ជីវិតកម្សាន្ដ

ឧកញ៉ា ខេមរៈ សិរីមន្ត តំណាងសិល្បៈចម្រៀងកម្ពុជាចេញទៅសម្ដែងកម្មវិធីតន្ត្រីវប្បធម៌នៅអាមេរិក

បានផុស

៧ ខែ មុន

នៅ

ថ្ងៃចន្ទ ១៩ សីហា ២០២៤

ដោយ

តារាចម្រៀងងារជាឧកញ៉ា ខេមរៈ សិរីមន្ត បានត្រៀមខ្លួនចេញទៅច្រៀង និងសម្តែងនៅសហរដ្ឋអាមេរិកក្នុងកម្មវិធីតន្ត្រីវប្បធម៌មួយមានឈ្មោះថា Cambodia day។ នេះបើតាមការបញ្ជាក់ឲ្យដឹងពីសំណាក់ លោក ខេមរៈ សិរីមន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង ខេមរៈ សិរីមន្ត បានឲ្យដឹងទៀតថា លោកនឹងមានវត្តមានជួបអាណិកជនខ្មែរនៅលើ ទឹកដីអាមេរិក នាថ្ងៃទី ២៨ ខែកញ្ញា ឆ្នាំ ២០២៤ ខាងមុខនេះ។ ទោះបីយ៉ាងណា គេមិនទាន់ដឹងទេថា ដំណើរឆ្លងប្រទេសរបស់លោក ខេមរៈ សិរីមន្ត នាពេលខាងមុខមានរយៈពេលប៉ុន្មានសប្ដាហ៍។

លោក ខេមរៈ សិរីមន្ត បាននិយាយថា «ជម្រាបសួរពុកម៉ែបងប្អូនទាំងអស់គ្នានៅ«សហរដ្ឋអាមេរិក» ខ្ញុំបាទ ខេមរៈ សិរីមន្ត គឺមានសេចក្ដីសោមនស្សរីករាយខ្លាំងណាស់ដែលបានទទួលការអញ្ជើញ យ៉ាងពិសេសតំណាងសិល្បៈចម្រៀងនៅកម្ពុជាមកសម្ដែងនៅក្នុងកម្មវិធីតន្ត្រីវប្បធម៌ Cambodia day នៅទីតាំងញូញៀនស្វ៊ែ ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក»។

កំពូលតារាចម្រៀងរបស់កម្ពុជារូបនេះ បានបន្ថែមថា «សូមបងប្អូនចូលទៅក្នុងវេបសាយ ខេមបូឌាដេ ទាំងអស់គ្នា និងជួបគ្នានៅទីនោះទាំងអស់គ្នា នៅថ្ងៃទី ២៨ ខែកញ្ញា ខាងមុខនេះ សូមអរគុណ»។

គួរបញ្ជាក់ថា ចូលប្រឡូកក្នុងវិស័យសិល្បៈផ្នែកចម្រៀងយូរឆ្នាំកន្លងមកនេះ កំពូលតារាចម្រៀងលោក ខេមរៈ សិរីមន្ត ក្តោបបានទីផ្សារគាំទ្រយ៉ាងច្រើនពីសំណាក់មហាជន និងមិត្តៗ យុវវ័យ ដែលជាឱកាសកើបលុយក្លាយជាឧកញ៉ាដូចពេលបច្ចុប្បន្ន៕

អត្ថបទ ៖ ចាន់រ៉ា