មិនឲ្យរំភើបយ៉ាងម៉េច!តារារ៉េប​ វណ្ណដា បានសម្ដែងរួមឆាកជាមួយតារាល្បីលំដាប់ពិភពលោកប៉ុន្មានដួងនេះ

ដូចដែលយើងដឹងស្រាប់ហើយ តារាចម្រៀងរ៉េប វណ្ណដា បានឡើងសម្ដែងនៅលើឆាកតន្ត្រីបិទកម្មវិធីព្រឹត្តិការណ៍អូឡាំពិចដ៏អស្ចារ្យ ដែលលោកបានតំណាងឲ្យប្រទេសកម្ពុជា មានកិត្តិយសយ៉ាងធំធេង ដែលបានឡើងលើឆាករួមជាមួយនឹងតារាល្បីៗលំដាប់ថ្នាក់ពិភពលោក កាលពីថ្ងៃទី11 ខែសីហា ឆ្នាំ២០២៤ ថ្មីៗកន្លងទៅនេះ។

ជាមួយគ្នានេះដែរ តារារ៉េប វណ្ណដា បានសម្ដែងបទ Time to Rise ដែលជាចម្រៀងរួមជាមួយនឹងលោកតា គង់ ណៃ ដែលបានលាចាកលោកទៅហើយក្ដី។ នៅក្នុងព្រឹត្តិការណ៍សម្ដែងសិល្បៈបិទព្រឹត្តិការណ៍អូឡាំពិច២០២៤នេះ ត្រូវបានចូលរួមសម្ដែងដោយ តារាសម្ដែងហូលីវូដ ជើងចាស់ លោក Tom Cruise បានបង្ហាញនូវឈុតឆាកសម្ដែងដ៏អស្ចារ្យជាមួយនឹងម៉ូតូធំ ដែលលោកបានបញ្ជូននៅភ្លើងគុបអូឡាំពិចពីបារាំង ឆ្លងទ្វីបទៅកាន់សហរដ្ឋអាមេរិច ដែលជាម្ចាស់ផ្ទះបន្ដ។

មិនតែប៉ុណ្ណោះ ចំពោះការសម្ដែងក្នុងការផ្ទេរភ្លើងគុបទៅកាន់ម្ចាស់ផ្ទះអូឡាំពិកបន្ដនៅក្នុងឆ្នាំ២០២៨ គឺត្រូវបានសម្ដែងដោយតារាល្បីៗដូចជា តារារ៉េប Snoop dogg បានសម្ដែងចម្រៀងចំនួន២បទគឺ Drop It Like It Hot និង បទ​ Gins and Juice ដែលចូលរួមដោយ តារារ៉េបម្នាក់ទៀត Dr Dre។

មិនតែប៉ុណ្នោះ តារាចម្រៀងស្រី Billie Eillish ដែលជាតារាចម្រៀង Pop កំពុងពេញនិយមយ៉ាងខ្លាំងក្លា បានច្រៀងចម្រៀងមួយបទ ដែលទើបនឹងចេញថ្មី ហើយទទួលបានការចាប់អារម្មណ៍ខ្លាំងនោះគឺបទ Birds of a feather ដែលពួកគេត្រូវបានសម្ដែងនៅឯទីក្រុង LA សហរដ្ឋអាមេរិច។

លើសពីនោះ ក៏មានវត្តមានតារាចម្រៀងជាច្រើននាក់ទៀត ដែលមានកេរ្តិ៍ល្បីល្បាញ មកពីបណ្ដាប្រទេសនានាជុំវិញពិភពលោក បានឡើងឆាកតន្ត្រីអូឡាំពិច ហើយ វត្តមាន របស់ តារាចម្រៀងរ៉េបរបស់ខ្មែរ លោក វណ្ណដា បានក្លាយជាប្រវត្តិសាស្ត្រដ៏អស្ចារ្យសម្រាប់សិល្បករខ្មែរ ដែលមានមហាកិត្តិយសសម្ដែងលើឆាកអន្តរជាតិ និង ទទួលបានការចាប់អារម្មណ៍ពីមហាជននៅក្រៅប្រទេស៕