ជីវិតកម្សាន្ដ

ក្រោយ SUGA បំពានច្បាប់ដល់ថ្នាក់ជួបគ្រោះថ្នាក់ចរាចរណ៍ មហាជនមិនពេញចិត្ត Big Hit ដែលបិទបាំងការពិត

បានផុស

៨ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

កាលពីថ្ងៃទី ០៧ ខែសីហា ប៉ុស្តិ៍ប៉ូលិស Yongsan ក្នុងទីក្រុង Seoul បានរាយការណ៍ថា SUGA បានបំពានច្បាប់ចរាចរណ៍ផ្លូវគោក ខណៈមន្ត្រីដើរល្បាតនៅជិតការិយាល័យប្រធានាធិបតីបានប្រទះឃើញសមាជិកក្រុម BTS រូបនេះស្រវឹងជោគជាំដេកដួលលើដី។

ទោះបីជាបែបនេះក្ដី ទាំង SUGA និងទីភ្នាក់ងារ Big Hit Music បានទទួលស្គាល់ឧបទ្ទវហេតុនេះ ប៉ុន្តែការឆ្លើយតបរបស់ពួកគេ មិនបានធ្វើឲ្យមហាជនស្រាកស្រានចិត្តឡើយ តែបែរជាបង្កឲ្យមានភាពចម្រូងចម្រាសពាសពេញប្រទេសកូរ៉េខាងត្បូងទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយពាំនាំពាក្យរបស់ SUGA ផលិតកម្ម Big Hit បានធ្វើសេចក្ដីថ្លែងការថា តារាចម្រៀងវ័យ៣១ឆ្នាំ មិនដឹងខ្លួនថាវាជាការខុសច្បាប់ក្នុងការប្រើប្រាស់ម៉ូតូស្កូតឺឬ Electric Scooter ខណៈពេលដែលខ្លួនគេកំពុងស្ថិតនៅក្រោមឥទ្ធិពលស្រវឹង។ ក្នុងនោះខាងទីភ្នាក់ងារបានសង្កត់ធ្ងន់ថា មិនមានការខូចខាតទ្រព្យសម្បត្តិ ឬគ្រោះដ្នាក់ធ្ងន់ធ្ងរណាមួយកើតឡើងនោះទេ។ នេះក៏ដោយសារតែរូបលោកបានពាក់មួកសុវត្ថិភាពយ៉ាងត្រឹមត្រូវបំផុត។

ថ្វីដ្បិតតែទាំងនេះគឺជាការបកស្រាយជំនួស SUGA យ៉ាងណាក្ដី ក៏ប៉ុន្តែភាពចម្រូងចម្រាសកាន់តែផុងជ្រៅទៅដោយសារតែប្រយោគដែលប្រើប្រាស់ដោយសមាជិកក្រុម BTS និង Big Hit Music ដោយសំដៅលើយានជំនិះថា វាគ្រាន់តែជាយានអគ្គិសនីឬ Electric Scooter ប៉ុណ្ណោះ។

ទន្ទឹមនោះទៀតសោត ប៉ូលិសបានបញ្ជាក់ថា យានជំនិះដែល SUGA ប្រើមានកៅអីដោយគេបានចាត់ថ្នាក់ថា ជាម៉ូតូអេឡិចត្រូនិកក្រោមច្បាប់ចរាចរណ៍ដែលអនុវត្តច្បាប់ធ្ងន់ធ្ងរជាង។ ជាពិសេសច្បាប់ក្នុងប្រទេសកូរ៉េខាងត្បូង សម្រាប់អ្នកដែលប្រើប្រាស់ម៉ូតូប្រភេទនេះត្រូវតែមានអាជ្ញាប័ណ្ណទើបអាចបើកបរលើដងផ្លូវបាន។

ដោយឡែក ងាកមកកាន់អ្នកលេងអ៊ីនធឺណិតក្នុងប្រទេសកូរ៉េជាច្រើនបានបញ្ចេញមតិមិនពេញចិត្តនឹងសេចក្ដីថ្លែងការរបស់ផលិតកម្មដែលបិតបាំងអំពើមួយនេះដែលហៅថាឃុបឃិត។ ម្នាក់ៗបានហៅគ្រោះថ្នាក់ថា នេះជាការបើកបរក្នុងស្ថានភាពស្រវឹង វាជាការប៉ុនប៉ងមនុស្សឃាតច្បាស់ណាស់។ ហេតុអ្វីបានជាខាងផលិតកម្មបែរជានិយាយកុហក អំពីអ្វីដែលនឹងត្រូវបានរកឃើញទៅវិញ? តើនេះគាត់មិនខ្មាស់គេទេដែលស្រវឹងដេកនៅតាមផ្លូវ។

មិនត្រឹមប៉ុណ្ណឹងទេ គ្រោះថ្នាក់ចរាចរណ៍ដែលបង្កដោយសមាជិកក្រុម BTS នេះបានធ្វើឲ្យអ្នកគាំទ្រពួកគេមានការស្រងាកចិត្តយ៉ាងខ្លាំង។ ជាពិសេសគឺ Big Hit បែរជានិយាយមិនពិត ទាក់ទិនគ្រោះថ្នាក់ដែលអាចសម្លាប់មនុស្សបាន។ យ៉ាងណាក៏ដោយពួកគេមិនពេញចិត្តហើយក៏មិនចង់គាំទ្រ BTS ទៀតដែរ។

យ៉ាងណាមិញ មកទល់នឹងបច្ចុប្បន្ន Suga បាននិងកំពុងចូលរួមក្នុងការបម្រើយោធាជាកាតព្វកិច្ចរបស់គាត់ធ្វើការជាភ្នាក់ងារសេវាសង្គមតាំងពីខែកញ្ញាឆ្នាំមុន។ រដ្ឋបាលកម្លាំងទាហានបានប្រាប់ AP ថា ឧប្បត្តិហេតុមួយនេះនឹងមិនប៉ះពាល់ដល់ការងាររបស់លោកក្នុងនាមភ្នាក់ងារទេ ខណៈដែលឧប្បត្តិហេតុនេះបានកើតឡើងក្រៅម៉ោងតែប៉ុណ្ណោះ៕