ជីវិតកម្សាន្ដ
Hyeri ទ្រហោយំ ក្រោយត្រូវអ្នកសារព័ត៌មានជជីកសួរភាពយន្តថ្មីគ្រោងចាក់បញ្ចាំង
ភាពយន្តថ្មីក្រោមចំណងជើងថា ‘Victory’ ដឹកនាំដោយ Park Beom Soo និងបានប្រារព្ធឡើងនៅ CGV Yongsan I’Park Mall តំបន់ Yongsan-gu ទីក្រុងសេអ៊ូល កាលពីថ្ងៃទី ០៥ ខែសីហា ព្រមទាំងមានការចូលរួមពីតារាសម្ដែង Hyeri, Park Se Wan, Lee Jung Ha, Jo A Ram យ៉ាងច្រើនកុះករ។
ទោះបីយ៉ាងណា អំឡុងពេលសន្និសីទសារព័ត៌មាន តារាសម្ដែងស្រីវ័យ៣០ឆ្នាំ ស្រាប់តែយកដៃបិទមុខនិងសម្រកទឹកភ្នែកភ្លាមៗ ខណៈពេលកំពុងស្តាប់អ្នកកាសែតសួរសំណួរពាក់ព័ន្ធនឹងភាពជោគជ័យនៃភាពយន្តមួយនេះ។ បន្ទាប់ពីស្ងប់ស្ងាត់មួយសន្ទុះ នាងបានពន្យល់ថា វាហាក់ដូចជាអ្នកយល់ច្បាស់ពីអ្វីដែលយើងចង់បង្ហាញ ដោយបង្ហាញពីហេតុផលដែលធ្វើឲ្យនាងស្រក់ទឹកភ្នែក។
Hyeri បានបង្ហាញពីក្តីស្រលាញ់ដ៏ពិសេសរបស់នាងចំពោះគម្រោងនេះ ដោយនិយាយថា “ខ្ញុំមិនដែលយំពេលកំពុងអានស្គ្រីបនេះតែម្នាក់ឯងទេ ប៉ុន្តែក្នុងអំឡុងពេលអានតួអង្គទាំងអស់ដែលបង្កប់នូវចរិតម្នាក់ៗរបស់ពួកគេធ្វើឲ្យខ្ញុំមានអារម្មណ៍រំជើបរំជួលដល់កម្រិតដែលខ្ញុំស្ទើរតែមិនអាចបន្តអានបានទៀត”។
តារាចម្រៀងនិងសម្ដែងរបស់ប្រទេសកូរ៉េបាននិយាយបន្ថែមទៀតថា ក្នុងពេលដែលទស្សនិកជនជាច្រើនកំពុងតែរង់ចាំការចេញផ្សាយភាពយន្តនេះ យើងខ្ញុំសង្ឃឹមថានឹងផ្តល់ការលើកទឹកចិត្តដល់អ្នកទស្សនា ធ្វើឲ្យពួកគេមានអារម្មណ៍ថា បានត្រឡប់ទៅសម័យកាលនោះវិញ។ ក្នុងនោះផងដែរ Hyeri បានចំណាយពេលខ្លាំង ទាំងការសម្ដែង និងការបញ្ចូលអារម្មណ៍ក្នុងនាមជាតួអង្គស្រីដែលជម្នះនូវការលំបាក ហើយតួអង្គPil Seonគឺជាតួនាទីដ៏លំបាកមួយសម្រាប់រូបនាងផ្ទាល់។ មកដល់ពេលនេះនាងពិតជាមានការកោតសរសើពីទឹកចិត្ត និងភាពស្លូតបូតរបស់តួស្រីយ៉ាងខ្លាំង។ដែលនេះគឺជាមូលហេតុដែលធ្វើឲ្យនាងយំពេលនឹកដល់តួដែលខ្លួនបានសម្ដែង។
សូមបញ្ចាក់ដែរថា ‘Victory’ ជាភាពយន្តដ៏កក់ក្តៅ និងលើកទឹកចិត្តសម្រាប់គ្រប់វ័យ ហើយក៏គ្រោងនឹងចាក់បញ្ចាំងនៅគ្រប់រោងភាពយន្តទូទាំងប្រទេសនៅថ្ងៃទី ១៤ ខែសីហា។ ភាពយន្តមួយនេះប្រាប់ពីរឿងរ៉ាវររបស់ក្មេងស្រីសហស្សវត្សរ៍ ដែលជាក្លឹបលើកទឹកចិត្តពោរពេញដោយចំណង់ចំណូលចិត្ត ប៉ុន្តែខ្វះបទពិសោធន៍ ដែលធ្វើឲ្យអ្នកគ្រប់គ្នារីករាយជាមួយនឹងរបាំ និងចម្រៀងដ៏រំភើប។
នៅក្នុងខ្សែភាពយន្តមួយនេះ Hyeri ដើរតួជាឈ្មោះ Pil Seon ដែលជាអ្នករាំដ៏ប៉ិនប្រសប់។ Pil Seon គឺជាសិស្សវិទ្យាល័យមួយរូបដែលបានគ្រប់គ្រងលើកោះ Geoje ជាមួយនឹងការរាំរបស់នាង និងសុបិនចង់ផ្លាស់ទៅទីក្រុងសេអ៊ូលដើម្បីក្លាយជាអ្នករាំអាជីព។ ចរិតរបស់នាងពោរពេញដោយភាពជឿជាក់ និងមន្តស្នេហ៍ដ៏ក្លាហាន ដែលជំរុញដោយចំណង់ចំណូលចិត្តរបស់នាងក្នុងការសម្រេចគោលដៅនាថ្ងៃខាងមុខ៕
អត្ថបទ៖ សាង ស្រីល័ក្ខ
ចុចអាន៖Rain ត្រូវបង្ខំចិត្តហាត់ប្រាណខ្លាំងៗរាល់ថ្ងៃដើម្បីចៀសឆ្ងាយពីជំងឺតំណពូជធ្លាប់ឆក់ជីវិតម្ដាយ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា