ជីវិតកម្សាន្ដ
តារារ៉េប វណ្ណដា អរគុណ សម្តេចតេជោ ហ៊ុន សែន និង សម្តេចធិបតី ហ៊ុន ម៉ាណែត
តារាចម្រៀងរ៉េបវ័យក្មេងលោក វណ្ណដា បានបង្ហាញក្តីរំភើបខ្លាំង និងបានថ្លែងអំណរគុណជូនចំពោះសម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រី បន្ទាប់ពីទទួលបានការសរសើរ និងអបអរសាទរ ក្នុងអំឡុងពេលលោកតំណាងប្រទេសកម្ពុជា នៅលើឆាកនៃកម្មវិធីបិទការប្រកួតកីឡាអូឡាំពិក រដូវក្តៅ២០២៤ នៅទីក្រុងប៉ារីស ប្រទេសបារាំង។

តាមរយៈខ្លឹមសារដែលតារាចម្រៀង វណ្ណដា ឆ្លើយតបជូនចំពោះសម្តេចតេជោ ហ៊ុន សែន និងសម្តេច ធិបតី លោកបានរៀបរាប់ថា «សូមគោរពអរគុណសម្តេចពុក(សម្តេចតេជោ ហ៊ុន សែន) ក្នុងនាមជាកូនខ្មែរ នេះជាអ្វីដែលខ្ញុំ និងក្រុមការងារតែងតែស្រមៃចង់ធ្វើសម្រាប់ប្រទេសកម្ពុជា ហើយឥឡូវនេះ គឺពិតជារំភើបដែលបានឃើញពុកម៉ែបងប្អូនទាំងអស់ចូលរួមរីករាយ សាទរ ជាមួយគ្នាក្នុងពេលវេលាដ៏មានន័យនេះ»។
ចំណែកខ្លឹមសារមួយទៀតលោក វណ្ណដា បានលើកឡើងដែរថា «ជាដំបូងសូមគោរពអរគុណសម្តេចមហាបវរធិបតី ហ៊ុន ម៉ាណែត ក្នុងនាមជាសិល្បករមួយរូបតំណាងឱ្យផលិតកម្មបារមី និងក្រុមការងារទាំងអស់ ពួកយើងពិតជាមានមោទកភាពបំផុត ដែលត្រូវបានអញ្ជើញជាកិត្តិយសទៅសម្តែងតំណាងប្រទេសកម្ពុជានៅលើឆាកនៃកម្មវិធី «បិទការប្រកួតកីឡាអូឡាំពិក រដូវក្តៅ២០២៤ »នៅទីក្រុងប៉ារីស ប្រទេសបារាំង ហើយពួកយើងនឹងបន្តខំប្រឹងប្រែងដើម្បីនាំយកសម្លេងតន្ត្រីខ្មែរឱ្យកាន់តែល្បីរន្ទឺនៅលើឆាកអន្តរជាតិ»។

សូមបញ្ជាក់ថា កំពូលតារាចម្រៀងរ៉េបវ័យក្មេងលោក ម៉ាន់ វណ្ណដា បានធ្វើដំណើរវិលត្រឡប់មកដល់ប្រទេសកម្ពុជាវិញហើយនៅព្រឹកថ្ងៃទី១៤ ខែសីហា ឆ្នាំ២០២៤ នេះ បន្ទាប់ពីលោកតំណាងប្រទេសកម្ពុជានៅលើឆាកនៃកម្មវិធីបិទការប្រកួតកីឡាអូឡាំពិករ ដូវក្តៅ២០២៤ នៅទីក្រុងប៉ារីស ប្រទេសបារាំង។

ជាមួយគ្នានេះដែរ ក្នុងការទទួលស្វាគមន៍វត្តមាន លោក វណ្ណដា វិលមកមតុប្រទេសនេះ គេក៏ឃើញមានវត្តមានរបស់លោក ថោង ខុន ទេសរដ្ឋមន្ត្រីទទួលបន្ទុកចលនាអភិវឌ្ឍកីឡា និងជាប្រធានគណៈកម្មាធិការជាតិអូឡាំពិកកម្ពុជា និងលោក វ៉ាត់ ចំរើន រដ្ឋលេខាធិការក្រសួងអប់រំយុវជន និងកីឡា ព្រមទាំងមន្ត្រី អ្នកសារព័ត៌មាន និងអ្នកគាំទ្រ យ៉ាងច្រើនកុះករ នៅអាកាសយានដ្ឋានអន្តរជាតិភ្នំពេញ៕
អត្ថបទ៖ ចាន់រ៉ា




-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?