ជីវិតកម្សាន្ដ
សម្តេចប្រធានរដ្ឋសភា ផ្តល់អនុសាសន៍៧ចំនុចដល់សមាគមសិល្បករដើម្បីលើកកម្ពស់ និងអភិរក្សសិល្បៈវប្បធម៌ខ្មែរ
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានផ្តល់អនុសាសន៍ចំនួន៧ចំណុចសំខាន់ៗ ជួនដល់សមាគមសិល្បករខ្មែរដើម្បីលើកកម្ពស់ និងអភិរក្សសិល្បៈវប្បធម៌ខ្មែរឱ្យកាន់តែរុងរឿងបន្ថែមទៀត។
![](https://www.kampucheathmey.com/wp-content/uploads/2024/08/photo_2024-08-08-14.50.57-1024x682.jpeg)
ការផ្តល់អនុសាសន៍៧ចំណុចនេះ បានធ្វើឡើងនៅព្រឹកថ្ងៃទី០៨ ខែសីហា ឆ្នាំ២០២៤ ក្នុងឱកាសសម្តេចប្រធានរដ្ឋសភាបានអនុញ្ញាតឱ្យគណៈប្រតិភូសមាគមសិល្បករខ្មែរ ដឹកនាំដោយលោកជំទាវអ្នកឧកញ៉ា ម៉ៅ ចំណាន គិត ម៉េង ប្រធានសមាគមសិល្បករខ្មែរ ចូលជួបសម្តែងការគួរសម និងពិភាក្សាការងារនៅវិមានរដ្ឋសភា។
អនុសាសន៍ចំនួន៧ចំនុចសំខាន់ៗរួមមាន ១- សូមលើកទឹកចិត្តសម្រាប់ការជំរុញ និងការអភិរក្សវិស័យសិល្បៈ និងវប្បធម៌របស់កម្ពុជា ដូចពាក្យស្លោកខ្មែរលើកឡើងថា “វប្បធម៌រលំ ជាតិរលាយ វប្បធម៌ពណ្ណរាយ ជាតិថ្កើងថ្កាន”។
២-ការអភិវឌ្ឍនវប្បធម៌ ត្រូវមានការចូលរួមពីគ្រប់ភាគីទាំងអស់ ទាំងរាជរដ្ឋាភិបាល វិស័យឯកជន និងប្រជាជនទាំងអស់គ្នា ដើម្បីលើកស្ទួយសិល្បៈវប្បធម៌របស់យើង ឱ្យកាន់តែឧត្តុង្គឧត្តមថែមទៀត។
៣-ត្រូវធ្វើការសិក្សាស្រាវជ្រាវ អភិរក្ស គ្រប់ទម្រង់សិល្បៈវប្បធម៌ របស់យើងដែលបាត់បង់កន្លងទៅ ត្រូវយកមកប្រើប្រាស់ឡើងវិញ ឱ្យមានភាពស៊ីគ្នា ស្របតាមបរិបទសង្គមសព្វថ្ងៃ ដែលមានការវិវត្តន៍ពីជំនាន់មួយទៅជំនាន់មួយ គឺធ្វើយ៉ាងណាឱ្យវប្បធម៌ដើរទាន់សម័យកាល។
៤-សមាគម បន្តកៀរគរធនធានថវិកាបន្ថែម តាមរយៈការរៃអង្គាសពីសប្បុរសជននានា សម្រាប់ទ្រទ្រង់សកម្មភាពសង្គម និងការអភិវឌ្ឍផ្សេងជាច្រើនទៀត។
៥-ត្រូវប្រើប្រាស់វប្បធម៌ដើរតួនាទីស្នូល តភ្ជាប់ទំនាក់ទំនងគ្នារវាងប្រជាជន និងប្រជាជន រវាងប្រទេស និងប្រទេស ដែលហៅថា “ការទូតវប្បធម៌”។
៦-សមាគម ត្រូវសហការជាមួយរាជរដ្ឋាភិបាល និងដៃគូ ដើម្បីបណ្តុះបណ្តាលពង្រឹងសមត្ថភាពសិល្បករ សិល្បការិនីជាប្រចាំ ដើម្បីអភិវឌ្ឍន៍ធនធានមនុស្សឱ្យកាន់តែមានសមត្ថភាពខ្ពស់
និង៧-សមាគម គួរប្រើប្រាស់បច្ចេកវិទ្យាឌីជីថល សម្រាប់អភិរក្សសិល្បៈ វប្បធម៌របស់កម្ពុជាយើង តាមរយៈកិច្ចសហការជាមួយប្រទេសជាដៃគូ ក្នុងការចែករំលែកបទពិសោធន៍គ្នាទៅវិញទៅមក។
![](https://www.kampucheathmey.com/wp-content/uploads/2024/08/0K2A9591-1024x683.jpg)
នៅក្នុងឱកាសនោះលោកជំទាវអ្នកឧកញ៉ា ម៉ៅ ចំណាន គិត ម៉េង ប្រធានសមាគមសិល្បករខ្មែរបានជម្រាបជូនសម្ដេចប្រធានរដ្ឋសភា ថា លោកជំទាវអ្នកឧកញ៉ា ពិតជាមានឆន្ទៈ និងការប្តេជ្ញាចិត្តយ៉ាងមុតមាំក្នុងការជួយជំរុញលើកស្ទួយ អភិរក្ស និងអភិវឌ្ឍន៍វិស័យសិល្បៈវប្បធម៌ខ្មែរដ៏ល្អផូរផង់ ឱ្យកាន់តែមានកិត្យានុភាពបន្ថែមទៀតទាំងលើឆាកជាតិ និងអន្តរជាតិ ក្រោមការដឹកនាំ និងចង្អុលបង្ហាញរបស់រាជរដ្ឋាភិបាលកម្ពុជា។
