ជីវិតកម្សាន្ដ

ផន ស្រីពី តំណាងកម្ពុជាចូលរួមប្រកួត Miss Intercontinental 2024

បានផុស

២ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

ទីបំផុតកញ្ញា ផន ស្រីពី អតីតបេក្ខភាព Miss Grand Cambodia 2024 ត្រូវបានជ្រើសរើសឲ្យក្លាយទៅជាបវរកញ្ញាតំណាងប្រទេសកម្ពុជាដើម្បីចូលរួមក្នុងកម្មវិធី Miss Intercontinental 2024 នាពេលខាងមុខឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ជាផ្លូវការរបស់ស្ថាប័ន Miss Inter continental Cambodia 2024 បានឲ្យដឹងនៅព្រឹកថ្ងៃទី០៧ ខែសីហា នេះថា កញ្ញា « Sreypi-ស្រីពី »មកពីទីក្រុងភ្នំពេញនៃព្រះរាជាណាចក្រកម្ពុជាគឺ កញ្ញានឹងក្លាយជាអ្នកតំណាងឲ្យប្រទេសកម្ពុជាចូលរួមប្រកួតក្នុងកម្មវិធី Miss Intercontinental 2024។

ស្ថាប័ន Miss Intercontinental Cambodia 2024 ដដែលនេះបានបន្ថែមថា ការជ្រើសរើសនេះដោយសារមើលឃើញថា កញ្ញា ផន ស្រីពី មានសមត្ថភាព និងទេពកោសល្យយ៉ាងខ្លាំងក្លាក្នុងការតំណាងឲ្យប្រទេសកម្ពុជាដែលជាទឹកដីដ៏អច្ឆរិយមួយនេះក្នុងការចេញទៅប្រកួតនៅលើឆាកអន្តរជាតិ។

កញ្ញា ផន ស្រីពី មានអាយុ ២២ឆ្នាំ កម្ពស់ 1.74cm ជានិស្សិតឆ្នាំទី៣ នៅសកលវិទ្យាល័យជាតិគ្រប់គ្រង បច្ចុប្បន្ន ស្រីពី ជាគ្រូបង្វឹកGym និងជា Business ownerទៀតផង។

បវរកញ្ញារូបនេះមានសមត្ថភាពអាចនិយាយបាន៣ភាសាយ៉ាងស្ទាត់ជំនាញ គឺភាសាខ្មែរ អង់គ្លេស និង ថៃ។ កន្លងមកក្នុងនាមជាតារាម៉ូដែលអាជីព និងរាជិនីសម្រស់ក្តីសុបិន្តរបស់ ស្រីពី គឺក្លាយ ទៅជាអ្នកតំណាងកម្ពុជានៅលើឆាកអន្តរជាតិ។

ផន ស្រីពី ធ្លាប់ឆ្លងកាត់ការប្រកួត ៣ លើក មកហើយ រួមមាន៖ Mr & Miss Cambodia Korawin 2018 ,Freshie Girl 2019 ដោយនាងទទួលបានចំណាត់ថា្នក់ Top10។ លុះឆ្នាំ២០២៤ នាងសម្រេចក្តីស្រមៃមួយទៀតដោយដណ្តើមបានមកុដ Miss Grand KampongCham 2024 នៃកម្មវិធី Miss Grand Cambodia 2024៕

អត្ថបទ៖ ចាន់រ៉ា