ជីវិតកម្សាន្ដ
សមាគមសិល្បករខ្មែរ នឹងរៀបចំកម្មវិធី «ស្នាមញញឹមនៃកម្ពុជា» ៣ ថ្ងៃពេញលើទឹកដីខេត្តសៀមរាប ដើម្បីផ្សព្វផ្សាយទេសចរណ៍
ក្រោមការដឹកនាំរបស់លោកជំទាវអ្នកឧកញ៉ា ម៉ៅ ចំណាន សមាគមសិល្បករខ្មែរ គ្រោងនឹងរៀបចំកម្មវិធី «ស្នាមញញឹមនៃកម្ពុជា» រយៈពេល ៣ថ្ងៃពេញ ចាប់ពីថ្ងៃទី១៣ ដល់ថ្ងៃទី១៥ ខែសីហា ខាងមុខនេះ នៅលើទឹកដីខេត្តសៀមរាប ក្នុងគោលបំណងដើម្បីចូលរួមផ្សព្វផ្សាយពីទេសចរណ៍។
![](https://www.kampucheathmey.com/wp-content/uploads/2024/08/454315868_906386788200509_8528879641747339488_n-1024x833.jpg)
នៅក្នុងកិច្ចប្រជុំដែលរៀបចំឡើងនារសៀលថ្ងៃទី៦ ខែសីហា ឆ្នាំ២០២៤ ម្សិលមិញនេះ លោកជំទាវអ្នកឧកញ៉ា ម៉ៅ ចំណាន បានបង្ហាញនូវមោទនភាព ចំពោះថ្នាក់ដឹកនាំ និងក្រុមការងារសមាគមទាំអស់ ដែលលះបង់កម្លាំកាយចិត្ត ពេលវេលា ចូលរួមដឹកនាំ និងអនុវត្តតួនាទី ភារកិច្ចផ្សេងៗរបស់សមាគមរហូតមកប្រកបដោយស្មារតីទទួលខុសត្រូវខ្ពស់បំផុត ដើម្បីបុព្វហេតុវិស័យសិល្បៈវប្បធម៌ ក៏ដូចជាសកម្មភាពសប្បរសធម៌នានា និងការងារសង្គមជាច្រើន ក្នុងនាមសមាគមសិល្បករខ្មែរ។
លោកជំទាវអ្នកឧកញ៉ា ម៉ៅ ចំណាន បានអះអាងថា «កម្មវិធី “ស្នាមញញឹមនៃកម្ពុជា” ដែលគ្រោងរៀបចំនៅលើទឹកដីដ៏បវរនៃខេត្តសៀមរាប ជាសក្ខីភាពបន្ថែមទៀតបង្ហាញពីការចូលរួមរបស់សមាគមសិល្បករខ្មែរ ដែលមិនត្រឹមតែយកចិត្តទុកដាក់ចូលរួមក្នុងវិស័យសិល្បៈវប្បធម៌ប៉ុណ្ណោះទេ ប៉ុន្តែសមាគមក៏បានគិតគួរដោយផ្សារភ្ជាប់ចូលរួមក្នុងវិស័យទេសចរណ៍ផងដែរ»។
![](https://www.kampucheathmey.com/wp-content/uploads/2024/08/454648646_906387828200405_5902197198401774641_n-1024x772.jpg)
មិនតែប៉ុណ្ណោះ នេះគឺជាការអនុវត្តតាមផែនការសកម្មភាពរបស់សមាគម ដែលកន្លងមកតាមរយៈផែនការសកម្មភាពទាំងនោះហើយ បានក្លាយជាផែនទីចង្អុលផ្លូវសម្រាប់សមាគមសិល្បករខ្មែរប្រតិបត្តិតាមប្រកបដោយប្រសិទ្ធភាព និងសក្ដិសិទ្ធិភាពលើការចូលរួមជួយដល់សង្គមជាតិ លើកិច្ចការងារក្នុងវិស័យវប្បធម៌ ហើយពេលនេះយើងក៏បានចូលរួមលើវិស័យទេសចរណ៍បន្ថែមទៀត ដែលត្រូវបានចាត់ទុកថា ជាឧស្សាហកម្មគ្មានផ្សែង និងជាការនាំចេញនៅនឹងកន្លែងនោះ។
![](https://www.kampucheathmey.com/wp-content/uploads/2024/08/454462756_906387788200409_60645820023667030_n-1024x869.jpg)
ដដែលនោះ លោកជំទាវអ្នកឧកញ៉ាប្រធានសមាគម បានប្រកាសជំហរចូលរួមជាមួយនឹងក្រុមប្រឹក្សាភិបាល ក៏ដូចជាក្រុមការងារពាក់ព័ន្ធទាំងអស់ដើម្បីធ្វើយ៉ាងណាឱ្យផែនការសកម្មភាពផ្សព្វផ្សាយពីទេសចរណ៍តាមរយៈកម្មវិធី«ស្នាមញញឹមនៃកម្ពុជា» ប្រព្រឹត្តទៅបានរលូន ស្របតាមអនុសាសន៍ណែនាំរបស់ថ្នាក់ដឹកនាំរាជរដ្ឋាភិបាលផង និងបង្ហាញពីការប្ដេជ្ញាចិត្តរបស់សមាគមចូលរួមក្នុងកិច្ចការជួយសង្គមជាតិផងដែរ។ ជាពិសេស ការគាំទ្ររបស់ក្រសួងវប្បធម៌ និងវិចិត្រសិល្បៈមកលើសមាគមសិល្បករខ្មែរ ដោយបានអនុញ្ញាតឱ្យសមាគមបានរៀបចំកម្មវិធីដ៏មានសារៈសំខាន់នេះនៅលើទីតាំងដ៏សមរម្យផងដែរ៕
អត្ថបទ៖ ថារី
![](https://www.kampucheathmey.com/wp-content/uploads/2024/08/454480284_906387281533793_4102447300992714061_n-1024x683.jpg)
![](https://www.kampucheathmey.com/wp-content/uploads/2024/08/454527483_906386801533841_2273657146929924828_n-1024x683.jpg)
![](https://www.kampucheathmey.com/wp-content/uploads/2024/08/454352320_906386851533836_1027687935154059058_n-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៥ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៦ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៤ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ២ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៣ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានអន្ដរជាតិ១ សប្តាហ៍ ago
មនុស្សរាប់ម៉ឺននាក់នៅភាគខាងត្បូងមីយ៉ាន់ម៉ា ត្រូវជម្លៀស ព្រោះទឹកជំនន់វាយប្រហារ
-
ព័ត៌មានជាតិ៧ ថ្ងៃ ago
យុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន