ជីវិតកម្សាន្ដ

Lisa ប្រកាសក្ដែងៗថា Blackpink មិនរំសាយក្រុមដាច់ខាត

បានផុស

៨ ខែ មុន

នៅ

ថ្ងៃសៅរ៍ ១៧ សីហា ២០២៤

ដោយ

Lisa សមាជិកក្រុម Blackpink បានធានាដល់អ្នកគាំទ្រថា ក្រុមនឹងមិនរំសាយទេ ទោះបីជាមានការខិតខំប្រឹងប្រែងរៀងៗខ្លួនរបស់សមាជិកក៏ដោយ។ តារាចម្រៀងរូបនេះបានរំសាយពាក្យចចាមអារ៉ាមអំពីការបែកបាក់នៅក្នុងបទសម្ភាសមួយជាមួយ Elle (បោះពុម្ពផ្សាយនៅសហរដ្ឋអាមេរិក) សម្រាប់ការចេញផ្សាយនៅខែកញ្ញារបស់ខ្លួន ដែលនាងបាននិយាយអំពីអាជីព ជីវិតផ្ទាល់ខ្លួន និងអនាគតក្រុម។

នាងបាននិយាយថា ពិតណាស់ពេលនេះពួកយើងកំពុងបន្ត ហើយពួកយើងមានមោទនភាពចំពោះ Blackpink ខ្លាំងណាស់ ហើយសូម្បីតែនាងក៏ស្រលាញ់ Blackpink ។ វាមិនមែនដោយសារអ្នកគាំទ្ររបស់ពួកយើងទេ វាសម្រាប់ខ្លួនពួកយើងទាំងអស់គ្នា នេះហើយជាជីវិតរបស់ពួកយើងក្នុងក្រុម។

ក្រឡេកទៅមើលអតីតកាលរបស់នាងជាមួយក្រុម Blackpink តារាចម្រៀងថៃ Lisa នឹកឃើញដល់ការប្រគំតន្ត្រីទេសចរណ៍ពិភពលោកឆ្នាំ ២០២៣ Born Pink ជាកន្លែងដែលនាងកាន់តែជិតស្និទ្ធជាមួយមិត្តរួមក្រុមដោយស្វែងរកកន្លែងថ្មីៗ សាកល្បងអាហារក្នុងស្រុក និងដើរទិញឥវ៉ាន់ជាមួយគ្នា។ នាងក៏បានសង្កត់ធ្ងន់ទៅលើទំនាក់ទំនងពិសេសនៅក្នុងក្រុម Blackpink ដោយពណ៌នាអំពីរបៀបដែលសមាជិកទាញថាមពលពីគ្នាទៅវិញទៅមកអំឡុងពេលសម្តែង។

តារាស្រីពូកែរាំកាច់រៀងជាងគេក្នុងក្រុមបានពន្យល់ថា «នៅពេលខ្ញុំនៅលើឆាកជាមួយ Blackpink ខ្ញុំចែករំលែកថាមពលរបស់ខ្ញុំជាមួយសមាជិករបស់ខ្ញុំ។ ប្រសិនបើនាងឲ្យ១០០ ខ្ញុំនឹងឲ្យ ១២០ ។ យើងអាចមានអារម្មណ៍គ្នាទៅវិញទៅមក ហើយខ្ញុំស្រឡាញ់ថាមពលនោះ»។

ទោះបីជាមានវត្តមាននៅលើឆាកដ៏មានឥទ្ធិពលក៏ដោយ Lisa បានសារភាពថា និយាយឲ្យត្រង់ទៅ «ខ្ញុំមិនមែនជាប្រភេទដែលពូកែបង្ហាញអារម្មណ៍របស់ខ្ញុំទេ។ ពេលថ្មីៗនេះ ខ្ញុំមានទំនុកចិត្តកាន់តែខ្លាំងចំពោះអ្វីដែលខ្ញុំគិត ហើយនិយាយវាឲ្យឮៗ»។ យ៉ាងណា នៅក្នុងជីវិតផ្ទាល់ខ្លួន Lisa ចូលចិត្តស្នាក់នៅផ្ទះ មើល Netflix និងចំណាយពេលជាមួយសត្វចិញ្ចឹមរបស់នាងតែប៉ុណ្ណោះ៕