម្ដែងបើធៀបនឹងយុវវ័យរបស់ខ្ញុំ»។
បន្ថែមពីនេះទៀត Rain បានរៀបរាប់ថា គ្រួសារគាត់ជំរុញឲ្យទម្លាប់ហាត់ប្រាណប្រចាំថ្ងៃ។ នោះក៏ដោយសារតែជំងឺហ្សែននៅក្នុងគ្រួសារដែលម្តាយរបស់លោកបានស្លាប់ដោយសារជំងឺទឹកនោមផ្អែម។ បន្ទាប់ពីម្តាយបានទទួលមរណភាព តារាសម្ដែង-ចម្រៀងរូបនេះ បានសន្យាខ្លួនឯងថា ប្រសិនបើរូបគេមានកូន លោកធានាថាគ្មានអ្វីកើតឡើងចំពោះកូនៗនោះទេ។ ប៉ុន្តែប្រសិនបើលោកនៅតែឯងអាចខ្ជិលហាត់ប្រាណ នេះក៏ដោយសារតែខ្លួនមានគ្រួសារ ទើបត្រូវមានវិន័យប្រចាំខ្លួនជានិច្ច។
លោកបានគូសបញ្ជាក់ថា ជំងឺមួយនេះបានប៉ះពាល់ដល់គ្រួសារទាំងមូល «ខ្ញុំបានមើលថែម្តាយរបស់ខ្ញុំជាយូរមកហើយ។ ខ្ញុំហាត់ប្រាណច្រើនដើម្បីកុំឲ្យក្លាយជាបន្ទុកដល់គ្រួសារខ្ញុំនិងមានសុខភាពល្អ»។
Jung Ji Hoon ដែលត្រូវបានគេស្គាល់ថាជា Rain គឺជាតារាសម្តែងកូរ៉េខាងត្បូងដ៏ល្បីមួយរូប ហើយត្រូវបានសាទរចំពោះការងាររបស់គាត់ក្នុងវិស័យភាពយន្ត ទូរទស្សន៍ និងតន្ត្រី។ ថ្មីៗនេះគាត់ទទួលបានការចាប់អារម្មណ៍សម្រាប់តួនាទីរបស់គាត់នៅក្នុងរឿង “Red Swan” ជាមួយតារាសម្តែងកូរ៉េខាងត្បូង Kim Ha Neul ។
ដោយឡែក យោងតាមគេហទំព័រ Lifestyle Asia បានឲ្យដឹងថា Rain បានចាប់ផ្តើមស្នេហាជាមួយភរិយារបស។គាត់គឺ Kim Tae Hee ក្នុងឆ្នាំ ២០១៣ ហើយរៀបការជាមួយនាងក្នុងឆ្នាំ ២០១៧។ ក្រោយមក ពួកគេមានកូនពីរនាក់ គឺកើតនៅឆ្នាំ ២០១៧ និង ២០១៩។ បុរសសង្ហាលេចមុខក្នុងវិស័យ kpop ដំបូងគេនេះត្រូវបានគេរាយការណ៍ថា ជាតារាល្បីម្នាក់ក្នុងចំណោមតារាល្បីដែលរកចំណូលបានច្រើនជាងគេរបស់កូរ៉េខាងត្បូង ជាមួយនឹងទ្រព្យសម្បត្តិប្រហែល ២០ លានដុល្លារអាមេរិកឯណោះ៕
![](https://www.kampucheathmey.com/wp-content/uploads/2024/08/image-364.png)
អត្ថបទ៖ សាង ស្រីល័ក្ខ
ចុចអាន៖IU ម៉ៅផ្ដាច់កៅអី VIP លើយន្តហោះអាមេរិក ឲ្យបុគ្គលិកជាង ១០០ នាក់ ជិះទៅកូរ៉េវិញយ៉ាងរំភើយ
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៥ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៦ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៤ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ២ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៣ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានអន្ដរជាតិ១ សប្តាហ៍ ago
មនុស្សរាប់ម៉ឺននាក់នៅភាគខាងត្បូងមីយ៉ាន់ម៉ា ត្រូវជម្លៀស ព្រោះទឹកជំនន់វាយប្រហារ
-
ព័ត៌មានជាតិ៧ ថ្ងៃ ago
យុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន