ជីវិតកម្សាន្ដ

«ROCKSTAR» វ៉ាដាច់«We Can’t Be Friends» របស់ Ariana ក្លាយជា MV មានអ្នកមើលច្រើនបំផុត

បានផុស

៦ ខែ មុន

នៅ

ថ្ងៃសុក្រ ៩ សីហា ២០២៤

ដោយ

ភាពលេចធ្លោរបស់ Lisa សមាជិកក្រុម BLACKPINK នៅលើ YouTube នៅតែបន្តឥតឈប់ឈរ ខណៈដែលនាងកាន់កាប់បន្តិចម្តងៗនូវកំណត់ត្រាដែលមានស្រាប់ទាំងអស់នាពេលកន្លងមក នៅលើវេទិកាតន្ត្រីដ៏សំខាន់នៅឆ្នាំ២០២៤នេះ។

ទន្ទឹមនោះទៀត បទចម្រៀង “Rockstar” របស់តារាស្រីជនជាតិថៃរូនេះមានការចូលមើលលើសពី១៤៤លានដងនៅលើ YouTube ត្រឹមតែរយៈពេល ៣៨ ថ្ងៃប៉ុណ្ណោះ។ វាបានក្លាយជាវីដេអូដែលមានអ្នកមើលច្រើនជាងគេបំផុតក្នុងនាមសិល្បករទោលស្រីទូទាំងពិភពលោក ក្នុងឆ្នាំ២០២៤ លើសពី MV “We Can’t Be Friends” របស់តារាចម្រៀង និងជាតារាសម្តែងជនជាតិអាមេរិក Ariana Grande ទៅទៀត។

ដោយឡែក នៅលើវេទិកាតន្ត្រីដ៏សំខាន់នេះ “Rockstar” បានការបង្ហាញខ្លួន ២៤ម៉ោងដ៏ធំបំផុតសម្រាប់អ្នកលេងភ្លេង K-pop ឬសិល្បករណាមួយក្នុងឆ្នាំ ២០២៤ ដែលមានអ្នកមើល ៣២.៤ លានដង និង ៣.៤ លានចូលចិត្ត ក្រោយមកបានបង្ហាញខ្លួនដោយផ្ទាល់នៅលេខ១ លើ YouTube Global Top Songs Weekly តារាងដែលមានអ្នកមើល ៨០.៥ លានដង ក្លាយជាការផ្សាយប្រចាំសប្តាហ៍ដ៏ធំបំផុតសម្រាប់បទចម្រៀងណាមួយក្នុងឆ្នាំ ២០២៤ បន្ទាប់ពីវ៉ាដាច់ ‘Houdini’ របស់ Eminem (៦០.៣ លានដង)

មិនត្រឹមប៉ុណ្ណឹងទេ “Rockstar” នៅតែអាចរក្សាកំណត់ត្រាសម្រាប់វីដេអូចម្រៀង K-pop ដែលមានការចូលចិត្តបំផុតដែលបានចេញផ្សាយក្នុងឆ្នាំ ២០២៤ នៅលើ YouTube ទោះបីជាមានការចេញផ្សាយថ្មីៗពីសិល្បករផ្សេងទៀតបានប្រជែងនឹងបទចម្រៀងរបស់នាងយ៉ាងណាក្ដី។

សូមរម្លឹកដែរថា MV ក្រោមចំណងជើងថា ROCKSTAR បានចេញផ្សាយកាលពីថ្ងៃទី ២៨ ខែមិថុនា ឆ្នាំ២០២៤ខណៈដែលទីតាំងថតគឺជាអាគារផ្សារទំនេីបដែលគេបោះបង់ចោលដ៏ធំនៅប្រទេសថៃ New World Department Store ហើយគ្រប់គ្នាល្បីថាអាគារខ្មោចលងប្រចាំប្រទេស។ ជាពិសេស វាក៏ជាការចេញផ្សាយលើកដំបូងរបស់ Lisa នៅក្រោមផលិតកម្ម Lloud និង RCA Records ចាប់តាំងពីការចាកចេញរបស់នាងពីផលិតកម្មយក្យ YG និង Interscope Records កាលពីឆ្នាំមុន និងការចេញចម្រៀងទោលលើកដំបូងក្នុងរយៈពេល ៣ ឆ្នាំកន្លងមកនេះដែរ៕