ជីវិតកម្សាន្ដ

ស្លុតចិត្ត ! ត្រឹម ២ ឆ្នាំ សឿ សុធារ៉ា បាត់បង់មនុស្សជាទីស្រលាញ់ ៣ នាក់

បានផុស

៦ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

តារាសម្តែងអ្នកនាង សឿ សុធារ៉ា បាននិងកំពុងមានទុក្ខដ៏ក្រៀមក្រំ និងសោកសៅជាទីបំផុត ខណៈបងស្រីជាទីស្រលាញ់របស់នាងបានទទួលមរណភាពគួរឲ្យសោកស្ដាយជាពន់ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សឿ សុធារ៉ា បានរៀបរាប់ទាំងសោកសៅដូច្នេះថា «បងស្រីជាទីអភ័ព្វរបស់នាងខ្ញុំ ប្អូនខំទន្ទឹងរង់ចាំគេងអង្គុយ ដើម្បីចាំបងស្រីទទួលការវះកាត់របស់លោកគ្រូពេទ្យអ្នកគ្រូពេទ្យជំនាញខាងជំងឺបងស្រីរបស់នាងខ្ញុំដោយយកចិត្តទុកដាក់ តែអកុសលកម្មអ្វី គ្រាន់តែចូលដល់កន្លែងបូមទឹកក្នុងសួតចេញទើបលោកគ្រូពេទ្យ និងអ្នកគ្រូពេទ្យងាយស្រួលក្នុងការដាក់ថ្នាំសណ្តំ ដើម្បីធ្វើការវះកាត់ដុំគីសនៅឆ្អឹង.ក សុធារី បានដោយសុវត្ថិភាព»។

អ្នកនាង សឿ សុធារ៉ា និយាយទៀតថា «ប៉ុន្តែគ្នាគ្រាន់តែឃើញម្ជុលបូមយកទឹកក្នុងសួតចេញប្រវែង ១ ចង្អាម គ្នាភ័យ បេះដូងឡើងដល់ ១៦០ ហើយក៏គាំងបេះដូងស្លាប់តែម្ដង ខ្ញុំថារឿងនេះគឺជាមហាកម្មក្រាស់របស់ខ្ញុំតែម្ដង ខ្ញុំខ្លាចណាស់ៗ ២ ឆ្នាំ ត្រូវបាត់បង់មនុស្សជាទីស្រលាញ់ដឹងគុណអស់ ៣ នាក់ តើនរណាទទួលយកបានទៅបងប្អូនទាំងអស់គ្នា ជួយពន្យល់ប្រាប់នាងខ្ញុំផង»។

តាមរយៈដំណឹងនេះក៏មានសិល្បករ-សិល្បការិនី ព្រមទាំងមហាជនអ្នកគាំទ្រមួយចំនួន បានផ្ញើសារចូលរួមរំលែកទុក្ខដ៏ក្រៀមក្រំ និងបង្ហាញក្តីអាណិតអាសូរដល់ អ្នកនាង សឿ សុធារ៉ា ផងដែរ៕

អត្ថបទ ៖ ចាន់រ៉ា