![](https://www.kampucheathmey.com/wp-content/uploads/2024/08/photo_2024-08-08-14.49.45-1024x1024.jpeg)
លោកជំទាវអ្នកឧកញ៉ា ម៉ៅ ចំណាន គិត ម៉េង ក៏បានសម្តែងការកោតសរសើរយ៉ាងខ្លាំងចំពោះសម្តេចមហារដ្ឋសភាធិការធិបតី ដែលជាស្ត្រីពោរពេញដោយសមត្ថភាព មានភាពលេចធ្លោរខ្លាំងទាំងក្នុងឆាកនយោបាយ និងកិច្ចការសង្គម គឺជាធនធានមនុស្សដ៏កម្របំផុតរបស់កម្ពុជា ពិសេស ជានិមិត្តរូបរបស់ស្ត្រីកម្ពុជា។ សម្តេចបានកសាងសមិទ្ធផល និងស្នាដៃដ៏ត្រចះត្រចង់ជាច្រើនទសវត្សរ៍ក្នុងស្ថាប័ននីតិប្បញ្ញត្តិ រហូតត្រូវបានរដ្ឋសភា បោះឆ្នោតផ្តល់សេចក្តីទុកចិត្ត ឱ្យក្លាយជាប្រធានរដ្ឋសភា សម្រាប់នីតិកាលទី៧នេះ និងជាស្រ្តីដំបូងគេក្នុងប្រវត្តិសាស្ត្រថ្នាក់ដឹកនាំកំពូលរបស់ស្ថាប័ននីតិប្បញ្ញត្តិមួយនេះ។
![](https://www.kampucheathmey.com/wp-content/uploads/2024/08/photo_2024-08-08-15.21.12-1024x1024.jpeg)
ក្នុងឱកាសដ៏វិសេសវិសាលនេះ សម្តេចមហារដ្ឋសភាធិការធិបតី បានធ្វើការកោតសរសើរចំពោះលោកជំទាវអ្នកឧកញ៉ា ម៉ៅ ចំណាន គិត ម៉េង ថា ពិតជាស័ក្តិសមបំផុតក្នុងតំណែងជាប្រធានសមាគមសិល្បករខ្មែរ។ ជាមួយគ្នានោះ ដើម្បីជាការលើកទឹកចិត្តនៅក្នុងដំណើរការសមាគមសិល្បករខ្មែរ ឱ្យកាន់តែរលូន និងល្អប្រសើរថែមទៀត សម្តេចមហារដ្ឋសភាធិការធិបតី ឃួន សុដារី ក៏បានឧបត្តម្ភជាថវិកាចំនួន ២០,០០០,០០០រៀល ជូនដល់សមាគមសិល្បករខ្មែរផងដែរ៕
អត្ថបទ៖ សំអឿន
![](https://www.kampucheathmey.com/wp-content/uploads/2024/08/photo_2024-08-08-14.50.52-1024x682.jpeg)
![](https://www.kampucheathmey.com/wp-content/uploads/2024/08/photo_2024-08-08-14.50.53-1024x682.jpeg)
![](https://www.kampucheathmey.com/wp-content/uploads/2024/08/photo_2024-08-08-14.49.42-1024x1024.jpeg)
![](https://www.kampucheathmey.com/wp-content/uploads/2024/08/photo_2024-08-08-14.49.39-682x1024.jpeg)
![](https://www.kampucheathmey.com/wp-content/uploads/2024/08/0K2A0079-1024x683.jpg)
![](https://www.kampucheathmey.com/wp-content/uploads/2024/08/0K2A9835-1024x683.jpg)
![](https://www.kampucheathmey.com/wp-content/uploads/2024/08/photo_2024-08-08-14.50.27-1024x682.jpeg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២២ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២១ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?